Read idege 1 EGO OGBEGBE 2 Bible Online

1 EGO OGBEGBE 2 - idege bible

1 EGO OGBEGBE 2

¹ỊJekọbụ ma anyị alẹng iwo kụrụ imiiye ịlẹ ká ẹnyị nyaa ri iRubẹn bala iSimyọn bala iLivayị bala iJuda bala Isakaa bala iSebulọn

²bala ịDan bala iJosẹfụ bala iBenjamịn bala ịNafụtali bala ịGadị bala Achẹẹ.

³Anyị alẹng ịlẹ ka iJuda ma wuu la ịrụ. Ahụ nyamwụ ịBatịchuwa ọlẹ kọ ye bwu iKenan ma anyị alẹng ịta họọ ọlẹ ka ẹnyị nyaa ri Ẹẹrị bala Ọnan bala iChela. Ẹẹrị kọ ri ọnyị ọgbahị nyamwụ ri ọngịnyị onobyi lụmẹ lẹ, Amkpaa nwọọ.

⁴Ọnyịnịna ọnyang nya ahụ nyamwụ ọlẹ kị wụrụ nya ịTamaa ma anyị alẹng imiiye họọ. Ẹnyị nyaa ri ịPẹrẹsị bala ịSẹra.

⁵ỊPẹrẹsị ma anyị alẹng imiiye ọlẹ ka ẹnyị nyaa ri iHesirọn bala ịHamulu.

⁶ịSẹra ọnyịnamwụ ma anyị alẹng ịrụ ịlẹ ka ẹnyị nyaa ri iSimri bala Etam bala ịHẹman bala ịKalụkolu bala ịDaada.

⁷Ekan ọnyị nya ịKami kọ ri ọngọhẹ nya anyị ịtụma nya ịSẹra kpa akama wẹ ala Isirẹlụ bwula ọlẹ kọ go ang ịlẹ kị ri nya Amkpaa kpụ ịbaa.

⁸Tam ma ọnyị ọlẹng ookpokpo ọlẹ ka ẹnyị nyamwụ ri Asariya.

⁹IHesirọn ma anyị alẹng angị ịta ịlẹ ka ẹnyị nyaa ri iJeramiili bala ịRam bala ịKalẹbụ.

¹⁰ỊRam ri adịda nya Aminadabụ. Ọ ri adịda-ọgbahị nya ịNachọn ọlẹ kọ ri olegbeju ọgbẹgbịlẹ i-imwawụ nya iJuda.

¹¹ỊNachọn ri adịda nya ịSalụmọn ọlẹ kọ tịtị ri adịda nya iBowasị.

¹²IBowasị ma Obẹdị, Obẹdị ma iJesi.

¹³IJesi ma anyị alẹng ịrwiye. Ẹnyị nyaa jaabwọ kị ri ọgbahị nya awụlẹ-awụlẹ ri Eliyabụ bala Abinadabụ bala ịChama

¹⁴bala iNethanẹlụ bala ịRadayị

¹⁵bala Ọsẹm bala iDevidi.

¹⁶Ọ-ma anyị anyang imiiye ịlẹ ka ẹnyị nyaa ri iSeruya bala Abigẹlụ. Ẹnyị nya anyị alẹng nya iSeruya ri Abichayị bala iJowabụ bala Asahẹlụ.

¹⁷Abigẹlụ ọnyị ọnyang nyamwụ ọkịla rụrwọ ịJẹtẹẹ ọlẹ kọ ri ọnyị ọtụma nya Ịchimẹlụ. Ị ma ọnyị ọlẹng ọlẹ ka ẹnyị nyamwụ ri Amasa.

¹⁸ỊKalẹbụ ọnyị nya iHesirọn ye Asuba. Ọ ma ọnyị ọnyang ọlẹ ka ẹnyị nyamwụ ri iJeriyotu. Ọ ma anyị alẹng angị ịta ịlẹ ka ẹnyị nyaa ri ịJẹchẹẹ bala iChobabụ bala Aadọn.

¹⁹Ụka ká Asuba gbu kpá, ịKalẹbụ yẹ Efuratị. Ị ma ọnyị ọlẹng ọlẹ ka ẹnyị nyamwụ ri iHuu.

²⁰IHuu ma Uri. Uri tịtị ma iBesalelụ.

