Read idege 1 EGO OGBEGBE 4 Bible Online

1 EGO OGBEGBE 4 - idege bible

1 EGO OGBEGBE 4

¹Ẹnyị nya anyị ịtụma nya iJuda a lẹẹ lẹ: ỊPẹrẹsị bala iHesirọn bala ịKaami bala iHuu bala iChobalụ.

²IChobalụ ma iRiyaya ọlẹ kọ ri adịda nya ịJahatị. ỊJahatị ma Ahumayị bala ịLahadị angịlẹ kị ri adịda igogo nya ala iSora.

³Anyị nya Etam ri iJesiriilu bala Ichima bala Idibachị bala ịHaseleluponi kọ ri ọnyịnaa ọnyang.

⁴ỊPẹnụwẹlụ ri adịda nya ịGẹdọọ bala Ẹsẹẹ kọ ri adịda nya iHucha. Angịwẹ à ri anyị nya ịHuu ọlẹ kọ ri ọnyị ọgbahị nya Efuratị ahụ nya ịKabẹbụ lẹ. Anyị ịtụma nyamwụ a ri ala ịBẹtịlẹhẹm lẹ.

⁵Achihuu adịda nya iTekowa lẹẹ ye ịhụ imiiye ịlẹ ká ẹnyị nyaa ri iHela bala ịNaara.

⁶ỊNaara ahụ nyamwụ ma anyị alẹng ine họọ ịlẹ ka ẹnyị nyaa ri Ahusam bala ịHẹfẹẹ bala iTemeni bala ịHaahachịtarị.

⁷IHela ahụ nyamwụ ma anyị alẹng ịta họọ ịlẹ ká ẹnyị nyaa ri ịSẹrẹtị bala Isihaa bala Etinan.

⁸ỊKọsị à ri adịda nya Anubu bala iSobeba lẹ. Ọ ri adịda ogogo nya alogang nya Ahahẹlụ ẹnyị nya ịHarim.

⁹Ọlẹng ọhẹ juwa ká ẹnyị nyamwụ ri ịJabẹsị. Ọwa-à la ihi-ihi gụ anyịnamwụ ịkịla wuu lẹ. Ịnamwụ jwoo ẹnyị nya ịJabẹsị[1] ọọ-lajị nyọlẹ kọ mọọ ẹ-ẹpwụ nya ọjụjụ.

¹⁰ỊJabẹsị tị raabwọ bịlẹ Ohe Oluhye nya ala Isirẹlụ yẹkẹẹ, “Ohe Oluhye ee, chuchuu wahị kụrụm, ká ya ọpyị lụmẹ-lụmẹ ham mẹ. Aa jam tam, ká chewu kem hi ang onyobyi ọnyị myị ọnyị, chajị kọ ka kpa ọjụjụ wam ka.” Ohe Oluhye họ ang ọlẹ kọ bịlẹ wẹ họọ.

¹¹IKelubụ ọnyịnina ọlẹng nya iChuha ma ọnyị ọlẹng ọlẹ ka ẹnyị nyamwụ ri iMehii. IMehii ri adịda nya Ẹchịtọn

¹²ọlẹ kọ ma anyị alẹng angị ịta ịlẹ ká ẹnyị nyaa ri ịBẹtịrafa bala ịPasiya bala iTehina. ITehina-à ri adịda ogogo nya alepweji nya ịNahachị lẹ. Angịwẹ wuu kụ i-iReka.

¹³ỊKẹnasị ma anyị alẹng imiiye ịlẹ kị wụrụ Ọtịnẹlụ bala iSeraya. Ọtịnẹlụ tịtị ma anyị alẹng imiiye ịlẹ kị wụrụ ịHatatị bala iMiyonotayị.

¹⁴IMiyonotayị a ri adịda nya Ọfụra lẹ. ISeraya ri adịda nya iJowabụ ọlẹ kọ la Ọkpọọ nya Alịbańg.

