Read idege 1 EGO OGBEGBE 7 Bible Online

1 EGO OGBEGBE 7 - idege bible

1 EGO OGBEGBE 7

¹Isakaa ma anyị alẹng ine ilẹ ka ẹnyị nyaa ri iTola bala iPuwa bala ịJachubu bala iChimrọn.

²ITola ma anyị alẹng ịrwọnyẹ ịlẹ ká ẹnyị nyaa ri Usi bala iRefaya bala iJeriyẹlụ bala ịJahamayị bala Ibusam bala iChemwẹlụ. Ọngọngọọng nyaa ri olegbeju nya ogang bala angịdẹwụ ịtụka. Lụka nya adịrahụ oriri nya iDevidi lẹ, iru ojuju nya anyị ịtụma nyaa wuu la angị ụnọ iwo imiiye da ụnọ imiiye da angị ohu ịrwọnyẹ (22,600).

³Usi ma ọnyị ọlẹng ookpokpo ọlẹ kị wụrụ Isirahiya. Isirahiya ma angị alẹng angị ine ịlẹ kị wụrụ ịMayịkẹlụ bala Obadaya bala iJuwẹlụ bala Ichiya. Ịwa wuu ri alegbeju nya ugbiyegu nyaa.

⁴Ajị nyọlẹ kị ye iru nya ịhụ bala ọ-ma anyị ju iru lẹ, alẹng ịlẹpwụ nyaa ịlẹ kị juwa nwa nyọka ka ẹwụ myị wuu la angị ụnọ iwo ịta da ụnọ ịrwọnyẹ (36,000).

⁵Alẹng ịlẹ kị juwa nwa nyọka ka ẹwụ myị bwu ogang ilimwawụ nya Isakaa wuu tụ ju awụlẹ ri angị ụnọ iwo ineku da ụnọ irwiye gbẹgbịlẹ. Ị da angịwẹ ju wuu kpẹẹkpẹẹ ẹ-ẹpwụ nya ego nya ugbiyegu nyaa.

⁶IBenjamịn ma anyị alẹng angị ịta ịlẹ ka ẹnyị nyaa ri iBela bala iBekẹẹ bala iJediyẹlụ.

⁷IBela ma anyị alẹng ịrụ ịlẹ ka ẹnyị nyaa ri Ẹsịbọn bala Usi bala Usiyẹlụ bala iJerimotu bala Iri. Ịwa wuu ri alegbeju nya ugbiyegu datị-datị bwu ogang nyaa, ị tị ri angịdẹwụ ịtụka ịnyịnyị. Ị da ju ego nya ugbiyegu nyaa nyori anyị ịtụma nyaa ịlẹ kị nwa ọ-ka ka ẹwụ myị wuu nyị la angị ụnọ iwo imiiye da ụnọ imiiye da angị iwo ịta kụrụ ine (22,034).

⁸ỊBẹkẹẹ ma anyị alẹng angị ihikichu ịlẹ ká ẹnyị nyaa ri iSemira bala iJowachị bala Eliyesa bala Eliyonayị bala Omri bala iJeremotu bala Abija bala Anatotu bala Alemẹtị.

⁹Anyị ịtụma nyaa ịlẹ kị nwa nyọka ka ẹwụ myị ịlẹ kị ka du ego nya ugbiyegu nyaa wuu la angị ụnọ iwo imiiye da angị ohu imiiye (20,200).

¹⁰IJediyẹlụ ma ọnyị ọlẹng ookpokpo ọlẹ ká ẹnyị nyamwụ ri iBilihan ọlẹ kọ ma anyị alẹng angị irwiye. Ẹnyị nyaa ri iJewuchi bala iBenjamịn bala Ehudu bala iKenaana bala iSetan bala ịTachichi bala Ahichahaa.

¹¹Angịwẹ ri alegbeju nya ugbiyegu ilogang nyaa bala o-ri angịdẹwụ ịtụka ịnyịnyị. Anyị ịtụma nyaa ịlẹ kị nwa nyọka ka ẹwụ myị wuu la angị ụnọ iwo kụrụ irwiye da angị ohu imiiye (17,200).

¹²IChupim bala iHupim kị ri anyị nya Iri ri alogang ọwẹ ịnyịnyị. IHuchim ri ọnyị nya Ahẹẹ.

¹³ỊNafụtali ma anyị alẹng angị ine ịlẹ ká ẹnyị nyaa ri ịJahasẹlụ bala iGuni bala ịJẹsẹẹ bala ịChalum. Ịwa-à ri anyị nya iBiliha[3] lẹ.

¹⁴Ahụ-ọnchẹ ọlẹ ká ịManasẹ ye bwu Aram ma anyị alẹng imiiye họọ ịlẹ ká ẹnyị nyaa ri Asirẹlụ bala ịMakii. ỊMakii à ma iGiliyadị lẹ.

¹⁵ỊMakii ye ịhụ ha iHupim bala iChupim. Ọnyịnịna ọnyang nya ịMakii ri ịMaaka. Ọnyị ọlẹng oheeye nya ịMakii ri iSelofehadị ọlẹ kọ ma anyị anyang kem.

¹⁶ỊMaaka ahụ nya ịMakii ma anyị alẹng imiiye ịlẹ ka enyi nyaa ri ịPẹrẹchị bala ịChẹrẹchị. ỊPẹrẹchị ma anyị alẹngị imiiye ịlẹ ká ẹnyị nyaa nyaa ri Ulam bala ịRakẹm.

