Read icen Ntomong Batom 5 Bible Online

Ntomong Batom 5 - icen bible

Ntomong Batom 5

¹Awɛt anet akak kin se fɛ́ ba ku yes Ananiyas, iwu nɛ abining wu aSapiratu, ba rɛp ikyɛng ibɔk bá ikak.

²Ni kushim abining wu, a kaba itsɔm ikɔ me, a kyɛk ikak nek ice wu, a da ma tse ni nshɛrɛp e sak ashon batom aYeso.

³ABitrus fɛ̀ ni wu, “Ngɔn Ananiyas, Akyɛ sak fi ngɔn won aShetan da nɔ ni iyɛ yɛ? A da te ira mbɔɔs sak na Kabik aJɛrɛ, ama fi ngɔn mi nɛt ishɛrɛp itsɔm fi i di rɛp ikɔ me.

⁴Dang ngɔn ni rɛp ikɔ me, i yet ifɔɔn awɛ? Ama fi irɛp ide, itsɔm ikɔ me yet ifɔɔn awɛ? Akyɛ da sak i nye aduk kuyiring anɔng ɛ? Di, ayet anet fi ngɔn ku ra mbɔɔs awo, ayet Adakunom wu.”

⁵Nkum fɛ́ Ananiyas fok anɔng, a wat a kpa aben, a kɔrɔk nsong igang e. Nnyim yit kaangan makiyi fɛ́ a fok ikyɛng fi ite.

⁶Ama anɔng, bacam bɛ́, ba kunung kukom e, ba sok iko, ba tse ba nɛt.

⁷Ama igip itaat, abining wu bɛ́ a nɔ, vit irēn ikyɛng fi i mi te.

⁸ABitrus ku rip ye, “Di tak, ngak itsɔm e de fi i di rɛp yin ikɔ me yɛ?” Abining e fɛ̀ ni wu, “Ey, i se anɔng.”

⁹Wat aBitrus fɛ̀ ni wu, “Akyɛ sak fi ngɔn nɛ atekari ngɔn, imoon yin kanu, nɔng i da mara yin Kabik aTisa yɛ? Fok! Atak banet fɛ́ ba ne kunɛt atekari ngɔn yɔng atitu, ba da bɛ́ ba da sok sak amatse bà.”

¹⁰Ni izen izining, a kpa natak wu, a kɔrɔk nsong igang e. Ama anɔng, bacam e bɛ́ ba ku sɛ kukom e, ba ku tun amatse, ba tse ba ku nɛt ni fam amatek wu.

¹¹Nnyim yit bafi ikuus e ngma kusum makiyi, ni nshɛrɛp banet fɛ́ ba fok ikyɛng fi ite me.

¹²Batom aYeso me ras ntomong abes, ni ikyɛng ajingjing dot nate banet. Ngma bafi ikuus e nyis narɔ fɛ́ ba yes Agubuk aSolomon, atasa Karɔ Iya Ntong.

¹³Vit akak ayɛt baYahuda fɛ́ da ba yet bafi ikuus awo fɛ́ a shim a tse bakat ni iba, ngma na anɔng, banet ngma kusum ka ba nesek iratek.

¹⁴Ngma na anɔng, banet hwyɛt, bamatek nɛ banyining nesek atsak na aTisa, ba di barasa kudot bá.

¹⁵Anɔng e sak banet kok bafi nrɔk sak ni irèn, ba ka ba saas naton na meneng nɛ ashit ye fok nyen nawu aBitrus di ki kpa naton bakak ayɛt bafi nrɔk e, ni izen igot wu.

¹⁶Banet dot woso kana tusung, ba nes ne naban wɔp fɛ́ na se bakat ni aRushelima, ba woso del na bafi nrɔk nɛ bayɔng fi kurɔk itseng ka ba nesek mgbang, ngma ba, ba ka ba tes kyang.

¹⁷Agbat-agbat àware nɛ bafidang itomong wu, iba ba ba yet bafɛ́ azumung BaSadusi, ba foos ifup batom aYeso makiyi.

¹⁸Nek anɔng, ba tekap batom aYeso me, ba tse ba ka ba te kpaf ari inyang.

¹⁹Awɛt atomaza aTisa ne natuk, a tarak katisi ari inyang e, a ka ba tun amatse. Ama fɛ̀ ni iba,

²⁰“Tse nyeseng yin atasa karɔ iya Adakunom ntong, tsi shara yin ngma ifɛ̀ deng fi i nesek banet kutset kufas!”

²¹Ama fɛ́ ba fok anɔng, ba tseng ba nɔ atasa karɔ iya Adakunom ntong e na abop adiding, ba tse ba tees banet, kpaf tɛ ba di fɛ̀ ni ba. Ni izen fɛ́ agbat-agbat àware me nɛ bafidang itomong wu bɛ́ ba ta, ba nye iyes azumung bá, ne bashɔn aIsrela ngma kusum, ba da ma tom, ne ba ka ba bɛ́ ne batom aYeso me.