²¹Ụka ká iHesirọn gu ẹka iwo ịrwọnyẹ, ọ ye ọnyị nya ịMakii ọnyịnịna ọnyang nya iGiliyadị. Ị ma ọnyị ọlẹng ọlẹ ká ẹnyị nyamwụ ri ịSẹgubu.

²²ỊSẹgubu à ri adịda nya ịJayii ọlẹ kọ ri olegbeju kpẹhị rịrị epweji iwo imiiye kụrụ ịta i-iGiliyadị lẹ.

²³Ụka kọ tị nọ chẹẹ, alẹpwụma nya ịGẹchuu bala ala Aram dẹwụ kụrụ epweji iwo ịrwọnyẹ ịlụwa tụ́ epweji nya iJayii bala ịnya ịKẹnatị bala epweji ịdagaga ju ụwa.

²⁴Ụka ka iHesirọn gbu, ọnyị nyamwụ ịKalẹbụ chị Efuratị ahụ-ogu nya adamwụ ida ye. Ị ma ọnyị ọlẹng ọlẹ ká ẹnyị nyamwụ ri Achịhuu kọ kele kaka nwụ epweji nya ịTekowa.

²⁵Ijeramiilu ọnyị ọgbahị nya iHesirọn ma anyị alẹng angị ịrụ. Ẹnyị nya ọnyị ọgbahị wuu ri ịRam. Angịkịla ri iBuna bala Orẹn bala Osẹm bala Ahija.

²⁶IJeramiilu ye ahụ ọkịla ọlẹ ka ẹnyị nyamwụ ri Atara. Ọwa-à ma Ọnam lẹ.

²⁷ỊRam ọnyị ọgbahị nya iJeramiilu ma anyị alẹng angị ịta ịlẹ ká ẹnyị nyaa ri ịMaasị bala ịJamin bala Ekẹẹ.

²⁸Anyị alẹng nya Ọnam ri ịChamayị bala ịJada. Anyị alẹng nya ịChamayị ri ịNadabụ bala Abichuu.

²⁹Abichuu ye ahụ ọlẹ ka ẹnyị nyamwụ ri Abihẹlụ. Ị ma anyị alẹng imiiye ịlẹ ka ẹnyị nyaa ri Ahịban bala iMolidi.

³⁰ỊNadabụ ọnyịnịna nya Abichuu ma anyị alẹng imiiye ịlẹ kị ri ịSẹlẹdị bala Apayịm. ỊSẹlẹdị á ma ọnyị ọhẹ-lọhẹ ene kọọ gbu ka.

³¹Apayịm ma Ichi ọlẹ kọ ri adịda nya ịChẹchan. ỊChẹchan à ma Ahilayị lẹ.

³²ỊJada ọnyịnịna nya ịChamayị ma anyị alẹng imiiye ịlẹ ká ẹnyị nyaa ri ịJẹtẹẹ bala iJonatan. ỊJẹtẹẹ-ẹ́ ma ọnyị ene kọọ gbu ka.

³³IJonatan ma anyị alẹng angị imiiye ịlẹ ka ẹnyị nyaa ri ịPẹlẹtị bala ịSasa. Jaabwọ ká anyị ịtụma nya iJeramiilu la à wẹ lẹlẹ.

³⁴Anyị anyang kem ịChẹchan à ma lẹ, ọ́ ma anyị alẹng ka. Ọ tị la ọnchẹ ọlẹng ọhẹ kọ ri ọla Ijipiti. Ẹnyị nyamwụ ri ịJarịha.

³⁵Ọ ya ọnyị ọnyang nyamwụ ọhẹ ha ọnchẹ ọọwa ye. Ị ma ọnyị ọlẹ ọlẹ kị wụrụ Atayị.

³⁶Atayị ma ịNatan. ỊNatan ma ịSabadị.

³⁷ỊSabadị ma Ẹfịlalụ ọlẹ kọ ri adịda nya Obẹdị.

³⁸Obẹdị ma iJehu ọlẹ kọ ri adịda nya Asariya.

³⁹Asariya ma ịHẹlẹsị ọlẹ kọ ri adịda nya Eliyasa.

⁴⁰Eliyasa ma iSisimayị ọlẹ kọ ri adịda nya ịChalum.

⁴¹ỊChalum ma iJekamiya ọlẹ kọ ri adịda nya Elichama.

