Read icen BaYahuda 1 Bible Online

BaYahuda 1 - icen bible

BaYahuda 1

¹Gbang-gbang yame, Adakunom kin cɛɛt ne bada badakop yit ne nanu batan ni nzam izén ni irén zizɛɛt.

²Awɛt ni izen iyeng, fi i yet ifi igang e, a cɛɛt ne yit nanu Arim wu. Ni iwu fɛ́ Adakunom kin di nye kazatse ngma. Adakunom sak Arim wu me na sot anet iya itekari azaton akaakyi ikyɛng.

³Arim wu me, wu fɛ́ a yet mgbey ízɔk Adakunom, a tɛ yet atutup nse Adakunom. Iwu fɛ́ a bereng kaakyi ikyɛng nek agap ifɛ̀ wu. Ama fɛ́ a mi kusu anɛn yit, a da ne sonong azanɛn ni bɔk iyak Agbat Azɔk Bazɔk.

⁴Ízɔk Arim Adakunom e naat agap ifɛ́ batomaza ni iratek, kyɔn ti iyerek fɛ́ Adakunom ku nɔk iwat nfuba me.

⁵Angan ayɛt batomaza me fɛ́ Adakunom kin man fɛ̀ ni wu ye, “Ngɔn yet Arim hom, atut imi mi sot Ada ngɔn ɛ?” Kɛ na tɛ na fɛ̀, “In da sot Ada wu, ni iwu da sot Arim hom ɛ”?

⁶Awɛt izen fɛ́ Adakunom da tom Arim wu afi imɛsɛng e azatse, a fɛ̀ ye, “Won batomaza ngma kusum na ba ku ya ntong.”

⁷Azaton batomaza, Adakunom fɛ̀ ye, “Adakunom sak batomaza wu na ba sot ti nwun, nɛ basam wu sot tɛ alem irong.”

⁸Awɛt azaton Arim wu me Adakunom fɛ̀ ye, “Wo Adakunom! Won kuta igwɔm ngɔn, ni ku sot gbakgbak, ishɛn iya igwɔm ngɔn yet ifi ikaba katsak.

⁹Ngɔn shim nggɔn kusot kutabat, ni i rangɔn nggɔn anyas. Nek anɔng, Adakunom fɛ́ a yet Adakunom ngɔn, a mi da kasa, a mi da korok name na fi iyɛ ikan fɛ́ na wat na fɛ́ bafidang.”

¹⁰A tɛ fɛ̀, “Wo aTisa! Neme ni itumung e, ngɔn ta itis azatse, nazanɛn yet kutomong mbɔk ngɔn.

¹¹Nkyɔrɔk ngma bi gang, in ba akop ti kukpin, awɛt ngɔn sot gbakgbak.

¹²I bi kunung ina ti kunyin-kukpin, nɛ ba shesheng ina ti nkpin. Awɛt ngɔn bi di nak anɔng kaakyi izen, ni kutset ngɔn sot vit nkum e.”

¹³A mang fɛ̀ na angan ayɛt batomaza wu me fok, “Sonong ni bɔk iyak hom, tit ma in sak bafi ifa ngɔn, na aben atak ngɔn ɛ?”

¹⁴Akyɛ yet batomaza yɛ? Ba yet nabik fɛ́ na ra Adakunom kutomong, na ka ba toos na ba bin di sɛs bayɔng fɛ́ ba bi sɛ isheshek.