Read idege INEHEMAYA 10 Bible Online

INEHEMAYA 10 - idege bible

INEHEMAYA 10

¹Angịlẹ wuu kị yụbwọ ju ụpwụ nya ọnụ ọmyịmyị ọọwa ẹ-ẹpwụ à lẹẹ lẹ: Ọngọ ọhọhẹ ẹ-ẹpwụ nyaa ri iNehemaya ịgọvụnọ nyaa kọ ri ọnyị nya ịHakaliya bala iSedekaya.

²Angịkiliya ri iSeraya bala Asariya bala iJeremaya,

³bala ịPachuu bala Amariya bala ịMalịkija,

⁴bala ịHatuchi bala iChebaniya bala ịMaluchi,

⁵bala ịHarim bala iMeremotu bala Obadaya,

⁶bala ịDanẹlụ bala iGinetọn bala ịBaruku,

⁷bala iMechulam bala Abija bala iMijamin,

⁸bala ịMaasiya bala iBiligayị bala iChemaya.

⁹Ala iLivayị ịlẹ kị yụbwọ ju ụpwụ ẹ-ẹpwụ ri iJechuwa ọnyị nya Asaniya bala iBinuwi kọ bwu ogang nya ịHẹnadadị bala ịKadimẹlụ,

¹⁰bala aanaa ịkịla ịlẹ ká ẹnyị nyaa ri iChebaniya, bala iHodiya bala iKelita bala iPelaya bala ịHanan,

¹¹bala iMika bala iRehọbụ bala ịHachabiya,

¹²bala ịSakuu bala iCherebiya bala iChebaniya,

¹³bala iHodiya bala ịBani bala iBibnuwi.

¹⁴Alegbeju ịlẹ kị yụbwọ ju ụpwụ nya ọnụ ọmyịmyị ẹ-ẹpwụ ri ịParochi bala ịPahatị-imowabụ bala Elam bala ịSatu bala ịBani,

¹⁵bala iBuni bala Asigadị bala iBebayị,

¹⁶bala Adonija bala iBigivayị bala Adin,

¹⁷bala Atẹẹ bala iHesekaya bala Asuu,

¹⁸bala iHodiya bala ịHachum bala iBesayị,

¹⁹bala ịHarifu bala Anatotu bala iNebayị,

²⁰bala ịMagipiyachị bala iMechulam bala iHesii,

²¹bala iMechesabẹlụ bala ịSadọkọ bala ịJaduwa,

²²bala ịPelatiya bala ịHanan bala Anaya,

²³bala iHochiya bala ịHananiya bala ịHachubu,

²⁴bala ịHalohẹchị bal iPiliha bala iChobẹkị,

²⁵bala iRehum bala ịHachabana bala ịMaaseya,

²⁶bala Ahiya bala ịHanan bala Anan,

²⁷bala ịMaluchi bala ịHarim bala ịBaana.

²⁸Ahị ala Isirẹlụ wuu tụ angịkiliya bala ala iLivayị bala angịgbeji u-Ube nya Amkpaa bala angị mwu eje bala alụkụrwọ ilube ịgọgọ bala ịhụ bala anjwo nyahị ịlẹ kị nwa ọ-ka wo ẹla lẹ, bala angịkịla ịlẹ wuu kahị ju ihi nya Ohe Oluhye chị ịlọhị ebwo hi angga ị-jẹ Ohe-ka ịlọpyị nyahị jam ẹgẹlẹ.

²⁹Ahị wuu jam yọnụ dawụlẹ bala alegbeju nyahị nwa iro nyori ahị ka ju ihi nya Ehile nya Ohe Oluhye ọlẹ kọ ya ha iMosisi ọnchẹ nyamwụ. Ahị myị ọnụ nyọka họ ang myị angị ịlẹ ká Amkpaa Ọngọlahị dahị ehile nyọka họ bala ọ-ba ọmẹjẹ nyamwụ jẹ wuu. Ó-ri kahị bịrị iro ọlẹ kahị lẹẹ nwa aalẹ, ọlọ nya Ohe Oluhye ā wuhi.

