Read icen Ntomong Batom 21 Bible Online

Ntomong Batom 21 - icen bible

Ntomong Batom 21

¹Ama fi in mi tirik kama, in kpa wɔk yit ayɛt kukyɛ ashi, in sok yit irèn tsik sak ni iwɔp izek aKos. Akatson, in tsin ta yit ni wɔp izek aRodes, ama fi in won yit azɔng, in tsin ta yit na aPatara.

²In tsi in sɛ yit kukyɛ ashi fi ku da tat sak ni mben aFinikiya, in nɔ yit iko, in kpa wɔk yit.

³Ni izen fi in kpa nye gang yit aSayipurus, in won yit kuwɔp izek e ni bɔk imen, in tatɔk yit sak na aSiriya, in tsin nyeseng yit na aTiya, azɔng wu fi kukyɛ ashi me da turung acet fi ku cet.

⁴Fi in sɛ yit bafi ikuus azɔng, in sot yit ni iba nkɔs kanakataat. Kabik tik ni ba, ba fɛ̀ na aBulus ye da a bi tse ni aRushelima awo.

⁵Awɛt ama fi izen idorok nye, in won yit azɔng, in ya yit kashon ni kutseet yit. Ngma bafi ikuus e, nɛ banyining bá, ni nnon bá, ba tse ba ki tsa yit sak ama iwɔp, sak na anu ashi, in sak yit akut aben ra yit awon.

⁶Ama fi in kana te yit a tɔ, in tsi nɔ yit kukyɛ ashi, iba tɛ ba bun sak ari.

⁷Iyit won yit aTiya, in ya yit kashon ni kutseet sak na aTolemayis. In tsin te show yit bafi ikuus, in nye yit kukɔs kuzining azɔng ni iba.

⁸Akatson in won yit azɔng sak na aKaisariya, in tsin in tik yit ari aFilibus anet ishara ifɛ̀ itek, azining ayɛt banet kanakataat.

⁹A bɛ̀ bangas banaas fɛ́ ba resek dang ras nweneng, fɛ́ ba taas ibes.

¹⁰Ama fi in bɔ yit nnom gaan azɔng, atan akak fɛ́ ba ku yes ye Agabus, a ne na aJudiya.[29]

¹¹A bɛ́ bakat ni iyit, a sok kudun awit aBulus, Agabus e kana rosom mo, atak ni mbɔk, a da ma fɛ̀, “Ikyɛng de fɛ́ Kabik aJɛrɛ cɛɛt, ‘Ane wu fɛ́ baYahuda fɛ́ ba se ni aRushelima da nye, na atek kudun awit ka, ba da ku rosom, na ba ku nabak ni bɔk Ícɛn-iduk.’ ”

¹²Izen fi in fok yit anɔng, iyit nɛ banet fɛ́ ba se azɔng, in di tsot yit akabɔk na aBulus fok da a bi tse ni aRushelima awo.

¹³ABulus bun ni ifɛ̀ ye, “Akyɛ sak fi iyin tos yin, ni di bushung yin nkap ɛ? Imi mi kana nye, da ni isot inyang kyɛk awo, won ni in ku na aRushelima gbak nek iyerek aTisa aYeso.”

¹⁴Nek in kyem in sɔ yit ice wu awo, in ku won yit, in fɛ́ yit, “Won ikyɛng fɛ́ aTisa shim ni i sot.”

¹⁵Ama nnom e yɔng, in kana nye yit, in kpa ngarak yit sak na aRushelima.

¹⁶Bakak ayɛt bafi ikuus fɛ́ ba se na aKaisariya, ba tse ba ki tsa yit sak ari aNason afɛ́ aSayipurus, anet fɛ́ a mi fɔɔn ni ikuus, azɔng fi in tsin sot yit.

¹⁷Ni izen fi in tsi in ta yit na aRushelima, bafi ikuus ki shan yit ni iyɛ ikan.

¹⁸Akatson aBulus ni nshɛrɛp yit, in tsin di yit aYakubu, ngma bashɔn bafi ikuus aRushelima kin se azɔng.

¹⁹Ama fɛ́ aBulus mi kaba te show, a kpa kaba tas nzizining ngma nkyɔrɔk fɛ́ Adakunom mi nye ayɛt Ícɛn-iduk ayit kutomong fɛ́ a se ne.

²⁰Ni izen fɛ́ ba fok anɔng, ba tere Adakunom. Wat ba fɛ̀ na aBulus, “Aruneng, ngɔn di baYahuda agup dot fɛ́ ba mi shan atsak, di ngma ba ba bɛ́ iyɛ ngash ikuus ntsi aMusa,

²¹ba mi fok fok ngɔn tees ngma baYahuda fɛ́ ba se ni mben Ícɛn-iduk fok, ye na ba won ntsi aMusa, ni nye ni iba fok, da ba bi ya nnon bá katse awo, fok da ba bi kuus nggɔn yit awo.

