Read idege 1 EGO OGBEGBE 27 Bible Online

1 EGO OGBEGBE 27 - idege bible

1 EGO OGBEGBE 27

¹Ọlẹ ri ẹnyị nya ala Isirẹlụ ịlẹ kị ri alegbeju nya ugbiyegu bala alegbeju nya angịdẹwụ tụ alegbeju ịkịla ịlẹ kị họ ụkụrwọ ha adịrahụ bwula ọkpẹhị rịrị ebwebweebwo nya angịdẹwụ ịlẹ kịị ji ụkụrwọ ọya ọnyị myị ọnyị. Ebwo ọnyị myị ọnyị kaa ji ụkụrwọ ọya lẹpwụ-lẹpwụ. Ọtụchawụlẹ nya ebwo ọnyọnyọọnyị la angị ụnọ iwo imiiye da ụnọ ine (24,000).

²ỊJachobiyam ọnyị nya ịSabidẹlụ a ri olegbeju ọkpẹhị rịrị lọya ọhọhẹ lẹ. Angị ji ẹbwọ nyamwụ la angị ụnọ iwo imiiye da angị ụnọ ine (24,000).

³Ọ ri ọnyị ọtụma nya ịPẹrẹsị. Ọwa-à ri olegbeju nya alegbeju nya angịdẹwụ wuu lọya nya ọgbanyẹ lẹ.

⁴IDodayị ọnyị ọtụma nya Ahohi à ri olegbeju ọkpẹhị rịrị lọya oheeye lẹ. Angị ji ebwo nyamwụ la angị ụnọ iwo imiiye da angị ụnọ ine (24,000). IMikilotu à ri olegbeju ọ-bọọba lẹ.

⁵IBenaya ọnyị nya iJehoyada ọngọkiliya-à ri olegbeju ọkpẹhị rịrị lọya ọhata lẹ. Angị ji ebwo nyamwụ la angị ụnọ iwo imiiye da angị ụnọ ine (24,000).

⁶IBenaya ọwẹ à ri olegbeju nya angịdẹwụ ịtụka iwo ịta nya iDevidi lẹ. Amisabadị ọnyị nyamwụ ri olegbeji nya ebwo ọwẹ ịnyịnyị.

⁷Asahẹlụ ọnyịnịna nya iJowabụ à ri olegbeju ọkpẹhị rịrị lọya ohene lẹ. Angị ji ebwo nyamwụ la angị ụnọ iwo imiiye da angị ụnọ ine (24,000). ỊSẹbadiya ọnyị nyamwụ ri olegbeju kwiwa nyamwụ ụka ká ụka nyamwụ myị.

⁸ỊChamhutu ọla Isiri à ri olegbeju ọkpẹhị rịrị lọya ọharụ lẹ. Angị ji ebwo nyamwụ la angị ụnọ iwo imiiye da angị ụnọ ine (24,000).

⁹Ira ọnyị nya Ikẹchị ọla iTekowa-à ri olegbeju ọkpẹhị rịrị lọya ọharwọnyẹ lẹ. Angị ji ebwo nyamwụ la angị ụnọ iwo imiiye da angị ụnọ ine (24,000).

¹⁰ỊHẹlẹsị ọnyị ọtụma nya Ifurem kọ kụ i-iPelọn à ri olegbeju ọkpẹhị rịrị lọya ọharwiye lẹ. Angị ji ebwo nyamwụ la angị ụnọ iwo imiiye da angị ụnọ ine (24,000).

¹¹ISibekayị ọnyị ọtụma nya ịSẹra kọ bwu iHucha-à ri olegbeju ọkpẹhị rịrị lọya ọhaneku lẹ. Angị ji ebwo nyamwụ la angị ụnọ iwo imiiye da angị ụnọ ine (24,000).

¹²Abiyesẹẹ ọla Anatotu kọ bwu imwawụ nya iBenjamịn à ri olegbeju ọkpẹhị rịrị lọya ohikichu lẹ. Angị ji ebwo nyamwụ la angị ụnọ iwo imiiye da angị ụnọ ine (24,000).

¹³ỊMaharayị ọnyị ọtụma nya ịSẹra bwu iNetofa-à ri olegbeju ọkpẹhị rịrị lọya okiriwo lẹ. Angị ji ebwo nyamwụ la angị ụnọ iwo imiiye da angị ụnọ ine (24,000).

¹⁴IBenaya bwu iPiratọn i-imwawụ nya Ifurem à ri olegbeju ọkpẹhị rịrị lọya iwo kụrụ ookpokpo lẹ. Angị ji ebwo nyamwụ la angị ụnọ iwo imiiye da angị ụnọ ine (24,000).

¹⁵ỊHẹlụdayị ọnyị ọtụma nya Ọtịnẹlụ bwu iNetofa-à ri olegbeju ọkpẹhị rịrị lọya iwo kụrụ imiiye lẹ. Angị ji ebwo nyamwụ la angị ụnọ iwo imiiye da angị ụnọ ine (24,000).

¹⁶Ẹnyị nya alegbeju ịkpẹhị rịrị imwawụ nya ala Isirẹlụ a lẹẹ lẹ: Olegbeju nya alimwawụ nya iRubẹn ri Eliyesa ọnyị nya iSikiri, olegbeju nya alimwawụ nya iSimyọn ri iChẹfatiya ọnyị nya ịMaaka.

