Read icen 1 BaTesaloni 1 Bible Online

1 BaTesaloni 1 - icen bible

1 BaTesaloni 1

¹Kufumung kang ne ni mi, aBulus, aSilas nɛ aTimoti sak ni yin bafi ikuus fi i se yin na baTesaloni, banet Ada Adakunom nɛ aTisa yit aYeso Kristi. Won itek Adakunom ni kusot kukyang ni ku di nak ni iyin.

²In nyes yit ifeng na Adakunom kaakyi izen mok iyin, in ki tes yin ayɛt awon yit.

³Kaakyi izen in yiring yit ni yin ashon Adakunom, ni ntomong inɔɔk atsak yin, ni mgbang fi i se yin ne nek ishim, ni inye nyɛk, fi ite iyɛ yin ayɛt aTisa aYeso Kristi bɛ́s e.

⁴Nek iyit rēn yit fok, Adakunom ki shim yin ábaruneng, a mi ki kasa yin,

⁵nek ishara ifɛ̀ itek yit bɛ ni yin, ayɛt ncɛɛt kyek awo, tit ayɛt kukyem, nɛ Kabik aJɛrɛ, ni itonoso atsak kayɛt iyɛ. Iyin rēn yin kuri kusot fi in nye yit nate yin nek itek yin,

⁶iyin mi kuus yin ane yit nɛ afɛ́ aTisa, ngma ni izot fi i se yin ne, ishan yin ifɛ̀ me ni itɛrɛk iyɛ fɛ́ Kabik aJɛrɛ ki nɔɔk yin.

⁷Nek ikyɛng fi i nye yin, i sot yin ikyɛng imɛɛs ni nshɛrɛp bafi ikuus fɛ́ ba se na aMasedoniya nɛ Akaya.

⁸Ifɛ̀ aTisa fi i ne ni yin mi tseng sak na aMasedoniya nɛ Akaya kyek awo, kucɛɛt inɔɔk atsak yin na Adakunom mi tseng kaakye, nek anɔng, ma in tin fɛ̀ yit ikyikak naton e awo,

⁹nek iba ice bá, ba taas kuri ishan fi iyin ki nye yit ne. Ba taas kuri itirik fi i nye yin, fi i wosong yin nabannom yin, sak iya ntong na Adakunom atsak fɛ́ a yet atset,

¹⁰ni kusot ite iyɛ ma Ari wu fɛ́ a bi ne azanɛn ne, ayɔng fi iwu kin ku donong ni irɛk, aYeso. Iwu fɛ́ a ki tun yit ni izot fi iwuruk.