Read idege 1 EGO OGBEGBE 25 Bible Online

1 EGO OGBEGBE 25 - idege bible

1 EGO OGBEGBE 25

¹Ụka ọọwa, iDevidi bala alegbeju nya angịdẹwụ chụ angịhyẹ bwu ugbiyegu nya Asafụ bala ịHẹman bala iJedutun kị ka kpẹhị rịrị ụkụrwọ nya ịgba ọgbagba. Angịịwa ka ya ẹrụ nya Ohe Oluhye dodehe kị ka juwa du ogum̀ bala ẹnwụ bala ịja dịrẹ ẹla ọyaya nyaa. Ẹnyị nya angịlẹ kị chụ bala ụkụrwọ ọlẹ ká ebwo ọnyọnyọọnyị họ à lẹẹ lẹ.

²Anyị ine nya Asafụ ịlẹ kị chụ ri ịSakuu bala iJosẹfụ bala iNetaniya bala Asarela. Asafụ adaa-à ri olegbeju kpẹhị rịrị ụkụrwọ nyaa lẹ. Asafụ ayịdang ri ọngọ kaa ya ẹrụ nya Ohe Oluhye dodehe ụka myị ụka ká adịrahụ-ụ́ byoo nyị ya.

³IJedutun lẹẹ ma anyị ịrwọnyẹ ịlẹ ká ẹnyị nyaa ri iGedaliya bala iSeri bala iJechaya bala iChimeyi bala ịMatitiya. Ịwa họ ụkụrwọ e-ekpeleji nya iJedutun adaa juwa ya ẹrụ nya Ohe Oluhye dodehe bala o-du ayịlọ la ogum̀ ju ẹla ọọwa. Ị juwa mwu eje gwogbo ha Amkpaa bala o-joo obe ịnyịnyị.

⁴ỊHẹman ma anyị iwo kụrụ ine. Angịhyẹ nyaa ri iBukiaya bala ịMataniya bala Usiyẹlụ bala iChebuwẹlụ bala iJerimotu bala ịHananiya bala ịHanani. Ẹnyị nya angịkịla nyaa ri Eliyata bala iGidalụti bala iRomamtiyẹsẹẹ bala iJochibekacha bala ịMaloti bala ị Hotii bala ịMahasiyotu.

⁵Ohe Oluhye ya anyị alẹng iwo kụrụ ine ịwẹ bala anyị anyang ịta ha ịHẹman ọngọ kaa yẹ ọmwụ ha adịrahụ jaabwọ kọ myị ọnụ neeji. Ohe Oluhye họ ịnyị chajị ká ịHẹman ka la ihi gụ ọọwa.

⁶Alẹng ịwẹ wuu ji ekpeleji nya adaa anyị ẹ-ẹpwụ nya ụkụrwọ nya ayịlọ odudu la ịja bala ẹnwụ bala ogum̀ u-ube nya Amkpaa. Asafụ bala iJedutun bala ịHẹman anyị wuu kaa họ ụkụrwọ nyaa jaabwọ ka adịrahụ byaa nyị họ.

⁷Ịwa angịwẹ wuu tụ ala iLivayị aanaa ri ọnggwọ nya ayịlọ odudu ha Amkpaa. Iru ojuju nyaa wuu tụchawụlẹ ri angị ohu imiiye da angị iwo ineku kụrụ ineku (288).

⁸Ị kaa ga ụkụrwọ ọlẹ ká ọngọngọọng nyaa ka họ haa bwula iwo ọdada la ọ-jẹ ọngọgbahị datị hi onjwo lee ọ-jẹ ọnggwọ datị hi ogbodiya kpong-kpong ka.

⁹Iwo ọhọhẹ ọlẹ kị da ọdọda nya Asafụ wuu iJosẹfụ. Oheeye wuu iGedaliya bala aanamwụ angịnyị iwo kụrụ imiiye.

¹⁰Ọngọ ọhata ri ịSakuu bala anyị nyamwụ tụ anyịnamwụ iwa wuu la angịnyị iwo kụrụ imiiye.

