Read idege INEHEMAYA 11 Bible Online

INEHEMAYA 11 - idege bible

INEHEMAYA 11

¹Ụka ọọwa, angị ri alegbeju wuu kụ i-iJerusalẹm. Ọọwa, angị ihihi a da iwo kị ka chụ ugbiyegu ookpokpo bwu ẹpwụ nya ebwo nya ugbiyegu iwo ọnyị myị ọnyị kpa kaka kụ iJerusalẹm lẹlẹ. Angị ihihi ịkịla wuu ka kụ epweji ịtụka bala ichiche ịkịla.

²Ụka ọọwa, angị ihihi ịkịla ịwẹ mịla oja ha angịlẹ kị myị ọnụ nyọka kele ka kụ i-iJerusalẹm.

³Ụ-ụwa e-epweji ịtụka bala ichiche ịkịla lẹ, ala Isirẹlụ ịhyẹ tụ angịkiliya bala ala iLivayị bala alụkụrwọ ilube ịgọgọ bala anyị ịtụma nya anchẹ nya ịSolomọn anyị wuu kụ ọ-ọpyị nya ụbwọ nya ịlaa. Ọlẹ ri ẹnyị nya alegbeju ị-kụ ịlahị nya ala iJuda ịlẹ kị kụ iJerusalẹm.

⁴Angị bwu imwawụ nya iJuda ri Athaya ọnyị nya Usiya ọnyị nya ịSẹkaraya. Adamwụ igogo ịkịla ri Amariya bala ịChẹfatiya bala ịMahalaẹlụ. Angịwẹ ri anyị ịtụma nya ịPẹrẹsị.

⁵ỊMaaseya ọnyị nya ịBaruku ọnyị nya iKoluhose. Adamwụ igogo ịkịla ri ịHasaya bala Adaya bala iJoyaribu bala ịSẹkaraya. Angịwẹ wuu ri anyị ịtụma nya iChela ọnyị nya iJuda.

⁶Anyị ịtụma nya ịPẹrẹsị ịlẹ kị kụ i-iJerusalẹm wuu la angị ohu ine da angị iwo ịrwọnyẹ kụrụ ineku (468). Ịwa wuu ri angị la kpịra-kpịra ịlahịchịng-ịlahịchịng.

⁷Angị bwu imwawụ nya iBenjamịn ri ịSalu ọnyị nya iMechulam ọnyị nya iJowẹdị. Adamwụ igogo ịkịla ri ịPẹdaya bala iKolaya bala ịMaaseya bala Itiyẹlụ bala iJechaya.

⁸Angị ba ịSalu ba ri ỊGabayị bala ịSalayị. Angị bwu imwawụ nya iBenjamịn ịlẹ kị kụ iJerusalẹm wuu la angị ohu ihikichu da angị iwo imiiye kụrụ ineku (928).

⁹IJuwẹlụ ọnyị nya iSikiri a ri olegbeju nyaa lẹ. IJuda ọnyị nya ịHasẹnụwa a ri olegbeju ọ-ba olegbeju ọgbahị ba e-epweji ọwẹ lẹlẹ.

¹⁰Angịkiliya ri iJedaya iJoyaribu bala ịJakin,

¹¹bala iSeraya ọnyị ọnyị nya iHilikaya ọnyị nya iMechulam. Adamwụ igogo ịkịla ri ịSadọkọ bala iMerayotu bala Ahitubu ọlẹ kọ ri olegbeju okiliya.

¹²Alogang ọlẹ wuu la angị ohu ineku da angị iwo ịmiiye kụrụ imiiye (822) kị kaa họ ụkụrwọ u-ube ịgọgọ. Adaya ọnyị nya iJeroham ọnyị nya iPelaliya. Adamwụ igogo ịkịla ri Amsi bala ịSẹkaraya bala ịPachu bala ịMalụckija

¹³Angị ri alegbeju nya ugbiyegu datị-datị bwu ogang ọlẹ la angị ohu imiiye da iwo ine kụrụ imiiye (242). Amachisayị ọnyị nya Asarẹlụ ọnyị nya Ahisayị. Adịda igogo nyamwụ ịkịla ri iMechilemotu bala Imẹẹ.

¹⁴Angị ohu da iwo imiiye kụrụ ineku (128) bwu ogang ọlẹ ri angịdẹwụ ịlahịchịng-ịlahịchịng. Olegbeju nyaa-à ịSabidẹlụ ọlẹ kọ bwu ugbiyegu ọgbẹgbịlẹ[4] lẹ.

¹⁵Ala iLivayị ri iChemaya ọnyị nya ịHachubu ọnyị nya Asirikam. Adamwụ igogo ịkịla ri ịHachabiya bala iBuni.