¹⁷Olegbeju nya alimwawụ nya iLivayị ri ịHachabiya ọnyị nya ịKẹmwẹlụ, olegbeju nya alugbiyegu nya Erọn kị ri angịkiliya ri ịSadọkọ.

¹⁸Olegbeju nya alimwawụ nya iJuda ri Elihu ọnyịnịna nya iDevidi Adịrahụ, olegbeju nya alimwawụ nya Isakaa ri Omri ọnyị nya ịMayịkẹlụ.

¹⁹Olegbeju nya alimwawụ nya iSebulọn ri Ichimaya ọnyị nya Obadaya, olegbeju nya alimwawụ nya ịNafụtali ri iJerimotu ọnyị nya Asirẹlụ.

²⁰Olegbeju nya alimwawụ nya Ifurem ri iHochiya ọnyị nya Asasiya, olegbeju nya ịManasẹ Ọlọmwẹnụ-obyi ri iJuwẹlụ ọnyị nya iPedaya.

²¹Olegbeju nya alimwawụ nya ịManasẹ Ọlọmwẹnụ-ụtụrụ ọla iGiliyadị ri Ido ọnyị nya ịSẹkaraya, olegbeju nya alimwawụ nya iBenjamịn ri iJaasẹlụ ọnyị nya Abụnẹẹ.

²²Olegbeju nya alimwawụ nya ịDan ri Asarẹlụ ọnyị nya iJeroham.

²³Ụka ká iDevidi Adịrahụ wa angịnyị lẹ, ọ́ wa angị gu ẹka weji nya ẹka iwo imiiye ka, chajị Amkpaa myị ọnụ nyọka họ ká ala Isirẹlụ ka pyebile ju iru lala ịdịchụ iluhye-ọgba.

²⁴IJowabụ ọlẹ ká ịnamwụ ri iSeruya dọmwụ nya angịnyị ọwawa, ọ́ tị wa pwụ ocheju ka, chajị Ohe Oluhye yẹ ala Isirẹlụ akama ajị nya ọọwa. Lẹẹlẹ, ị́ ya ịnọmba nya angịnyị ọwawa ọọwa ju a-apwụ nya ego nya iDevidi ka.

²⁵Asimavẹtị ọnyị nya Adiyẹlụ ri olegbeju ọkpẹhị rịrị ẹga ọ-ya ang guru ịlẹpwa nya adịrahụ. IJonatan ọnyị nya Usiya ri olegbeju ọkpehị rịrị ẹga ọ-ya ang guru ilepweji datị-datị bala ebe iluhye ị-kụ gbeji ịla Isirẹlụ.

²⁶Esiri ọnyị nya ịKẹlubu ri olegbeju ọkpẹhị rịrị ụkụrwọ ịlẹrụ nya adịrahụ.

²⁷IChimeyi ọla ịRama ri olegbeju ọkpẹhị rịrị ẹrụ nya alakọnụ. ỊSabidi ọla iChefam ri olegbeju ọkpẹhị rịrị ere ọ-họ ju ang.

²⁸ỊBaalụ-ịhanan ọla ịGẹdẹẹ ri olegbeju ọkpẹhị rịrị ekeji nya olivu bala isikamọ ịlọmwụ nya ịgbọdọ ịlọmwẹnụ-obyi nya iJuda. IJowachị ri olegbeju ọkpẹhị rịrị ida nya olivu ọtụkụrụ.

²⁹IChitirayị ọla ịCharọn ri olegbeju ọkpẹhị rịrị ịna ịlụteeji nya ịCharọn. ỊChafatị ọnyị nya Adilayị ri olegbeju ọkpẹhị rịrị ịna ịlọkpọọ.

³⁰Obilu ọla Ichimẹlụ ri olegbeju ọkpẹhị rịrị anyịrẹ-ịkamẹlụ. iJehideya ọla iMeronotu ri olegbeju ọkpẹhị rịrị ibyiyó.

³¹IJasisi ọla ịHagiriti ri olegbeju ọkpẹhị riri ịmwụ nya adịrahụ. Angịwẹ wuu à ri alegbeji ịkpẹhị rịrị ang ịlẹ ká iDevidi Adịrahụ la lẹ.

³²IJonatan ọnyịnịna nya adịda nya iDevidi Adịrahụ ri ọngọ ju angịnyị irya ọnyịịla bala ọngọ jẹ ụpwụ. Ọwa bala iJehiyẹlụ ọnyị nya ịHakimoni à ri angị kaa mẹ ang jẹ anyị alẹng nya adịrahụ lẹ.

³³Ahitofẹlụ ri ọngọ ju adịrahụ irya, iHuchayị ọla Aakị ri oligu nya adịrahụ bala ọngọ jwoo irya.

³⁴Ụka ká Ahitofẹlụ gbu kpá, ị chụ iJehoyada ọnyị nya iBenaya kwiwa nyamwụ, ene ká Abiyata ri ọngọ ju adịrahụ irya ẹ-ẹkpẹ nya ụka nya iJehoyada. IJowabụ à tị ri olegbeju nya angịdẹwụ nya ala Isirẹlụ lẹ.