²²Akyɛ yet ikyɛng inye ɛ? I se gbing-gbing ba da fok fok ngɔn mi bɛ́,

²³nek anɔng, nye ikyɛng fi in da fɛ̀ yit ni ngɔn. Banet banaas bang gung ni iyit fɛ́ ba mi sok kushi.

²⁴“Ngɔn sok banet e bang, tsi mon ice ni iba ni izen fɛ́ ba da kpa nasos ajɛrɛ, tsi tarang itsɔm, nɔng ba da ka ba kot mo ace bá. Na anɔng wu, kaangan da rēn fok vit atsak ayɛt kucɛɛt fɛ́ ba kin fok naton ngɔn, ba da fɛ̀ ngɔn ice ngɔn i kuus ntsi.

²⁵Awɛt azaton bafi ikuus Ícɛn-iduk, iyit mi kaba jɛk yit kufumung ikyɛng fi iyit nyeseng yit naton e fok, na ba te yik-yik ni ikyɛng fɛ́ ba mi di nye inabak-akuce sak na nabannom e, da ba bi ya nasok awo, da ba bi ya ikyɛng fɛ́ ba firik kutɔ me awo, da na ba ras kubi awo.”

²⁶Akatson, aBulus sok banet e, iwu nɛ banet e ba tse ba so nasos ajɛrɛ. Ama anɔng, a tse nitu iya Adakunom ntong, nɔng a tse a tak kunom ni izen fi ntsi ajɛrɛ bá bi di gang, na ba nabak kunang naton akaangan ba.

²⁷Ni izen fi nkɔs kanakataat bɛ́ bakat ni in shining, baYahuda bakak fɛ́ ba ne ni mben Asiya, di aBulus ni itu iya Adakunom ntong. Ba ruk kudyɛng banet ngma kusum, ba tekap aBulus,

²⁸na ba tang nkun ye, “Banet aIsrela, ki sɛ yit mo! Anet e yong fɛ́ a teng na tees banet kaakye fok da ba bi kuus nggɔn yit ni ntsi yit nɛ karɔ kaJɛrɛ kang awo. Ama anɔng, a mi ne na BaGirik, a bɛ́ a nɔ ni iba ni itu iya Adakunom ntong, a mi beseng karɔ kang.”

²⁹(Nek iba mi tsang di aTurofimus anet Afisa gung nɛ aBulus ayɛt iwɔp, nek anɔng ba yes fok aBulus mi nɔ ni iwu narɔ iya Adakunom ntong.)

³⁰Kuwɔp e ngma kusum wat ku te kpɛrɛdɛng, banet nes ni irèn zizɛɛt. Ba tekap aBulus, ba ku tun ni itu iya Adakunom ntong e, ba wat ba famasa natisi me.

³¹Na ba tsin tsɛt ba da sok kutset wu, ifɛ̀ me tsi nɔ ni to agbat-agbat batsom aRoma fok idorok nhwyɛ mi nɔ ni wɔp aRushelima.

³²Ni izen izining, a sok bakɔk-ashon batsom nɛ batsom e, ba di berem sak narɔ kudyɛng banet e. Ni izen fɛ́ bafi idorok nhwyɛ me di agbat-agbat batsom e, nɛ batsom wu, ba won itsot aBulus e.

³³Agbat-agbat batsom e, tse a tekap aBulus, a sak ba ku rosom na anyang afaa. Ama ku rip fok a yet angan ɛ, a ra inɛn akyɛ.

³⁴Bakak ayɛt kudyɛng banet e tang nkun fok ane, nɛ bakak fɛ̀ ane, nek agbat batsom e kyem a yit atsak ice icɛɛt e awo nek awɔng, a sak na ba tse na aBulus ni wɔp batsom.

³⁵Ni izen fɛ́ aBulus ta na ata ingarak, idorok nhwyɛ me di barang makiyi fi i sot gbing-gbing batsom e ku sok ikyɛng ba.

³⁶Kudyɛng banet fɛ́ ba di rosok e, woso tang nkun fok, “Na ba ngasang amaan!”

³⁷Ni izen fɛ́ batsom e shim nɔ na aBulus ni wɔp batsom e, a rip agbat-agbat batsom e, “In da kyem in fɛrɛng ikikak ni ngɔn ɛ?” Agbat batsom e ku rip yi, “Ngɔn rēn icɛn BaGirik ɛ?”

³⁸Ngɔn wu i yet anet aMasat fi i kin tumung idorok nhwyɛ, fi i kin tun bafi idoro nhwyɛ banet agup anaas sak atse ni nkɔs ama awɛ?

³⁹ABulus fɛ̀ ni wu, “Imi yet afɛ́ aYahuda, afi iwɔp aTarsus ni mben aKilikiya, afi kuwɔp fi ku yet ikyɛng ibyɛs awo. Kabɔk di nang kawat in di fɛrɛng na banet e.”

⁴⁰Ni izen fɛ́ agbat batsom me kunang kawat e, aBulus ngarak na ata ingarak e, a ka ba te kubɔk ye na ba te yuu. Ni izen fɛ́ ba te yuu, a fɛ̀ ni iba ni ilem a Aram.