Read idege 1 EGO OGBEGBE 9 Bible Online

1 EGO OGBEGBE 9 - idege bible

1 EGO OGBEGBE 9

¹Ị wa ọng myị ọng nya ala Isirẹlụ wuu ugbiyegu-ugbiyegu, daa ju kpẹẹkpẹẹ a-apwụ nya Ego nya Ịdịrịhụ nya ala Isirẹlụ. Ị lẹẹ go ala iJuda kpa ka agba ka ịBabịlọn ajị nyọlẹ kị họ ọhọbịrị ba Amkpaa.

²Angịnyị nya ọgbanyẹ-ọgbanyẹ ịlẹ kị nyà tịrẹkpẹ wẹ kaka kụ e-epweji nya ịlaa ri ala Isirẹlụ ịhyẹ bala angịkiliya bala ala iLivayị bala alụkụrwọ ilube ịgọgọ.

³Angịlẹ kị bwu imwawụ nya iJuda bala iBenjamịn bala Ifurem bala ịManasẹ nyà kaka kụ i-iJerusalẹm.

⁴Ugbiyegu nya Ụtayị bwu iJuda juwa ẹ-ẹpwụ nya ugbiyegu ịlẹ kị nyà. Ụtayị ri ọnyị nya Amihudu ọlẹ ká adamwụ ri Omri ọnyị nya ịBani kọ ri ọnyị ọtụma nya ịPẹrẹsị ọnyị nya iJuda.

⁵Alogang nya iChela ọnyị nya iJuda ịlẹ kị nyà ri Asaya kọ ri olegbeju nya ugbiyegu tụ anyị alẹng nyamwụ.

⁶Anyị ịtụma nya ịSẹra ịlẹ kị nyà lẹ, iJeyuwẹlụ à kpaa hi ri olegbeju nyaa lẹ. Ugbiyegu i-bwu imwawụ nya iJuda ịlẹ kị nyà wuu la ohu ịrwọnyẹ da iwo ihikichu (690).

⁷Ọngọhẹ nya angị bwu imwawụ nya iBenjamịn ri ịSalu ọnyị nya iMechulam ọlẹ kọ ri ọnyị nya iHodaviya ọlẹ ká adamwụ ri ịHasenuwa.

⁸Angịkịla ri Ibineya ọnyị nya iJehoram bala Ela ọnyị nya Usi ọlẹ ká adamwụ ri iMikiri bala iMechulam ọnyị nya iChefatiya ọlẹ kọ ri ọnyị nya iReyuwẹlụ ọlẹ ká adamwụ ri Ibinija.

⁹Ugbiyegu ịla imwawụ nya iBenjamịn ịlẹ wuu kị nyà la ohu ihikichu da iwo ịrụ kụrụ ịrwọnyẹ (956). Alẹng ịwẹ kị da ẹnyị nyaa kpehe wẹ wuu ri alegbeju nya ugbiyegu ilogang nyaa.

¹⁰Angịkiliya ịlẹ kị nyà kaka kụ i-iJerusalẹm ri iJedaya bala iJehoyaribu bala ịJakin

¹¹bala Asariya ọnyị nya iHilikaya ọlẹ kọ ri ọnyị nya iMechulam ọlẹ ká adamwụ ru ịSadọkọ ọnyị nya iMerayotu ọlẹ kọ ri ọnyị nya Ahitubu. Asariya-à ri olegbeju nya Ube nya Amkpaa lẹ.

¹²Angịkiliya ịkịla ịlẹ kị nyà ri Adaya ọnyị nya iJehoram ọlẹ kọ ri ọnyị nya ịPachuu ọnyị nya ịMalụkija. Ọngọkịla ri ịMaasayị ọnyị nya Adiyẹlụ ọnyị nya ịJahasera ọnyị nya iMechulam ọlẹ ká adamwụ ri Imẹẹ.

¹³Angịkiliya ịlẹ kị ri alegbeju nya ugbiyegu wuu la angị ụnọ ookpokpo da ohu irwiye da angị iwo ịrwọnyẹ (1,760). Ị ri angị jẹ ụkụrwọ ọnyị myị ọnyị olube ịgọgọ ọhọhọ yẹẹyẹẹ.