⁴²Ọnyị ọlẹng ọgbahị nya ịKalẹbụ ọnyịnịna nya iJeramiilu à ri ịMẹcha lẹ. ỊMẹcha ọwẹ ma iSiifu ọlẹ kọ ri adịda nya ịMarẹcha. ỊMarẹcha-à ma iHebirọn lẹ.

⁴³IHebirọn ma anyị alẹng ine ịlẹ ka ẹnyị nyaa ri iKora bala ịTapụwa bala ịRẹkẹm bala ịChẹma.

⁴⁴ỊChẹma ri adịda nya ịRaham ọlẹ kọ ma iJorikiyam. ỊRẹkẹm ọnyịnịna nya ịChẹma-à ma ịChamayị

⁴⁵ọlẹ kọ ri adịda nya ịMayọn lẹ. ỊMayọn ọwẹ à ri adịda nya ịBẹtịsuu lẹ.

⁴⁶ỊKalẹbụ ye ahụ-ọnchẹ ọhẹ ka ẹnyị nyamwụ ri Efa. Ọ ma anyị alẹng angị ịta ịkila họọ ịlẹ ka ẹnyị nyaa ri ịHaran bala iMosa bala ịGasẹsị.

⁴⁷Ọlẹng ọhẹ kị wụrụ ịJahidayị ma anyị alẹng angị ịrwọnyẹ ịlẹ ka ẹnyị nyaa ri ịRẹgẹm bala iJotam bala ịGẹchan bala ịPẹlẹtị bala Efa and ịChaafụ.

⁴⁸ỊKalẹbụ ye ahụ-ọnchẹ ọkịla ọhẹ ọlẹ ká ẹnyị nyamwụ ri ịMaaka. ỊMaaka ma anyị alẹng angị imiiye họọ ilẹ ka ẹnyị nya ri ịChẹbẹẹ bala iTirihana.

⁴⁹Ụka kọ nọ chẹẹ, ọ ma anyị alẹng imiiye ịkịla ịlẹ kị wụrụ ịChaafụ bala ịCheva. ỊChaafụ à ri adịda ogogo nya alepweji nya ịMadịmana lẹ. ỊChẹva-à tị ri adịda ogogo nya alepweji nya ịMakịbẹna bala iGibiya lẹ. Datị hi anyị alẹng ịwẹ, ịKalẹbụ ma ọnyị ọnyang ọlẹ kị wụrụ Akịsa.

⁵⁰Angịlẹ wuu ri anyị ịtụma nya ịKalẹbụ ịnyinyị. IHuu à ri ọnyị ọlẹng ọgbahị nya anyị ịlẹ ká Efuratị ahụ nyamwụ ma họọ lẹ. IChobalụ ọnyị nya iHuu à ri adịda ogogo nya alepweji nya iKiriyatị-ịjarim lẹ.

⁵¹ỊSalụma kọ ri ri ọnyị oheeye nyamwụ ri adịda nya ịBẹtịlẹhẹm. ỊHarẹfụ ọnyị ọhata nyamwụ ri adịda nya ịBẹtị-ịgadẹẹ.

⁵²IChobalụ kọ dọmwụ nya epweji nya iKiriyatị-ịjarim à ri adịda ogogo nya ala ịHaroye ịlẹ kị ri ẹhya nya angị kụ iMenuhotu lẹ.

⁵³Ọ ri adịda ogogo nya alogang nya Itiri bala iPuti bala iChumatị bala iMichira ịlẹ ka kụ i-iKiriyatị-ịjarim ịnyịnyị. Alepweji nya iSora bala Ẹchịtawolu ri alogang ịwẹ ịnyịnyị.

⁵⁴ỊSalụma adịda nya ịBẹtịlẹhẹm à ri adịda ogogo nya ala iNetofa bala ala Atirotubẹti-iJowabụ bala ala ịSọọ ịlẹ kị ri alogang ọhẹ nya ịManatị lẹ.

⁵⁵Ẹnyị nya ogang ịlẹ ká alụwa ri ọnggwọ nya ụpwụ ọdada kị kụ e-epweji nya ịJabẹsị ri iTiratị bala iChimiyatị bala iSukatị. Ị ri ala ịKẹn ịlẹ kịịwa bala ala iRekabụ ya anyị nyaa ha awụlẹ ye.