Read idege 1 EGO OGBEGBE 3 Bible Online

1 EGO OGBEGBE 3 - idege bible

1 EGO OGBEGBE 3

¹Anyị ịlẹ ká iDevidi ma ụka kọ ku i-iHebirọn à lẹẹ lẹ: Ọnyị ọlẹng ọgbahị nyamwụ ri Amọn ọlẹ ka ẹnyị nya ịnamwụ ri Ahinwoam ọlẹ kị ye bwu iJesiriilụ. Ẹnyị nya ọnyị ọlẹng oheeye ri ịDanẹlụ ọlẹ ka ịnamwụ ri Abigẹlụ ọla ịKamẹlụ.

²Abụsalọm ri ọnyị ọlẹng ọhata. Ẹnyị nya ịnamwụ ri ịMaaka ọnyị nya ịTalụmayị Adịrahụ nya ala iGechuu. Adonija ọlẹ ká ẹnyị nya ịnamwụ ri ịHagiti à ri ọnyị ohene lẹ.

³Ọnyị ọharụ ri ịChẹfatiya ọlẹ ká ịnamụ ri Abitalụ. Itiriyam ọlẹ ká ịnamwụ ri Egila-à ri ọnyị ọharwọnyẹ lẹ.

⁴IDevidi ma anyị alẹng ịrwọnyẹ ịwẹ lụka kọ hụ i-Hebirọn ri adịrahụ ẹka irwiye ba ẹhya. Ọ hụ i-iJerusalẹm ri adịrahụ ẹka iwo ịta kụrụ ịta.

⁵Ọ ma anyị alẹng lụmẹ-lụmẹ i-iJerusalẹm. Ahụ nyamwụ ịBatịchẹba ọnyị nya Amiyẹlụ ma anyị alẹng ine ịlẹ ka ẹnyị nya ri iChimiya bala iChobabụ bala ịNatan bala iSolomọn.

⁶Ọ ma anyị alẹng ihikichu ịkịla ịnyịnyị. Ẹnyị nyaa ri Ibuha bala Elichuwa bala Elipẹlẹtị

⁷bala iNoga bala ịNẹfẹgị bala ịJafiya

⁸bala Elichama bala Eliyada bala Elifẹlẹtị.

⁹Datị hi anyị ịwẹ, ịhụ-anchẹ nya iDevidi ma anyị ịkịla họọ. Ọ ma ọnyị ọnyang ịnyịnyị ọlẹ ka ẹnyị nyamwụ ri iTamaa.

¹⁰Jaabwọ ká ego nya anyị ịtụma nya iSolomọn la gbịlẹ awụlẹ eteete bwu adịda ka ọnyị à lẹẹ lẹ: ISolomọn ma iRehobowam, iRehobowam ma Abija, Abija ma Asa, Asa ma iJehochafatị, iJehochafatị ma

¹¹iJehoram. IJehoram ma Ahasiya, Ahasiya ma iJowachị, iJowachị ma

¹²Amasiya. Amasiya ma Usiya, Usiya ma iJotam, iJotam ma

¹³Ehasị. Ehasị ma iHesekaya, iHesekaya ma ịManasẹ, ịManasẹ ma

¹⁴Amọn. Amọn ma iJosaya.

¹⁵IJosaya ma anyị alẹng angị ine ịlẹ ka ẹnyị nyaa ri iJohanan bala iJehoyakim bala iSedekaya bala iJowahasị.

¹⁶IJehoyakim ma anyị alẹng imiiye ịlẹ ká ẹnyị nyaa ri iJehoyachim bala iSedekaya.

¹⁷Anyị ịtụma nya iJehoyachin Adịrahụ ọlẹ ká ala ịBabịlọn wu kpa rụ ka agba à lẹẹ lẹ. Ị la angị irwiye. Ẹnyị nyaa ri iChiyalutiyẹlụ

¹⁸ỊMalukiram bala iPedaya bala iChenasaa bala iJekamiya bala iHocham bala iNedabiya.

¹⁹IPedaya ma anyị imiiye ịlẹ ká ẹnyị nyaa ri iSerubabẹlụ bala iChimeyi. ISerubabẹlụ ma anyị alẹng imiiye ịlẹ ká ẹnyị nyaa ri iMechulam bala ịHananiya. Ọ ma ọnyị ọnyang ookpokpo ọlẹ ká ẹnyị nyamwụ ri iChelomiti.

²⁰Anyị alẹng ịrụ ịkịla ịlẹ kọ ma ri ịHachuba bala Ohẹlụ bala iBerekiya bala ịHasadiya bala iJuchabụ-ịhẹsẹdị.

²¹ỊHananiya ma anyị alẹng imiiye ịlẹ ká ẹnyị nyaa ri iPelatiya bala iJechaya. IJechaya-à ma iRefaya ọlẹ kọ ri adịda nya Aanan lẹ. Aanan à ma Obadaya ọlẹ kọ ma iChekaniya lẹ.

²²IChekaniya ma ọnyị ọlẹng ookpokpo ọlẹ ka ẹnyị nyamwụ ri iChemaya bala anyị ịtụma ịrụ ịlẹ ká ẹnyị nyaa ri ịHatuchi bala Igalụ bala ịBariya bala iNiyariya bala ịChafatị.

²³INiyariaya ma anyị alẹng angị ịta ịlẹ ká ẹnyị nyaa ri Eliyonayị bala iHisikaya bala Asirikam.

²⁴Eliyonayị ma anyị alẹng angị irwiye ịlẹ ká ẹnyị nyaa ri iHodaviya bala Eliyachibu bala iPelaya bala Akubu bala iJohanan bala iDelaya bala Anani.