Read icen 1 BaKorinti 3 Bible Online

1 BaKorinti 3 - icen bible

1 BaKorinti 3

¹Ábaruneng, in da kyɛm in cɛɛt ni yin tɛ bafɛ́ abik awo, tit bafɛ́ azatse, naban nnon ni kuus Anet-Isheshek.

²In ki nɔk yin nabasang, da nayak agap awo, nek i kin tsang kyɛm yin iya me awo, katsak e, sak atut ana, i mi kyem yin iya me awo.

³Iyin ren resek yin mo bafɛ́ azatse, nek ifup ni ifà se nate yin, nggɔn azatse yɔng itonoso yin nɔng awɛ? Iyin nye yin tɛ banet azatse yɔng awɛ?

⁴Nek ke akak fɛ̀, “Imi kuus aBulus”, na akak fɛ̀, “Imi kuus Apolos”, idɔng tonong fok, i tsin nye yin nggɔn banet awe yɔng awɛ?

⁵Akyɛ me yet Apolos ɛ? Akyɛ yet aBulus ɛ? In nye ba yet basam kyɛk awɛ, ni ntomong bà wu fi iyin sɛ yin i di nɔk yin atsak, kaangan ba bɛ́ kutomong fɛ́ aTisa ku nɔk ira me.

⁶Imi tuus ica me, Apolos di tes ashi, awɛt Adakunom wu a sak ide i rasak.

⁷Nek anɔng, da anet ituus e kɛ anet ites ashi me fɛ́ ba yet ikyikak awo, tit Adakunom fɛ́ a sas nkyɔrɔk rasak.

⁸Anet fɛ́ a tuus nɛ ayɔng fɛ́ a di tes ashi, ite iyɛ bá yet izining, kaangan ba bi shan izang wu kpaf ni kutomong wu.

⁹Nek iyit yet yit bafi ifiri ni tomong nɛ Adakunom, iyin yet yin ikɔ Adakunom, ni inok Adakunom.

¹⁰Ni itek fɛ́ Adakunom mi di nɔk, in ta itis e tɛ agwɔm inok, akak tsin di nok naton e. Awɛt kaangan na nye yɛɛt kuri inok fɛ́ a se ne.

¹¹Nek vit ayɔng fɛ́ a da tɛ a ta itis ikak zɛɛt ni idɔng fɛ ba mi tsang ta, fi i yet aYeso Kristi.

¹²Ke akak di nok ni itis e deng ne ata asɛng kɛ ata akan kɛ ata itsɔm kɛ ne akon, kɛ ne agam kɛ ne atangyɔt ayi,

¹³ba bi di kutomong wu akaangan, nek atuk e yɔng bi tonong iko wɛshɛk. Nek ba bi tonong kutomong akaangan ni kurong, kurong e bi mara agap kutomong akaangan.

¹⁴Ki ikyɛng fɛ́ a nok di nak de, a da shan izang wu.

¹⁵Ki kurong ya ide, a sot kawɛy ku sɛ; awɛt iwu ice wu ba bi ku sheshek, tit isheshek e bi se tɛ ayɔng fɛ́ a hwyet ayɛt abelem árong.

¹⁶Iyin rēn yin fok, iyin ice yin yet yin karɔ iya Adakunom ntong awɛ? I rēn yin fok Kabik Adakunom sosok ayɛt yin awɛ?

¹⁷Ngma ayɔng fɛ́ a beseng karɔ iya Adakunom ntong, Adakunom da ku beseng; nek karɔ iya Adakunom ntong se jɛrɛ, iyin ba i yet yin karɔ iya Adakunom ntong e.

¹⁸I bi wɔrɔk yin ice yin awo. Ke akak ayɛt yin di fok, iwu yet atsitsɛng iyɛrɛ ifɛ́ azatse kang, won na a sot ishɔp nɔng a bin sot atsitsɛng.

¹⁹Nek kutsitsɛng azatse kang yet ishɔp nanu ashon Adakunom. Kyɔn ti fi di se ni jɛk ye: “Adakunom yisik batsitsɛng ne agunung kutsitsɛng bá,”

²⁰i ti se ni jɛk ye, “ATisa rēn fok, kuyiring batsitsɛng yet abap.”

²¹Nek anɔng, itsot kugwɔm ne banet mi gang! Nek kaakyɛ yet ifiin,

²²Ke na yet aBulus a, kɛ Apolos, kɛ aKefas, kɛ kazatse, kɛ kutset, kɛ iku, kɛ yɔkɔnɔng kɛ sak ashon ayi, ngma in yet ifiin,

²³ni iyin yet yin bafɛ́ Anet-Isheshek, Anet-Isheshek yet afɛ́ Adakunom.