Read idege ẸSỊRA 2 Bible Online

ẸSỊRA 2 - idege bible

ẸSỊRA 2

¹Angịnyị lụmẹ-lụmẹ bwu ẹpwụ nya angịlẹ ká adịrahụ iNebukadinesa go nya anyịhị nya bwu ọpyị nya ịBabịlọn kele ka iJerusalẹm bala iJuda. Ọngọngọọng nyaa nya tịrẹkpẹ ka epweji nya ịlọmwụ-ịlọmwụ.

²Angị kpaa ji ịlahị ẹ-ẹpwụ nya ẹdịyẹ ọọwa ri iSerubabẹlụ bala iJechuwa bala iNehemaya bala iSeraya bala iRiilaya bala iModekayị bala iBilichan bala iMisipaa bala iBigivayị bala iRehum bala ịBaana. Ọlẹ ri ẹnyị nya ogang ọnyọnyọọnyị nya ala Isirẹlụ tu iru ojuju nya alụwa ịlẹ kị nya wuu:

³Alogang nya ịParochi la angị ụnọ imiiye da angị ohu ookpokpo da angị iwo irwiye kụrụ imiiye (2,172).

⁴Alogang nya iChefatiya la angị ohu ịta da angị iwo irwiye kụrụ imiiye (372).

⁵Alogang nya Ara la angị ohu irwiye da angị iwo irwiye kụrụ ịrụ (775).

⁶Alogang nya ịPahatị-ịMowabụ ịlẹ kị ri anyị ịtụma nya iJechuwa bala iJowabụ la angị ụnọ imiiye da angị ohu ineku da angị iwo kụrụ imiiye (2,812).

⁷Alogang nya Elam la angị ụnọ ookpokpo da angị ohu imiiye da angị iwo ịrụ kụrụ ine (1,254).

⁸Alogang nya ịSatu la angị ohu ihikichu da angị iwo ine kụrụ ịrụ (945).

⁹Alogang nya ịSakayị la angị ohu irwiye da angị iwo ịrwọnyẹ (760).

¹⁰Alogang nya ịBani la angị ohu ịrwọnyẹ da angị iwo ine kụrụ imiiye (642).

¹¹Alogang nya iBebayị la angị ohu ịrwọnyẹ da angị iwo imiiye kụrụ ịta (623);

¹²alogang nya Asigadi la angị ụnọ ookpokpo da angị ohu imiiye da angị iwo imiiye kụrụ imiiye (1,222);

¹³alogang nya Adonikam la angị ohu ịrwọnyẹ da angị iwo ịrwọnyẹ kụrụ ịrwọnyẹ (666);

¹⁴alogang nya iBigivayị la angị ụnọ imiiye da angị iwo ịrụ kụrụ ịrwọnyẹ (2,056);

¹⁵alogang nya Adin la angị ohu ine da angị iwo ịrụ kụrụ ine (454).

¹⁶Alogang nya Atẹẹ ọlẹ ká ẹnyị ọkịla nyamwụ ri iHesekaya la angị iwo ihikichu da angị ineku (98).

¹⁷Alogang nya iBesayị la angị ohu ịta da angị iwo imiiye kụrụ ịta (323);

¹⁸alogang nya iJora la angị ohu da angị iwo kụrụ imiiye (112);

¹⁹alogang nya ịHachum la angị ohu imiiye da angị iwo imiiye kụrụ ịta (223);

²⁰alogang nya iGibaa la angị iwo ihikichu da angị ịrụ.

²¹Iru ojuju nya angịkịla ịlẹ kị nya ịnyịnyị bala epweji ịlẹ ká adaa igogo anyị bwu a lẹẹ lẹ: alepweji nya ịBẹtịlẹhẹm la angị ohu da angị iwo imiiye kụrụ ịta (123);

²²alepweji nya iNetofa la angị iwo ịrụ da angị ịrwọnyẹ;

²³alepweji nya Anatotu la angị ohu da angị iwo imiiye kụrụ ineku (128);

²⁴alepweji nya Asimaveti la angị iwo ine kụrụ imiiye;

²⁵alepweji nya iKiriyatị-ịjarim bala ala iKefira bala ala iBeerọtụ wuu julawụlẹ la angị ohu irwiye da angị iwo ine kụrụ ịta (743);

²⁶alepweji nya ịRama bala ala ịGẹba la angị ohu ịrwọnyẹ da angị iwo imiiye kụrụ ookpokpo (621);

