Read idege 1 EGO OGBEGBE 6 Bible Online

1 EGO OGBEGBE 6 - idege bible

1 EGO OGBEGBE 6

¹ILivayị ma anyị alẹng angị ịta ịlẹ ka ẹnyị nyaa ri ịGẹẹchọn bala iKohatị bala iMerarị.

²IKohatị ma anyị alẹng angị ine ịlẹ ka ẹnyị nyaa ri Amram bala Isiha bala iHebirọn bala Usiyẹlụ.

³Amram ma anyị alẹng imiiye ịlẹ kị wụrụ Erọn bala iMosisi. Ọ ma ọnyị ọnyang ookpokpo ọlẹ kị wụrụ iMiriyam. Erọn ma anyị alẹng ine ịlẹ ká ẹnyị nyaa ri ịNadabụ bala Abihu bala Eliyesa bala Itamaa.

⁴Ẹnyị nya anyị ịtụma nya Eliyesa jaabwọ kị la gbile awụlẹ eteteete à lẹẹ lẹ: Eliyesa ma iFinehasị ọlẹ kọ ri adịda nya Abichuwa.

⁵Abichuwa ma iBuki ọlẹ kọ ri adịda nya Usi.

⁶Usi ma iSeraya ọlẹ kọ ri adịda nya iMerayotu.

⁷IMerayotu ma Amariya ọlẹ kọ ri adịda nya Ahitubu.

⁸Ahitubu ma ịSadọkọ ọlẹ kọ ri adịda nya Ahimaasị.

⁹Ahimaasị ma Asariya ọlẹ kọ ri adịda nya iJohanan.

¹⁰iJohanan à ma Asariya ọlẹ kọ ri ọngọkiliya u-Ube nya Amkpaa ọlẹ ká ịSolomọn nwụ i-iJerusalẹm lẹ.

¹¹Asariya ma Amariya ọlẹ kọ ri adịda nya Ahitubu.

¹²Ahitubu ri adịda nya ịSadọkọ ọlẹ kọ ma ịChalum.

¹³ỊChalum ri adịda nya iHilikaya ọlẹ kọ ma Asariya.

¹⁴Asariya ri adịda nya iSeraya ọlẹ kọ ma iJehosadakị.

¹⁵IJehosadakị ri ọngọhẹ ẹ-epwụ nya angịlẹ ká iNebukadinesa wu kpa rụ ka agba ụka ká Amkpaa ku ala iJuda bala iJerusalẹm rụ hi ọpyị nyaa.

¹⁶ILivayị ma anyị alẹng angị ịta ịlẹ ká ẹnyị nyaa ri ịGẹẹchọn bala iKohatị bala iMerarị.

¹⁷ỊGẹẹchọn ma iLibini bala iChimeyi.

¹⁸IKohatị ma Amram bala Isihaa bala iHebirọn bala Usiyẹlụ.

¹⁹IMerarị ma ịMahali bala iMuchi. Ẹnyị nya ogang ilimwawụ nya iLivayị jaabwọ kị daa ju ugbiyegu-ugbiyegu à lẹẹ lẹ:

²⁰Ẹnyị nya anyị ịtụma nya ịGẹẹchọn bwu oyi ọhẹ ka ọkịla ri iLibini bala ịJahatị bala iSima

²¹bala iJowa bala Ido bala iSera bala iJiyatirayị.

²²Ẹnyị nya anyị ịtụma nya iKohatị bwu oyi ọhẹ ka ka ọkịla ri Aminadabụ bala iKora bala Asii

²³bala Elikana bala Ebiyasafụ bala Asii

²⁴bala ịTahatị bala Uriyẹlụ bala Usiya bala ịChawulu.

²⁵Elikana ma anyị alẹng imiiye ịlẹ kị wụrụ Amasayị bala Ahimotu.

²⁶Anyị nya Ahimotu ri Elikana bala iSofayị bala ịNahatị

²⁷bala Eliyabụ bala iJeroham bala Elikana.

²⁸ỊSamwẹlụ ma anyị alẹng angị imiiye ịlẹ ká ẹnyị nyaa ri iJuwẹlụ[2] kọ ri ọngọgbahị bala Abija kọ ri onjwo.

²⁹Ẹnyị nya anyị ịtụma nya iMerarị ri ịMahali bala iLibini bala iChimeyi bala Usa

³⁰bala iChimiya bala ịHagiya bala Asaya.

³¹Alẹng ịlẹ ka iDevidi adịrahụ go nyọka ri angị kpẹhị rịrị ẹla nya eje omwumwu ọlẹga ọgbịgba i-iJerusalẹm ụka kị kpa Akpa nya Iro kele kpá à lẹẹ lẹ.

³²Ịị họ ụkụrwọ nyaa hi ụbwọ ha awụlẹ ọ-Ọdụ nya Amkpaa gbee da ka ụka ká iSolomọn Adịrahụ me Ube nya Amkpaa.

