Read icen 1 BaKorinti 2 Bible Online

1 BaKorinti 2 - icen bible

1 BaKorinti 2

¹Ábaruneng, izen fi in kin bɛ́ ishara ifɛ̀ azɔng ni yin, in kin bɛ́ ni itang anu ke ni kutsitsɛng kukak fi in kin ki taas yin mo ikyɛng fɛ́ Adakunom nye fi i se ni nɛt awo.

²Nek in rosom fok nkum kusot hom nate yin, in da shim in rēn ikyikak awo, tit kucɛɛt naton aYeso Kristi ni itekak wu.

³Imi kin bɛ́ ni yin gbɛrɛk ni nnyim, ni itiim irɔm.

⁴Itom hom ni ishara ifɛ̀ hom kin se ni irèn kutsitsɛng ni ikɔk nhwyɛ awo, tit i kin se ni itonoso agap kutomong abik,

⁵kɔn ishan atsak yin bi sot naton kutsitsɛng banet awo, tit ni kukyem Adakunom.

⁶Ngma ne anɔng, in cɛɛt yit kucɛɛt kutsitsɛng sak na bayɔng fɛ́ ba mi kyem, awɛt kutsitsɛng e yet kufi ayɛ nang ke kufɛ́ bágwɔm ayɛ nang fi kurat bà mi bɛ́ awo.

⁷Awey yo, iyit cɛɛt yit naton kutsitsɛng Adakunom fi ku se ni nɛt, kutsitsɛng fɛ́ ba kin nɛt iko, kuyɔng fɛ́ Adakunom mang sak gyam dang na ba nye kazatse nek ízɔk yit.

⁸Vit akak ayɛt bágwɔm ayɛ nang kyem a rēn iko, nek ba kin fɛ́ ba rēn, ke ba kin tekak aTisa ízɔk awo.

⁹Ngma na anɔng, i se ni jɛk, “Vit ayisi fɛ́ a ki mang di, vit kuto fi ku ki mang fok, vit iyɛ fi i ki mang yiring, ikyɛng fɛ́ Adakunom mang nye nek bayɔng fɛ́ ba kushim.”

¹⁰Awɛt Adakunom mi ki tonong yit ina ayɛt abik wu. Nek Kabik tsɛsɛk kaakyɛ, ngma nkyɔrɔk Adakunom fi in se tsik-tsik.

¹¹Nek akyɛ anet fɛ́ a rēn kuyiring anet akak ɛ tit kabik fɛ́ ka se ayɛt anet e awɛ? Kpaf anɔng, vit anet fɛ́ a rēn kuyiring Adakunom tit Kabik Adakunom e.

¹²Iyit shan yit kabik azatse awo, tit Kabik fɛ́ a ne na Adakunom, nɔng in di ki rēn yit ikyɛng fɛ́ Adakunom nɔɔk ni mbɔk washak.

¹³Ikyɛng deng fi in di cɛɛt yit naton e, da ni ncɛɛt fɛ́ banet ki tees yit awo tit ncɛɛt fɛ́ Kabik ki tees yit, in cɛɛt yit atsak abik sak na bayɔng fɛ́ ba se na abik.

¹⁴Anet fɛ́ a se vit Kabik, a shashang nkyɔrɔk fi in nes na Kabik Adakunom awo, nek in yet nkyɔrɔk abap ni wu, ama anɔng, da a kyɛm a rēn ina awo, nek a yɛrɛ ina na ayisi abik.

¹⁵Awɛt anet fɛ́ a se na abik, a tsɛɛm kaakyi ikyɛng, awɛt iwu ice wu, a se nawop ishɔk akak awo,

¹⁶“Angan wu a ki mang rēn kuyiring aTisa yɛ? Angan da kyɛm a ku tees ɛ?” Awɛt iyit, bɛ́ yit kuyiring Anet-Isheshek.