¹¹Ọhene wuu iSiri bala anyị nyamwụ tụ anyịnamwụ. Iwa wuu la angịnyị iwo kụrụ imiiye.

¹²Ọharụ ri iNetaniya bala anyịnamwụ tu anyị nyamwụ. Iwa wuu la angịnyị iwo kụrụ imiiye.

¹³Ọngọ ọharwọnyẹ ri iBukiya bala anyị nyamwụ tụ anyịnamwụ iwa wuu la angịnyị iwo kụrụ imiiye.

¹⁴Ọngọ harwiye ri Ijẹsarẹla bala anyị nyamwụ tụ anyịnamwụ, iwa wuu la angịnyị iwo kụrụ imiiye.

¹⁵Ọngọ haneku ri Ijechaịa bala anyị nyamwụ tụ anyị namwụ, iwa wuu la angịnyị iwo kụrụ imiiye.

¹⁶Ọngọ ohikichu ri Imattania bala anyị nyamwụ tụ anyịnamwụ ịwa wuu la angịnyị iwo kụrụ imiiye.

¹⁷Ọngọ kiriwo ri Ichimei bala anyị nyamwụ tụ anyịnamwụ, iwa wuu la angịnyị iwo kụrụ imiiye.

¹⁸Ọngọ kụrụ okpoko ri Ajarelị bala anyị nyamwụ tụ anyịnamwụ, iwa wuu la angịnyị iwo kụrụ imiiye.

¹⁹Ọngọ kụrụ oheye ri, Ihachabịa bala anyị nyamwụ tụ anyịnamwụ, iwa wuu la angịnyị iwo kụrụ imiiye.

²⁰Ọngọ kụrụ Ọhata ri Ichubaeli bala anyị nyamwụ tụ anyị namwụ, iwa wuu ri angịnyị iwo kụrụ imiiye.

²¹Ọngọ kụrụ ohene ri Imattithịa bala anyị nyamwụ tụ anyịnamwụ. Ị la angịnyị iwo kụrụ imiiye.

²²Ọngọ kụrụ ọharụ ri Ijeremothị bala anyị nyamwụ tụ anyịnamwụ, Ị la angịnyị iwo kụrụ imiiye.

²³Ọngọ kụrụ oharwọnyẹ ri Ihananịa bala anyị nyamwụ tụ anyịnamwụ, Ị la angịnyị iwo kụrụ imiiye.

²⁴Ọngọ kụrụ ọharwiye ri, Ijochbekacha bala anyị nyamwụ tụ anyịnamwụ. Ị ha angị nyi iwo kụrụ imiiye.

²⁵Ọngọ kụrụ ineku ri Ihananị bala anyị nyamwụ tụ anyịnamwụ. Ị la angịnyị iwo kụrụ imiiye.

²⁶Ọngọ kụrụ ihikichụ ri Imallọthị bala anyị nyamwụ bala anyịnamwụ.

²⁷Ongịnyị ohu ri, Eliathah bala anyị nyamwụ tụ anyịnamwụ. Ị la angịnyị iwo kụrụ imiiye.

²⁸Ongịnyị ohụ kụrụ okpokpo ri Ihọthị bala anyị nyamwụ tụ anyịnamwụ. Ị la angịnyị iwo kụrụ imiiye.

²⁹Ọngịnyị ohu kụrụ imiiye ri, Ịgiddaltị bala anyị nyamwụ tụ anyịnamwụ. Ị la angịnyị iwo kụrụ imiiye.

³⁰Ongịnyị ohu lawụrụ ịta ri, Imahajiọthị bala anyị nyamwụ tụ anyịnamwụ. Ị la angịnyị iwo kụrụ imiiye.

³¹Ọngịnyị ọhụ kụrụ ine ri Ịrọmamtị Eja bala anyị nyamwụ tụ anyịnamwụ. Ị la angịnyị iwo kụrụ imiiye.