³³Ẹnyị nya angịlẹ kị kpa ụkụrwọ ọọwa ụ-ụbwọ bala anyị nyaa a lẹẹ lẹ: ỊHẹman ri olegbeju nya angị mwu eje bwu ogang nya iKohatị. Ego ogbegbe nya adamwụ anyị gbile awụlẹ eteteete gbee ka ju ka iJekọbụ adamwụ ogogo nyori ịHẹman nyị ri ọnyị nya iJuwẹlụ ọlẹ kọ ri ọnyị nya ịSamwẹlụ. ỊSamwẹlụ ri ọnyị nya

³⁴Elikana ọlẹ kọ ri ọnyị nya iJeroham ọnyị nya Eliyẹlụ ọlẹ kọ ri ọnyị nya iTowa. ITowa ri ọnyị nya

³⁵ISufu ọlẹ kọ ri ọnyị nya Elikana ọnyị nya ịMahatị ọlẹ kọ ri ọnyị nya Amasayị. Amasayị ri ọnyị nya

³⁶Elikana ọlẹ kọ ri ọnyị nya iJuwẹlụ ọnyị nya Asariya ọlẹ kọ ri ọnyị nya ịSẹfaniya. ỊSẹfaniya ri ọnyị nya

³⁷ỊTahatị ọlẹ kọ ri ọnyị nya Asii ọnyị nya Ebiyasafụ ọlẹ kọ ri ọnyị nya iKora. IKora ri ọnyị nya

³⁸Isihaa ọlẹ kọ ri ọnyị nya iKohatị ọnyị nya iLivayị ọlẹ kọ ri ọnyị nya iJekọbụ ọlẹ ká Ohe Oluhye wụrụ Isirẹlụ.

³⁹Asafụ ri olegbeju oheeye nya angị mwu eje. Ego ogbegbe nya adamwụ anyị gbile awụlẹ eteteete gbee ka ju ka iLivayị adamwụ ogogo nyori Asafụ nyị ri ọnyị nya iBerekiya ọlẹ kọ ri ọnyị nya iChimiya. IChimiya ri ọnyị nya

⁴⁰ỊMayịkẹlụ ọlẹ kọ ri ọnyị nya ịBaaseya ọnyị nya ịMalụkija ọlẹ kọ ri ọnyị nya

⁴¹Etini ọnyị nya iSera ọlẹ kọ ri ọnyị nya Adaya. Adaya ri ọnyị nya

⁴²Etan ọnyị nya iSima ọlẹ kọ ri ọnyị nya iChimeyi

⁴³ọnyị nya ịJahatị ọlẹ kọ ri ọnyị nya ịGẹẹchọn ọnyị nya iLivayị.

⁴⁴Etan ologang nya iMerarị à ri olegbeju ọhata nya angị mwu eje lẹ. Ego ogbegbe nya adamwụ anyị gbile awụlẹ eteteete gbee ka ju ka iLivayị adamwụ ogogo nyori Etan nyị ri ọnyị nya iKichi ọlẹ kọ ri ọnyị nya Abudi ọnyị nya ịMaluku. ỊMaluku ri ọnyị nya

⁴⁵ịHachabiya ọlẹ kọ ri ọnyị nya Amasiya ọnyị nya iHilikaya. IHilikaya ri ọnyị nya

⁴⁶Amsi ọlẹ kọ ri ọnyị nya ịBani ọnyị nya ịChemẹẹ ọlẹ kọ ri ọnyị nya

⁴⁷ỊMahali ọnyị nya iMuchi ọlẹ kọ ri ọnyị nya iMerarị ọnyị nya iLivayị.

⁴⁸Ị ya ụkụrwọ ịkịla datị-datị ilube ịgọgọ ju ala iLivayị aanaa ịkịla ụ-ụbwọ nyọka họhọ.

⁴⁹Erọn bala anyị ịtụma nyamwụ kem à kaa kịla iya nya ịtangare bala iya ịlẹ kịị kịla ju ila ogidi lẹ. Ịwa-à kaa họ ụkụrwọ ịkịla ịlẹ kị ji Ẹga Ọlịgọgọ Ọgụgụ bala ọ-kịla iya nya ọhịnyọhi wọnụ nya ala Isirẹlụ ju bwula ọ-ba ọmẹjẹ ịlẹ wuu ká iMosisi ọnchẹ nya Ohe Oluhye ya haa lẹ.

⁵⁰Ẹnyị nya anyị ịtụma nya Erọn ri Eliyesa bala iFinehasị bala Abichuwa

⁵¹bala iBuki bala Usi bala iSerahiya

⁵²bala iMerayotu bala Amariya bala Ahitubu

⁵³bala ịSadọkọ bala Ahimaasị.

⁵⁴Ọlẹ ri ọ-da ju nya ẹga datị-datị ịlẹ ká anyị ịtụma nya Erọn kị ri alogang nya iKohatị kụ. Ịwa-à ri alebwọ ọhọhẹ ọlẹ kị ga ọpyị ọlẹ kọ ri nya ala iLivayị lẹ. Ị ga ọpyị ọọwa bwula iwo ọdada.

⁵⁵Ọpyị ọlẹ kị gaa ri epweji nya iHebirọn i-iJuda bala ẹga ị-kpa iyo ileji ri ịlẹ kị dagaga ju ụwa.