²⁷alepweji nya iMikimasị la angị ohu da angị iwo imiiye kụrụ imiiye (122);

²⁸alepweji nya ịBẹtẹlụ bala ala Ayị la angị ohu imiiye da angị iwo imiiye kụrụ ịta (223);

²⁹alepweji nya iNebo la angị iwo ịrụ kụrụ imiiye;

³⁰alepweji nya ịMagibichi la angị ohu ookpokpo da angị iwo ịrụ kụrụ ịrwọnyẹ (156);

³¹alepweji nya Elam ọkịla la angị ụnọ ookpokpo da angị ohu imiiye da angị iwo ịrụ kụrụ ine (1,254);

³²alepweji nya ịHarim la angị ohu ịta kụrụ iwo imiiye (320);

³³alepweji nya iLodu bala ala ịHadidi bala ala Ono wuu tụ julawụlẹ la angị ohu irwiye da angị iwo imiiye kụrụ ịrụ (725);

³⁴alepweji nya iJeriko la angị ohu ịta da angị iwo ine kụrụ ịrụ (345);

³⁵alepweji nya iSenaa la angị ụnọ ịta da angị ohu ịrwọnyẹ kụrụ iwo ịta (3,630).

³⁶Ọlẹ ri ẹnyị nya ogang nya angịkiliya ịlẹ kị nyà: Alogang nya iJedaya ịlẹ kị ri anyị ịtụma nya iJechuwa la angị ohu ihikichu da angị iwo irwiye kụrụ ịta (973);

³⁷alogang nya Ịmẹẹ la angị ụnọ ookpokpo da angị iwo ịrụ kụrụ imiiye (1,052);

³⁸alogang nya ịPachuu la angị ụnọ ookpokpo da angị ohu imiiye da angị iwo ine kụrụ irwiye (1,247);

³⁹alogang nya ịHarim la angị ụnọ ookpokpo da angị iwo kụrụ irwiye (1,017).

⁴⁰Alogang nya ala iLivayị ịlẹ kị nya a lẹẹ lẹ: Alogang nya iJechuwa bala iKadimiyẹlụ ịlẹ kị ri anyị ịtụma nya iHodaviya la angị iwo irwiye kụrụ ine.

⁴¹Angị du ayịlọ u-ube ịgọgọ ịlẹ kị nyà ri anyị ịtụma nya Asafụ. Ị la angị ohu da iwo imiiye kụrụ ineku (128).

⁴²Angịgbeji ịlọnang nya ube ịgọgọ ịlẹ kị nyà ri anyị ịtụma nya ịChalum bala Atẹẹ bala ịTalịmọn bala Akubu bala ịHatịta bala iChobayị. Ọ-tụ julawụlẹ nyaa ri angị ohu da angị iwo ịta kụrụ ihikichu (139).

⁴³Ẹnyị nya ogang nya alụkụrwọ ilube ịgọgọ ịlẹ ká anyị ịtụma nyaa nyà ịnyịnyị à lẹẹ lẹ: alogang nya iSiha bala ịHasufa bala ịTabawotu;

⁴⁴alogang nya iKerọsị bala iSiya bala ịPadọn;

⁴⁵alogang nya iLebana bala ịHagaba bala Akubu;

⁴⁶alogang nya ịHagabụ bala ịChamịlayị bala ịHanan;

⁴⁷alogang nya iGidẹlụ bala ịGahaa bala iReyaya;

⁴⁸alogang nya iResin bala iNekoda bala ịGasam;

⁴⁹alogang nya Usa bala iPasiya bala iBesayị;

⁵⁰alogang nya Asịna bala iMewunim bala iNefisim;

⁵¹alogang nya ịBakịbuku bala ịHakufa bala ịHaahu;

⁵²alogang nya ịBasilutu bala iMehida bala ịHaacha;

⁵³alogang nya ịBaakọsị bala iSisẹra bala ịTẹma;

⁵⁴alogang nya iNesaya bala ịHatifa.

⁵⁵Ẹnyị nya anchẹ nya iSolomọn ịlẹ ká alogang nya anyị ịtụma nyaa nyà a lẹẹ lẹ: ogang nya iSotayị bala iHasofẹrẹtị bala iPeruda;

⁵⁶ogang nya ịJaala bala ịDaakọn bala iGidẹlụ;

⁵⁷ogang nya iChefatiya bala ịHatili bala iPokẹrẹtị-ịhasebayim bala Ami.