²²Awɛt, fɛ́ ba tse ba ta ari inyang e, banet itosok karɔ iya Adakunom ntong e, ba tse ba se vit batom aYeso me azɔng. Nek anɔng, ba tɛ ba bun, ba tse ba tak ye,

²³“In tsi, in sɛ yit kari inyang e ni ifam akabes, nɛ bafi itosok karɔ me ni inyeseng atisi me; awɛt fi in tarak yit natisi me, in tsin se yit vit anet ayɛt e.”

²⁴Nkum fɛ́ ba fok anɔng, ikyɛng e te akɔk-ashon bafi itosok karɔ iya Adakunom ntong nɛ agbat-áware yɔɔt, ba kpa ras ikyɛng fi i da kuus kama.

²⁵Ba se ne anɔng, anet akak bɛ́ a fɛ̀ ni ba, “Di yin! Banet yɔng fi i fam yin ari inyang, bayɔng ni nyeseng atasa narɔ iya Adakunom ntong, ba tsin tees banet.”

²⁶Ni ifok anɔng, akɔk-ashon bafi itosok karɔ iya ntong, sok banet wu, ba tse ba bɛ́ ne batom aYeso me. Ba ka ba kɔk ne agap awo nek bakɔk-ashon e fok anyim kɔng banet bi ka ba bara na ata.

²⁷Ni izen fɛ́ ba bɛ́ ne batom aYeso me, ba ka ba sak ashon azumung e, nɔng agbat-agbat àware da ka ba nyes nrisim.

²⁸A fɛ̀ ni iba, “Iyit kin ki gyɔng yin fok, da ni i ti tees yin banet ayɛt iyerek dɔng awɛ anɛ? Di yin fi i mi shining yin aRushelima ni itees yin ne, ishonong yin fok, ma i ki sak yit nasok anet yɔng na na sot na ace yit ɛ?”

²⁹ABitrus ni nshɛrɛp batom e, ka ba bun ni ifɛ̀ ye, “I se gbing-gbing ni in nye yit ikyɛng fɛ́ Adakunom shim, aza ifɛ́ anet!

³⁰Iyin ba i kin tekak yin aYeso ni kum[11], i ku fɛt yin. Awɛt Adakunom badakop yit, wu fɛ́ a kin ku donong ni iku.

³¹Adakunom ku donong sak ni bɔk iyak wu tɛ aRim agwɔm ne Anet-Isheshek, nɔng a da tarak irèn itirik ni iwosong inɛn ni isɛs ifuut anɛn sak ni aIsrela.

³²Iyit yet yit bafi inesek kanu ifɛ̀ naton ikyɛng fi ite, Kabik aJɛrɛ tsin nesek kanu bà. Kabik fɛ́ Adakunom tom e sak na bayɔng fɛ́ ba foos ifɛ̀ wu.”

³³Ni izen fɛ́ bakɔk-ashon e fok anɔng, ayɛ bá beseng makiyi, ba shim ke ba fɛs batom aYeso me.

³⁴Awɛt aFarasi akak fɛ́ ba ku yes aGamaliyel, anet itees ntsi aMusa, ayɔng fɛ́ ngma banet ku nesek iratek, a dorok tsik na Azumung e. A ka ba nɔɔk itabak fok na ba tsin di tun batom e amatse ninyɛn.

³⁵A da fɛ̀ ne bafɛ́ Azumung e, “Ábaruneng bafi aIsrela, bang yiring yin ni ikyɛng fi i shim i nye yin banet bang ne.

³⁶Yiring yin fok ni nkɔs ama, aTiyodas kin ka ne anɔng, a tsot kugwɔm fok iwu kyem ikikak, kudot banet bakat anakat anaas ku rosok mo. Ama fɛ́ ba ku fɛt, ba te washash bafi ikuus wu, ikyɛng e ku, ikyɛng de.

³⁷“Ama idɔng, anet akak tɛ a ne fɛ́ ba ku yes aJudas anet aGalili, ni izen ifa kudot banet, a kɔk kashon banet idoro kuhwyɛ. Ba bɛ́ ba ku fɛt iwu bà, ngma banet fɛ́ ba ku kuus mo ba te shangaring bà.

³⁸Nek anɔng, azaton batom aYeso bang, ka ba won yin kyɛk na ba tseng! Ki ikyɛng ba me ne narɔ banet, i da ta ice awo.

³⁹Awɛt ke Adakunom wu a tumung ikyɛng deng, iyin da kyem ni nyeseng yin ne banet bang awo; i da sot, iyin se yin ni ifa na Adakunom.”

⁴⁰Kucɛɛt wu ka ba nɔ na ayɛ. Ba yes batom aYeso me, ba ka hwyereng. Ba fɛ̀ ni iba, da na ba tɛ ba nye itees ni iyerek aYeso awo, ba ma fɛ̀ ni iba na ba tseng.

⁴¹Batom aYeso me won kazumung e, ni itɛrɛk iyɛ nek iba kyem na ba sɔ izot nek iyerek aYeso.

⁴²Kaakyi kunom, ba ya kashon ni itees atasa karɔ iya Adakunom ntong nɛ na nasa banet, na ba shara banet ifɛ̀ itek fok aYeso wu a yet Anet-Isheshek.