⁵⁶Ịpyị nya ẹrụ bala epweji ichiche ịlụwa tị ri nya ịKalẹbụ ọnyị nya iJefune.

⁵⁷Epweji ịlẹ wuu kị ga ha anyị ịtụma nya Erọn ri iHebirọn kọ ri epweji nya ịbaa ọkpụkpụ bala iLibina bala ịJatii bala Ẹchịtemowa

⁵⁸bala iHilẹn bala ịDẹbii

⁵⁹bala Achan bala ịBẹtị-ịchẹmẹchị tụ ẹga ị-kpa iyo ileji ri ịlụwa wuu.

⁶⁰Epweji ịlẹ kị ya haa bala ẹga ị-kpa iyo ileji ri bwu imwawụ nya iBenjamịn ri ịGẹba bala Alẹmẹtị bala Anatotu. Epweji ịlẹ kị ya ha anyị ịtụma nya Erọn wuu la iwo kụrụ ịta.

⁶¹Ị ya epweji iwo chiriri ha alogang nya iKohatị o-oye nya ịManasẹ Ọlọmwẹnụ-obyi bwula iwo ọdada.

⁶²Ị ya epweji iwo kụrụ ịta ha alogang nya ịGẹẹchọn ugbiyegu-ugbiyegu bwu ọpyị nya alimwawụ nya Isakaa bala Achẹẹ bala ịNafụtali bala oye nya ịBachan ị-ịManasẹ Ọlọmwẹnụ-ụtụrụ

⁶³Lọgụ-ọgụ ọọwa, ị ga alogang nya iMerarị epweji iwo kụrụ imiiye bwu imwawụ nya iRubẹn bala ịGadị bala iSebulọn jaabwọ kị la ugbiyegu-ugbiyegu.

⁶⁴Ịịwẹ ala Isirẹlụ à bwu ga epweji bala ẹga ị-kpa iyo ileji ri ha ala iLivayị lẹlẹ.

⁶⁵Epweji ịlọpyị nya iJuda bala iSimyọn bala iBenjamịn ịlẹ kị bwuru ẹnyị nyaa ene-è wẹẹ ri ịlẹ kị ya haa bwula iwo ọdada ịnyịnyị.

⁶⁶Ị ya epweji bala ẹga ị-kpa iyo ileji ri ha angịhyẹ nya alogang nya iKohatị bwu imwawụ nya Ifurem.

⁶⁷Ẹnyị nya epweji ịịwa ri iChekem ọlẹ kọ ri epweji nya ịbaa ọkpụkpụ ọlẹ kọ ri ịpyị ilikiti nya Ifurem bala ịGẹsẹẹ

⁶⁸bala iJokimiyam bala ịBẹtị-ịhọrọn

⁶⁹Ayịjalọn bala ịGaatị-irimọn.

⁷⁰Ị ga epweji nya Anẹẹ bala iBiliyam tụ ẹga ị-kpa iyo ileji nyaa ri ịlẹ kị ji imwawụ nya ịManasẹ Ọlọmwẹnụ-obyi ha alogang ihihi nya iKohatị.

⁷¹Epweji tụ ẹga ị-kpa iyo ileji ri ịlẹ kị ya ha ugbiyegu ilogang nya ịGẹẹchọn bwu imwawụ nya ịManasẹ Ọlọmwẹnụ-ụtụrụ ri epweji nya iGolan ị-ịBachan bala Achịtarotu.

⁷²Ị ya epweji nya ịKẹdẹchị bala ịDabẹratị

⁷³bala ịRamotụ bala Anẹm tụ ẹga ị-kpa iyo ileji nyaa ri haa bwu imwawụ nya Ịsakaa.

⁷⁴Ị ya epweji nya ịMachalụ bala Abudọn

⁷⁵bala iHukọkụ bala iRehọbụ tụ ẹga ị-kpa iyo ileji nyaa ri haa bwu imwawụ nya Achẹẹ.

⁷⁶Ị ya epweji nya ịKẹdẹchị ị-ịGalili bala ịHamọn bala iKiriyatị-ịjarim tụ ẹga ị-kpa iyo ileji nyaa ri haa bwu imwawụ nya ịNafụtali.

⁷⁷Ị ga epweji nya iRimono bala ịTabọ tụ ẹga ị-kpa iyo ileji ri nyaa bwu imwawụ nya iSebulọn ha alugbiyegu ihihi ilogang nya iMerarị.

⁷⁸Epweji ịlẹ kị ga haa bwu imwawụ nya iRubẹn ọ-ọmwẹnụ-ụtụrụ nya Ihu ịJọdan koye ọlaanyị nya iJeriko ri ịBẹsẹẹ olugbileji bala ịJahasa

⁷⁹bala iKedemotu bala iMefaatị tụ ẹga ị-kpa iyo ileji nyaa ri.

⁸⁰Epweji ịlẹ kị ga haa bwu imwawụ nya ịGadị ri ịRamotu ọla iGiliyadị bala ịMahanayim

⁸¹bala ịHẹchịbọn bala ịJasẹẹ tụ ẹga ị-kpa iyo ileji nyaa ri.