¹⁵ỊKalẹbụ ọnyị nya iJefune ma anyị alẹng ịta ịlẹ kị wụrụ Iru bala Ela bala ịNaam. Ela ri adịda nya ịKẹnasị.

¹⁶IJehalelẹlụ ma anyị alẹng ine ịlẹ kị wụrụ iSifu bala iSifa bala iTiriya bala Asarẹlụ.

¹⁷Ẹnyị nya anyị alẹng angị ine nya Esịraa ri ịJẹtẹẹ bala ịMẹrẹdị bala Ẹfẹẹ bala ịJalọn. ỊMẹrẹdị ye iBitiya ọnyị nya adịrahụ nya ala Ijipiti. Ị ma ọnyị ọnyang ookpokpo ọlẹ ká ẹnyị nyamwụ ri iMiriyam bala anyị alẹng imiiye ịlẹ kị wụrụ ịChamayị bala Ichibaa ọlẹ kọ ri adịda nya Ẹchịtemowa.

¹⁸Ahụ ọla iJuda ọlẹ ká ịMẹrẹdị ye ma ịJẹrẹdị ọlẹ kọ ri adịda ogogo nya ala ịGẹdọọ. Ọnyị ọlẹng oheeye nyaa ri ịHẹbẹẹ ọlẹ kọ ri adịda ogogo nya alepweji nya iSoko. Ọnyị ọlẹng ọhata ri iJekutiyẹlụ ọlẹ kọ ri adịda ogogo nya ala ịSanowa.

¹⁹IHodiya ye ọnyịnịna nya ịNaham. Anyị ịtụma nyaa-à ri adịda igogo nya alogang nya ịGaam ịlẹ kị kụ e-epweji nya iKela bala alogang nya ịMaakatị ịlẹ kị kụ e-epweji nya Ẹchịtemowa lẹ.

²⁰IChimọn ma anyị alẹng angị inẹ ịlẹ kị wụrụ Amọn bala iRina bala ịBẹnhanan bala iTilọn. Ichi ma anyị alẹng imiiye ịlẹ kị wụrụ iSoheti bala ịBẹnsoheti.

²¹IChela ri ọngọhẹ nya anyị alẹng nya iJuda. Ẹnyị nya anyị nyamwụ ri Ẹrị ọlẹ kọ ri adịda ogogo nya iLeka bala ịLaada ọlẹ kọ ri adịda ogogo nya ịMarẹcha ọlẹ ká alogang nyamwụ ri angị nụ ịpwụ, kị kụ ị-ịBẹtị-achibiya.

²²Anyị nya iChela ịkịla ri iJokim bala alepweji nya iKoseba bala ọlẹng ọlẹ kị wụrụ iJowachị bala ịSarafụ ọlẹ kọ ya ịhụ bwu iMowabụ ene kọọ kele kaka kụ ị-ịBẹtịlẹhẹm. Ị da ego ịwẹ ju bwu oyi-oyi nya alene.

²³Angịwẹ ri angị kaa me ịta ha adịrahụ. Ị kụ e-epweji nya iNetayịm bala ịGẹdẹra.

²⁴ISimyọn ma anyị alẹng ịrụ ịlẹ ka ẹnyị nyaa ri ịNẹmwẹlụ bala ịJamin bala ịJaribu bala ịSẹra bala ịChawulu.

²⁵ỊChawulu ma ịChalum ọlẹ kọ ri adịda nya iMibisam. IMibisam ọọwa ma iMichima.

²⁶Anyị ịtụma nya iMichima ri ịHamwẹlụ bala ịSakuu bala iChimeyi.

²⁷IChimeyi ma anyị alẹng angị iwo kụrụ ịrwọnyẹ bala anyị anyang ịrwọnyẹ. Aanamwụ ịkịla-á ma anyị ju iru gbuu ka. Aji nya ọọwa lẹ, alimwawụ nya iSimyọn á pyẹ ju iru lala ala alimwawụ nya iJuda myị ka.