¹⁷Ẹnyị nya ọnyị ọlẹng nya Ulam ri iBedan. Angịwẹ a ri anyị ịtụma nya iGiliyadị ọnyị nya ịMakii ọnyị ọtụma nya ịManasẹ lẹ.

¹⁸ỊHamolẹkẹtị ọnyịnịna ọnyang nya iGiliyadị ma anyị alẹng angị ine ịlẹ ká ẹnyị nyaa ri Ichọdụ bala Abiyesẹẹ bala ịMahala.

¹⁹IChemida ma anyị alẹng angị ine ịlẹ ká ẹnyị nyaa ri Ahiyan bala iChekem bala iLikihi bala Anyiyam.

²⁰Anyị ịtụma nya Ifurem ri iChutela bala ịBẹrẹdị bala ịTahatị bala Eleyada bala ịTahatị

²¹bala ịSabadị bala iChutela. Anyị alẹng ịkịla nya Ifurem ri Ẹsẹẹ bala Eleyadị. Ị nwaa ụka kị juwa maga kị ka wu iyo ileji nya ala ịGaatị yoyi.

²²Ifurem adaa bida chajị nyaa ẹnụtụrụ lụmẹ-lụmẹ. Ọọwa, aanamwụ à wẹ kaka kpọọ ẹjẹ lẹlẹ.

²³Ụka kọ nọ chẹẹ, ahụ nya Ifurem ma ọnyị ọlẹng ọkịla. Ị wụrụ ẹnyị nya ọnyị ọọwa iBeriya[4] ọọ-lajị nya akama ọlẹ ká ugbiyegu nyamwụ yẹ.

²⁴Ifurem ma ọnyị ọnyang ọlẹ ka ẹnyị nyamwụ ri iChiira. Ọwa-à nwụ ẹpweji ịla ịBẹtị-ịhọrọn Oluhye bala Oleji tụ Usẹn-ịchiira lẹ.

²⁵Ifurem ma ọnyị ọlẹng ọkịla ọle ka ẹnyị nyamwụ ri iRefa. Anyị ịtụma nya iRefa ri iRechẹfụ bala iTela bala ịTahan

²⁶bala ịLadan bala Amihudu bala Elichama

²⁷bala iNun bala iJochuwa ọnyị nyamwụ.

²⁸Anyị ịtụma nya Ifurem ịwẹ ọ-ọpyị o-bwu ịBẹtẹlụ bala epweji ịdagaga jwoo lalaala kaka ju ka ịNaaran gbee ka pwụ ịGẹsẹẹ hwẹ̀ẹẹ ọ-ọmwẹnụ-obyi tụ epweji ịdagaga jwoo. Ị kụ e-epweji ịtụka nya iChekem bala Aya tụ epweji ichiche ịdagaga jwaa ịnyịnyị.

²⁹Anyị ịtụma nya ịManasẹ kụ epweji nya ịBẹtị-ịchan bala ịTaanakị bala iMegido bala ịDọọ tụ epweji ichiche ịdagaga jwaa.

³⁰Achẹẹ ma anyị alẹng angị ine ịlẹ ká ẹnyị nyaa ri Imna bala Ichiva bala Ichivi bala iBeriaya. Ọ ma ọnyị ọnyang ookpkokpo ọlẹ kị wụrụ iSera.

³¹IBeria ma anyị alẹng imiiye ịlẹ ká ẹnyị nyaa ri ịHẹbẹẹ bala ịMalụkẹlụ. ỊMalụkẹlụ à ri adịda nya iBisayiti lẹ.

³²ỊHẹbẹẹ ma anyị alẹng ịta ịlẹ kị wụrụ ịJafụlẹtị bala iChomẹẹ bala iHotam. Ọ ma ọnyị ọnyang ookpokpo ọlẹ ka ẹnyị nyamwụ ri iChuwa.

³³ỊJafụlẹtị ma anyị alẹng angị ịta inyịnyi ịlẹ kị wụrụ ịPasakị bala iBimhalụ bala Achava.

³⁴IChomẹẹ ọnyịnamwụ ma anyị alẹng angị ịta ịlẹ ká ẹnyị nyaa ri iRohaga bala iJehba bala Aram.

³⁵ỊHẹlẹm ọnyịnamwụ ma anyị alẹng anyị ine ịlẹ kị wụrụ iSofa bala Imna bala ịChẹlẹchị bala Amalụ.

³⁶Anyị nya iSofa ri iSuwa bala ịHanẹfẹẹ bala iChuwalụ bala iBeri bala Imra

³⁷bala ịBẹsẹẹ bala iHodu bala ịChama bala iChilicha bala Itiran bala iBiyẹra.

³⁸Anyị itụma nya ịJẹtẹẹ ri iJefune bala iPisipa bala Ara.

³⁹Anyị ịtụma nya Ula ri Ara bala ịHaniyẹlụ bala iRisiya.

⁴⁰Angịwẹ wuu ri anyị itụma nya Achẹẹ. Ị ri alegbeju nya ugbiyegu ilogang nyaa. Ị tị ri angịdẹwụ ịtụka bala alegbeju ịlẹ kị leje. Anyị ịtụma nya Achẹẹ ịlẹ kị nwa nyọka ka ẹwụ myị wuu la angị ụnọ iwo imiiye da ụnọ ịrwọnyẹ (26,000).