¹⁶ỊChabetayi bala iJosabadị kị ri alegbeju nya ala iLivayị ịlẹ kịị họ ụkụrwọ odehe nya ube ịgọgọ.

¹⁷Angịkịla ri ịMataniya ọnyị nya iMika ọnyị nya ịSabidi ọnyị ọtụma nya Asafụ. Ọwa à ri olegbeju ọ-kpa ịlahị nya eje omwumwu bala obe ojiji u-ube ịgọgọ lẹ. ỊBakịbukiya kọ ri ọngọ ba ịMataniya ba juwa ịnyịnyị, bala Abuda ọnyị nya ịChamuwa kọ ri ọnyị ọtụma nya ịGalalụ ọlẹ ká adamwụ ri iJedutun.

¹⁸Ala iLivayị ịlẹ wuu kị kụ iJerusalẹm epweji ọlịgọgọ la angị ohu imiiye da angị iwo ineku kụrụ ine (284).

¹⁹Angịgbeji u-ube ịgọgọ ri Akubu bala ịTalịmọn bala aanaa. Ịwa wuu la angị ohu da angị iwo irwiye kụrụ imiiye (172).

²⁰Angị ihihi nya ala Isirẹlụ bala angịkiliya bala ala iLivayị wuu kụ ọ-ọpyị nya ụbwọ nya ịlaa e-epweji ịtụka bala ichiche ịlọpyị nya iJuda.

²¹Ma, alụkụrwọ ilube ịgọgọ kụ ụpa nya iJerusalẹm ọlẹ kị wụrụ Ọfẹlụ. ISiha bala iGichipa a ri alegbeju nyaa ụ-ụwa lẹ.

²²Olegbeju ọgbahị nya ala iLivayị ọlẹ kọ kụ i-iJerusalẹm à ri Usi ọnyị nya ịBani ọnyị nya ịHachabiya lẹ. Adamwụ igogo ịkịla ri ịMataniya bala iMika. Ọ bwu ogang nya Asafụ. Alogang nyaa a ri angị kaa mwu eje u-ube ịgọgọ lụka nyaa lẹ.

²³Adịrahụ da ehile neeji jaabwọ ká alogang ọwẹ ka họ ụkụrwọ nyaa olube ịgọgọ hi ụbwọ hawụlẹ ẹnụ myị ẹnụ.

²⁴ỊPetaliya ọnyị nya ịMẹchẹsabẹlụ ọlẹ kọ bwu ogang nya ịSẹra i-imwawụ nya iJuda à ri ọlẹrụ nya Adịrahụ nya iPechiya u-uhye nya ẹla myị ẹla ọlẹ kọ gu ala Isirẹlụ lụka ọọwa lẹ.

²⁵Angịnyị lụmẹ-lụmẹ kụ e-epweji ịtụka ịlẹ ká ịpyị nya ẹrụ nyaa ji baa ba. Angịhyẹ nya ala iJuda kụ e-epweji nya iKiriyatị-aba bala iDibọn bala iJekabusiili bala epweji ichiche i-ju ịtụka chwẹẹ ịnyịnyị.

²⁶Ẹga ịkịla ịlẹ kị kụ ịnyịnyị ri epweji nya iJechuwa bala iMolada bala ịBẹtịpẹlẹtị

²⁷bala ịHasachuwalụ bala iBiyẹchẹba tụ epweji ịdagaga jwoo wuu.

²⁸Ị kụ e-epweji nya iSikilagị bala iMekona bala epweji ichiche nyamwụ wuu

²⁹bala Ẹnrimọn bala iSora bala ịJamutu.

³⁰Ị kụ ịSanowa bala Adulam tụ epweji ichiche ị-baa ba bala ịLakichi tụ ẹrụ ị-baa ba ịnyịnyị. Ị kụ Aseka bala epweji ichiche nyamwụ ịnyịnyị. Ọọwa ri ẹga ká ala iJuda kụ ji apewa nya iBiyẹchẹba e-edii bala ọkpọọ nya iHinọm ẹ-ẹtẹ.

³¹Alimwawụ nya iBenjamịn kụ ị-ịGẹba bala iMikimachị bala Ayị bala ịBẹtẹlụ bala epweji ị-ba ụwa ba.

³²Angịkịla nyaa kụ Anatotu bala ịNọbụ Ananiya

³³bala ịHasọ bala ịRama bala iGitayim

³⁴bala ịHadidi bala iSeboyim bala iNebalati

³⁵bala ịLọdụ bala Ọnọ bala ọkpọọ nya angị họ ang ịbańg.

³⁶Ebwo nya ala iLivayị ịhyẹ ịlẹ kị kụ i-iJuda tị lẹ, ị ya ẹga haa ịwa kụ ta ala iBenjamịn.