⁵⁸Iru ojuju nya alụkụrwọ ilube ịgọgọ bala anchẹ nya iSolomọn ịlẹ kị nya wuu tụ julawụlẹ ri angị ohu ịta da angị iwo ihikichu kụrụ imiiye (392).

⁵⁹Angịkịla ịhyẹ nyà bwu epweji nya iTeli-imẹla bala iTeli-ịhaacha bala iKerubu bala Adan bala Imẹẹ ịnyịnyị. Angịwẹ-ẹ́ tị jẹ ọmwụ nya adaa igogo gbe nyọka mẹjẹ ya ị ri ala Isirẹlụ kpangga ka.

⁶⁰Ịwa ayịdang bwu ogang nya iDilaya bala iTobiya bala iNekoda. Iru ojuju nyaa wuu la angị ohu ịrwọnyẹ da angị iwo ịrụ kụrụ imiiye (652).

⁶¹Angịkịla ịlẹ kị jẹ ọmwụ nya adaa igogo anyị gbe ka a lẹẹ lẹ: angịkiliya ịlẹ kị bwu ogang nya ịHabaya bala ịHakosi bala ịBaasilayị. ỊBaasilayị ọlẹ ya ịlọmwụ wụrụ adamwụ-ẹpwa iBasilayị ọla iGiliyadị ụka kọ ye ọnyị nyamwụ kpá.

⁶²Ajị nyọlẹ kị yẹ ẹgẹgẹhẹ ọlẹ kị da ego nya adaa anyị ju nya ang ibeenu ka lẹ, ị́ myị yaa jubwọ lala angịkiliya ka.

⁶³Ịgọvụnọ nya ala iJuu byaa ya nyị́ ka ri ang oriri ịlẹ kịị nyị ya kịla iya ha Ohe Oluhye ka gbee da ka ụka kịị nyị ka ye ọngọkiliya ọlẹ kọ ka jẹ-ẹ kpa Urim bala iTumim[1] họ ụkụrwọ ene.

⁶⁴Iru ojuju nya angịlẹ kị nya wuu la angị ụnọ iwo ine da ụnọ imiiye da angị ohu ịta kụrụ iwo ịrwọnyẹ (42,360).

⁶⁵Angịkịla ịlẹ kị juwa ẹ-ẹpwụ nya ọwawa ọwẹ ka ri anchẹ nyaa anyang bala alẹng ịlẹ kị la angị ụnọ irwiye da ohu ịta da iwo ịta kụrụ irwiye (7,337). Ị la angị du ayịlọ anyang bala alẹng angị ohu imiiye (200) ịnyịnyị.

⁶⁶Anyịrẹ nyaa la ohu irwiye da iwo ịta kụrụ ịrwọnyẹ; ágba nya anyịrẹ nyaa la ohu imiiye da iwo ine kụrụ ịrụ (245).

⁶⁷Ị la anyịrẹ-ịkamẹlụ ohu ine da iwo ịta kụrụ ịrụ (435); ị la ibyiyó ụnọ ịrwọnyẹ da ohu irwiye kụrụ iwo imiiye (6,720).

⁶⁸Ụka ká ala Isirẹlụ nya pwụ ẹga nya Ube nya Amkpaa i-iJerusalẹm lẹ, alegbeju nya ogang ịhyẹ ha ọhaha bwu irya nya ịlaa chajị kị ka kpa ang ịịwa ma ube ịgọgọ nya Ohe Oluhye nwụ rịrị ẹ-ẹga onyogo nyamwụ.

⁶⁹Ị hu ha chajị nya ụkụrwọ ọwẹ jaabwọ ká ọngịrị nyaa la kaka ba. Ilo ọlala nya okpoko ịgọm ịlẹ kị hu ha wuu lala ịnya awụtọọ nya ịrayịsị ịrụ (lala 500 kg). Okpoko onyoowuru wuu la ilo lala ilo nya awụtọọ nya ịrayịsị iwo imiiye da ineku (lala 2,800 kg). Ị ya ịwụrụ ohu ookpokpo ha ká angịkiliya ka kụrụ.

⁷⁰Ụka ọọwa, angịkiliya bala ala iLivayị bala angị du ayịlọ bala angịgbeji bala alụkụrwọ ilube ịgọgọ bala angịhyẹ ẹ-ẹpwụ nya angịkịla kụ epweji-epweji nya ịlaa. Angị ihihi ịkịla nya ala Isirẹlụ wuu kụ epweji-epweji nya ịlaa ịnyịnyị.