³⁰Ahị myị ọnụ nyori áhị ka ya anyị anyang nyahị ha alụma ịkịla ịlẹ kị kụ am̀ ọ-ọpyị nyahị ye ka. Áhị tịtị ka ye ịhụ bwu ẹpwụ nyaa ka ịnyịnyị.

³¹Ó-ri ká alụma ịkịla ịwẹ-ẹ́ kpa ambakpa lee ang nya ọhị ụma ịkịla wahị nyọka ra Ẹnụtụrụ Ọhịnyọ Lụkụrwọ lee ẹnụ ọlịgọgọ ọkịla, áhị ka ra ka. Ẹka ọharwiye ọnyị myị ọnyị, ahị ka pẹhi ọpyị nya ẹrụ nyahị deeji bala ọ-ka bahi uri ọnyị myị ọnyị kị kpahị.

³²Ẹka myị ẹka, ahị nyẹ ẹpwa la ịtọrọ nya okpoko onyoowuru nyọka kpa họ ụkụrwọ ọlẹpwụ nya Ube nya Amkpaa.

³³Okpoko ọọwa ị ka kpa nwụ uri nya ịkaa ọlịgọgọ bala iya nya ajẹ nya ang-ẹrụ ọlẹnụ myị ẹnụ bala iyo ikiliya ọ-rụ ila ọlẹnụ myị ẹnụ bala iya nya Ẹnụtụrụ Ọhịnyọ Lụkụrwọ bala ịnya ọhụhụ nya Ọya Onyeewe bala ịnya ọhụhụ ịkịla bala iya ọ-hụ́ ọhọbịrị nya ala Isirẹlụ bala ang datị-datị ịlẹ kị baba u-Ube nya Amkpaa lẹ.

³⁴Ahị alụma bala angịkiliya bala ala iLivayị ka da iwo, chajị kahị ka jẹ ogang-ogang ịlẹ kị ka mwụ ịwụ ụka datị-datị ẹ-ẹpwụ nya ẹka nyọka kpa kịla iya ha Amkpaa Ohe Oluhye nyahị jaabwọ ká Ehile ya.

³⁵Ahị myị ọnụ nyọka kpa ọhaha nya ang-ẹrụ inyeewe bala egbe nya ekeji ịgaga nya ọgbanyẹ kele ka Ube nya Amkpaa.

³⁶Ahị myị ọnụ nyọka kpa anyị alẹng nya ọgbanyị nyahị kịla angịkiliya ka Ube nya Amkpaa kị ka ya ha Ohe Oluhye jaabwọ ká Ehile ya. Ahị ka kpa anyị nya ọgbanyẹ nya ịna bala ịkpịlọ bala imbiri nyahị kele ịnyịnyị.

³⁷Ahị ka kpa ọrụ nya ajẹ nya ang-ẹrụ ọlẹ kịị họ ịkaa nya ọgbanyẹ kịla angịkiliya ẹka myị ẹka tụ ajẹ nya ang-ẹrụ ịkịla bala egbe nya ekeji datị-datị bala ere onyeewe bala ida nya olivu. Ahị ka ya ebwo ookpoko ẹ-ẹpwụ nya iwo nya ang-ẹrụ nyahị ha ala iLivayị kịịwa-à ri angị kaa ye ọhaha nya ebwo ookpokpo ẹ-ẹpwụ nya iwo bwu epweji ịlọka nyahị wuu.

³⁸Angịkiliya ịlẹ kị ri anyị ịtụma nya Erọn ka juwa ta ala iLivayị ụka kị ka ye ọhaha ọwẹ. Ụka kị ye kpá, ala iLivayị ka hu ebwo ookpokpo ẹ-ẹpwụ nya iwo nya ọhaha ọlẹ kị ye-è wẹ wuu kpa kaka ju e-ebe ị-ya ang guru ịlẹpwụ nya Ube nya Amkpaa.

³⁹Ala Isirẹlụ bala ala iLivayị ka kpa ọhaha nya ambakpa bala ere bala ida nya olivu kele ka ebe ị-ya ang guru ẹga ká ịja ilube ịgọgọ ji bala ẹga ká angịkiliya ịlẹ kị ji ụkụrwọ bala angịgbeji bala angị mwu eje ji. Ahị myị ọnụ nyori áhị ka nyẹẹkpẹ da ube nya Ohe Oluhye nyahị ka.