²⁸Ene nya ụka nya adịrahụ oriri nya iDevidi lẹ, alimwawụ nya iSimyọn kụ e-epweji nya iBiyẹ-ịchẹba bala iMolada bala ịHasachuwalụ

²⁹bala iBiliha bala Ẹsẹm bala iToladị

³⁰bala ịBẹtụwẹlụ bala ịHọma bala iSikilagị

³¹bala ịBẹtịmakabotu bala ịHasasusim bala ịBẹtịbiri bala ịChaarayim.

³²Epweji ịkịla ịlẹ kị kụ ịnyịnyị ri Etam bala Ayin bala iRimọn bala iTochẹn bala Achan

³³tụ epweji ịdagaga jwaa lalaala kaka ju ka ịBaalatị. Ẹnyị nya alugbiyegu nyaa bala ẹga ịlẹ kị kụ jaabwọ kị da ju à wẹ lẹlẹ.

³⁴Ẹnyị nyaa ri iMechobabụ bala ịJamlẹkị bala iJocha ọnyị nya Amasiya

³⁵bala iJuwẹlụ bala iJehu ọnyị nya iJochibiya ọlẹ kọ ri ọnyị nya iSeraya ọnyị nya Asiyẹlụ.

³⁶Angịkịla ri Eliyonayị bala iJaakoba bala iJechohaya bala Asaya bala Adiyẹlụ bala iJesimyẹlụ bala iBenaya

³⁷bala Sisa ọnyị nya iChifi ọlẹ kọ ri ọnyị nya Alọn. Alọn ri ọnyị nya iJedaya ọnyị nya iChimri ọlẹ ká adamwụ ri iChemaya.

³⁸Angịwẹ à ri angịhyẹ nya alegbeju nya alugbiyegu bala alogang ilimwawụ nya iSimyọn lẹ. Alugbiyegu nyaa pyẹ kịlahị lụmẹ-lụmẹ.

³⁹Ị kaa jẹ tụ oye nya ịGẹdọọ da koye nya ọmwẹnụ-ụtụrụ nya ọkpọọ ọlẹ ká epweji nyaa kụ juwa tịtọ nya ẹga kị ka kpa iye ileji nyaa ri.

⁴⁰Ị ye ọpyị ọnyịịla ọhẹ ká amẹ ji yẹẹyẹẹ kọ dụwa gbamgbam bala o-ju okpunyi. Anyị ịtụma nya ịHam ịhyẹ à kụ ụwa ene-ene lẹ.

⁴¹Lụka ká iHesekaya ri adịrahụ nya ala iJuda alegbeju nya alimwawụ nya iSimyọn ịwẹ à wẹ ẹgẹwẹ lẹ. Ị be anyị ịtụma nya ịHam ịwẹ ẹpwụ, ta ẹpwa nyaa bala ịnya ala iMeyun ịlẹ kị kụ ụwa wuu ayịreji gbanggbang. Ị ku alụwa wuu rụ lẹ ị ye ọpyị nyaa la ajị nyọlẹ ká amẹ juwa hiigu-hiigu ká iyo nyaa ka ye ri lẹlẹ.

⁴²Ụka kọ nọ chẹẹ, angị ohu ịrụ (500) nya alimwawụ nya iSimyọn ịwẹ hu ang yahị da ka ọmwẹnụ-ụtụrụ kaka kụ Ẹdọm. Anyị alẹng nya Ichi à kpaa kụ ịlahị lẹ. Ẹnyị nyaa ri iPelatiya bala iNiyaria bala iRefaya bala Usiyẹlụ.

⁴³Ụka kị pwụ ụwa, ị nwụ angị ihihi nya ala Amalẹkị ịlụwa lẹ, ị kụ ụwa pyịyọọ bwu ụka ọọwa lẹlẹ.