Read icen AYohana 20 Bible Online

AYohana 20 - icen bible

AYohana 20

¹Ne bop adiding afi kunom imɛsɛng afi inyim nnom, ne karɔ irēn resek hwyi, aMarya afɛ́ aMagadala, a tse ni irɛk e, a tse a se ba mi yirik kuta fɛ́ ba di fam kanu irɛk e.

²Nek anɔng, a ta i tsi sak narɔ aSiman Bitrus, nɛ afi-imɛɛs e yɔng fɛ́ aYeso di ti iyɛ, a fɛ̀ ni iba, “Ba mi tse ba sok kukom aTisa me ni rɛk e, iyit da in rēn yit, karɔ fɛ́ ba tse ba di sak iko awo.”

³Nek anɔng, aBitrus, nɛ afi-imɛɛs e yɔng ba yit irèn sak ni rɛk e.

⁴Ngma ba bafaa, ba sok itsi, awɛt afi-imɛɛs e yɔng teng a wat aBitrus, a tung tse a ta ni rɛk e.

⁵A te nyuk, a te gang kayɛt irɛk e, a di nkpin alinɛn e azɔng, da a ne a nɔ ayɛt e awo.

⁶Ama anɔng, aSiman Bitrus, ne a bɛ́ a ta ama, iwu tin nɔ ayɛt irɛk e. A di nkpin alinɛn azɔng aben.

⁷A tɛ di ares inɛt e yɔng fɛ́ ba kin di karam ni ice aYeso. Ares e di se mo kpaf tɛ ba kin di kunung kukom, anɔng narɔ na, zɛɛt ne afɛ́ alinɛn me.

⁸Afi-imɛɛs azining e yɔng, fɛ́ a tun tse a ta ni irɛk e, da ne a nɔ ayɛt e awo. A di, a di nɔɔk atsak.

⁹(Sak izen e yɔng, iba resek dan rēn ikyɛng fɛ́ ba jɛk ni kufumung aJɛrɛ ye, kukom wu ba ti kudorok.)

¹⁰Ama anɔng, bafi imɛɛs e bun sak ari.

¹¹AMarya di weseng azɔng nanu irɛk e, a woso ának. A se ne kanak e, a te nyuk, a te gang ka yɛɛt irɛk e,

¹²a fɛ́ di batomaza bafaa, fɛ́ ba te nkpin nkan. Ba sonong narɔ fɛ́ ba kin di mees kukom aYeso me, azining abace, azining abatin.

¹³Batomaza fɛ̀ ni iwu, “Anyin asa, i tos akyɛ?” A fɛ̀ ni iba, “Ba mi sok aTisa min sak akɛ yi, imi da in rēn karɔ fɛ́ ba tse ba ku sak mo awo.”

¹⁴Ama anɔng, a fɛ́ a tirik, a di aYeso ni nyeseng azɔng, iwu vit irēn fok aYeso yɔng.

¹⁵AYeso fɛ̀ ni iwu, “Anyin asa, akyɛ sak fi i tos ɛ? Angan wu fi itsɛt ɛ?” AMarya yes gyang anet itomong igɔɔt e yɔng. Nek anɔng, a fɛ̀ ni iwu, “Akɔk-ashon, ki ngɔn wu fi i sok kukom e, ni di tak karɔ me, nɔng in di tsin sok iko.”

¹⁶AYeso fɛ̀ ni wu, “AMarya.” A tirik, a ku di, a fɛ̀ ni wu ni ilem baYahuda, “ARaba[20]!”

¹⁷AYeso fɛ̀ ni iwu, “I bi di tɛnɛng awo, nek imi resek dan ngarak sak narɔ Ada min. Ngɔn tsi se baruneng, da fɛ̀ ni ba, ‘In mi yɔng in bun sak narɔ Ada min, nɛ Ada yin, in bun sak narɔ Adakunom min, nɛ Adakunom yin ba.’ ”

¹⁸AMarya afɛ́ aMagadala tseng, a tse tak bafi imɛɛs e ye, “Imi mi di aTisa yit!” A ma ka ba tak ikyɛng fɛ́, a fɛ̀ ni wu.

¹⁹Ne hwyɛ afi kunom imɛsɛng inyim nnom e, bafi imɛɛs aYeso kana tusung ari kakak, ba famasa natitu nek inyim bakɔk-ashon baYahuda. Ayet anɔng, aYeso bɛ́ a nyeseng ne te ba, a ka ba te show, ye, “Won yin iyɛ yin ni men!”

²⁰Ama fɛ́ a fɛrɛng anɔng, a ka ba tonong mbɔk wu, nɛ akufam wu. Izen fɛ́ bafi imɛɛs wu ku di, ba nye iyɛ ikan makiyi.

²¹AYeso tɛ fɛ̀ ni iba, “Won yin iyɛ yin ni men! Kyon ti Ada min di tom, anɔng fi imi tsin ki tom yin ba.”

²²Ama fɛ́ a fɛrɛng anɔng, a ka ba fɛp ni nsong wu, a fɛ̀ ni ba, “Shan yin Kabik aJɛrɛ.

²³Ngma ayɔng fi i ku fuut yin inɛn wu, Adakunom mi ku fuut e; ngma ayɔng fi da i ku fuut yin inɛn wu awo, Adakunom mi ku fuut e awo.”

²⁴AToma (fɛ́ ba ku yes aDidimus), azining ayɛt bafi imɛɛs wu kusɔk abe afaa me, iwu kin se wereng ni izen fɛ́ aYeso a kin tse se ishɛrɛp bafi imɛɛs e.

²⁵Ishɛrɛp bafi imɛɛs e fɛ̀ ni wu, “Iyit mi di yit aTisa me!” AToma fɛ̀ ni iba, “Ki da imi di imya, narɔ fɛ́ atsɔm kin ku taas mo mbɔk awo, ki da in di te itsambɔk yin, ayɛt ábóng nfot fɛ́ atsɔm e kin di nɔɔs awo, in di tes mbɔk ne akufam wu awo, in mi tsin di nɔɔk atsak ni ifɛ̀ awo.”

²⁶Ama nkɔs nkara, bafi imɛɛs wu tɛ ba nyim ari me yɔng, aToma kin se gung ni iba. Natitu kin se ni ifam, aYeso bɛ́ a nyeseng ne te ba, a ka ba te show ye, “Won yin iyɛ yin ni men!”

²⁷A da ma fɛ̀ ne aToma, “Te itsambɔk ngɔn aze, di mbɔk hom, nabak mbɔk ngɔn di basap akufam hom. Won avit inɔɔk atsak, da shan atsak.”

²⁸AToma fɛ̀ ni wu, “ATisa min, nɛ Adakunom min!”

²⁹AYeso ma fɛ̀ ni iwu, “Ngɔn nɔɔk atsak, nek ngɔn di di ne ayisi yɛ? Awɛng se naton bayɔng fɛ́ ba di nɔɔk atsak, dan ne ba di.”

³⁰AYeso raas ntomong abes dot ashon bafi imɛɛs wu, fɛ́ da ba kyem ba jɛk ina ngma ni fumung kang awo.

³¹Ba jɛk nkyɔrɔk nang ngma, nɔng iyin bin di nɔɔk yin atsak fok aYeso wu a yet Anet-Isheshek, Arim Adakunom. Ba jɛk anɔng, nɔng i di ki se yin kutset, ki i nɔɔk in atsak, ayɛt iyerek wu.