¹⁴Ala iLivayị ịlẹ kị nyà kaka kụ i-iJerusalẹm ri iChemaya ọnyị nya ịHachubu ọnyị nya Asirikam ọlẹ kọ ri ọnyị nya ịHachabiya kọ bwu ogang nya iMerarị.

¹⁵Angịkịla nyaa ri ịBakịbakaa bala ịHẹrechị bala ịGalalụ bala ịMataniya ọnyị nya iMika ọlẹ ka adịda igogo nyamwụ ri iSikiri bala Asafụ.

¹⁶Obadayị ọnyị nya iChemaya ọlẹ kọ ri ọnyị nya ịGalalụ ọnyị nya iJedutun juwa ịnyịnyị tụ iBerekiya ọnyị nya Asa ọlẹ ká adamwụ ri Elikana ọlẹ kọ oye nya epweji nya iNetofa.

¹⁷Angịgbeji ịlẹ kị nyà kaka kụ i-iJerusalẹm ri iChalum bala Akubu bala ịTalụmọn bala Ahiman. ỊChalum à ri olegbeju nyaa lẹ.

¹⁸Ene-ene nya ụka ọwẹ lẹ, alogang nyaa-à kaa gbe ọnang ọlọmwẹnụ-ụtụrụ nya Ogirigba nya Adịrahụ lẹ. Angịwẹ à kaa gbe ịkampụ nya ala iLivayị ene-ene lẹ.

¹⁹ỊChalum ọnyị nya iKore ọlẹ ká adamwụ-ọgbahị ri Ebiyasafụ bala aanamwụ ịkịla ilogan nya iKora-à kaa gbe ọnang o-bwu ka ẹpwụ nya ọdụ nya Amkpaa lala adaa igogo anyị kịị kpẹhị rịrị ọdụ ọlịgọgọ lẹ.

²⁰IFinihasị ọnyị nya Eliyesa à ri olegbeju ọkpẹhị rịraa ene nya ụka ọwẹ lẹ. Amkpaa juwa tọọ.

²¹ISẹkaraya ọnyị nya iMechelemaya ri ọngọgbeji ọ-ọnang nya Ọdụ nya Amkpaa ịnyịnyị.

²²Ọtụchawụlẹ nya angịgbeji wuu la angị ohu imiiye da angị iwo kụrụ imiiye (212). Ị da ẹnyị nyaa ju epweji-epweji ịlẹ kị kụ. IDevidi Adịrahụ bala ịSamwẹlụ ọlọmwụ à yaa ụkụrwọ ọwẹ jwaa ụ-ụbwọ lẹ.

²³Ịwa bala anyị ịtụma nyaa kịnyaa juwa gbe ogirigba i-bwu ka ẹpwụ nya Ọdụ nya Amkpaa.

²⁴Ị chụ angịgbeji ịwẹ kụ ọnang ọnyọnyọnyị chị ọlẹtẹ bala oledii bala ọlọmwẹnụ-ụtụrụ bala ọlọmwẹnụ-obyi ọnụ.

²⁵Aanaa ịlẹ kị kụ e-epweji datị-datị kaa wẹ ịnyịnyịịnyị kaka daa ụbwọ lụkụrwọ ọwẹ yẹ hi ha awụlẹ ẹnụtụrụ irwiye-irwiye.

²⁶Alegbeju angị ine nya angịgbeji ịlẹ kị ri ala iLivayị ịnyịnyị kaa kpẹhị rịrị ụkụrwọ nya angịkịla. Ịwa-à kaa kpẹhi rịrị ebe ị-ya ang-abwọ bala ang-ụdụ guru u-ube ịgọgọ nya Ohe Oluhye lẹ.

²⁷Ị kụ ba Ube nya Amkpaa ba, chajị ọ ri ụkụrwọ nyaa nyọka gboogbe bala ọ-wụrụ ọnang ịlụwa ẹnụ myị ẹnụ lụtụrụ.

²⁸Ala iLivayị ịkịla kaa kpẹhị rịrị ang-abwọ ịlẹ kịị kpa họ ụkụrwọ nya ịgba ọgbagba u-ube ịgọgọ. Ị kaa waa kpẹẹkpẹẹ ụka kị ka gba kpehe kpa kaka họ ụkụrwọ bala ụka kị ka ye tịrẹkpẹ wẹ ẹpwang.

²⁹Angịkịla nyaa kaa kpẹhị rịrị ang-abwọ ịlịgọgọ ịkịla tụ ọrụ nya ajẹ nya ang-ẹrụ bala ere bala ida bala ịtangare bala etiji ichoru kwọkwọ.

³⁰Ma angịkiliya-à tị kaa yi etiji ịchoru kwọkwọ julawụlẹ lẹ.

³¹Ọla iLivayị ọlẹ kị wụrụ ịMatitiya kọ ri ọnyị ọgbahị nya ịChalum bwu ogang nya iKora ị ya ụkụrwọ nya ịkaa ị-kpa kịla iya ọhọhọ ju ụ-ụbwọ lẹ.

³²Ala iLivayị aanaa i-bwu ogang nya iKohatị à kaa họ ịkaa ọlịgọgọ ọlẹ kị kaa ya nọ i-itebwuru ẹnụ myị ẹnụ nya Ẹnụtụrụ Ọhịnyọ Lụkụrwọ lẹ.

³³Ala iLivayị ịhyẹ ri angị mwu eje. Alegbeju nya ugbiyegu ịịwa kụ apwụ nya ebe ịhyẹ u-Ube nya Amkpaa. Ị gbaa hi ụkụrwọ ịkịla ọhọhọ, chajị ị kaa wụrwaa kaka họ ụkụrwọ nyaa lẹnụ bala alodu.

³⁴Angịwẹ wuu ri alegbeju nya ugbiyegu nya ala iLivayị datị-datị jaabwọ kị da ego nyaa. Ị ri alegbeju ịgbẹgbịlẹ ịlẹ kị kụ i-iJerusalẹm.

³⁵IJeyẹlụ à pwọ eji nya epweji nya iGibyọn ene kọọwa bala ịMaaka ahụ nyamwụ-ụ̀ kụ ụ-ụwa lẹ.

³⁶Ọnyị ọlẹng ọgbahị nyamwụ ri Abudọn. Ẹnyị nya anyị nyamwụ ịkịla ri ISuu bala iKichi bala ịBaalụ bala ịNẹẹ bala ịNababụ

³⁷bala ịGẹdọọ bala Ahiyo bala ịSẹkaraya bala iMikilotu

³⁸adịda nya iChimiya. Alugbiyegu ịwẹ wuu kụ i-iJerusalẹm ba aanaa alogang nyaa ba.

³⁹ỊNẹẹ à ma iKichi adịda nya ịSọlụ lẹ. ỊSọlụ ma anyị alẹng angị ine ịlẹ kị wụrụ iJonatan bala ịMalụkichuwa bala Abinadabụ bala Ẹchịbaalụ.

⁴⁰IJonatan ri adịda nya iMeribaalụ ọlẹ kọ ma ịMayịka.

⁴¹ỊMayịka ma anyị alẹng ine ịlẹ ká ẹnyị nyaa ri iPitọn bala ịMẹlẹkị bala ịTareya bala Ehasị[6].

⁴²Ehasị ma ịJara ọlẹ kọ ma anyị alẹng angị ịta. Ẹnyị nyaa ri Alẹmẹtị bala Asimavẹtị bala iSimri. ISimri ma iMosa ọlẹ kọ ri

⁴³adịda nya iBineya ọlẹ kọ ma iRefaya. IRefaya ma Eleyasa ọlẹ kọ ma Asẹlụ.

⁴⁴Asẹlụ ma anyị alẹng angị ịrwọnyẹ ịlẹ ká ẹnyị nyaa ri Asirikam bala iBokeru bala Ichimẹlụ bala iCheyaria bala Obadaya bala ịHanan.