Read idege INEHEMAYA 12 Bible Online

INEHEMAYA 12 - idege bible

INEHEMAYA 12

¹Ẹnyị nya angịkiliya bala ala iLivayị ịlẹ kị bajẹ nyà bala iSerubabẹlụ ọnyị ọlẹng nya iChiyalutiyẹlụ bala iJechuwa ri iSeraya bala iJeremaya bala Ẹsịra,

²bala Amariya bala ịMaluku bala ịHatuchi,

³bala iChekaniya bala iRehum bala iMeremotu,

⁴bala Ido bala siGinetọn bala Abija,

⁵bala iMijamin bala iMaadiya bala iBiliga,

⁶bala iChemaya bala iJoyaribu bala iJedaya,

⁷bala ịSalu bala Amọkụ bala iHilikaya bala iJedaya. Angịlẹ kị ri alegbeju nya angịkiliya bala aanaa ịkịla ụka ká iJechuwa jam ri olegbeju wẹẹ.

⁸Angịlẹ kị ri alimwawụ nya iLivayị ri iJechuwa bala iBinuwi bala ịKadimẹlụ bala iCherebiya bala iJuda bala ịMataniya. Angịwẹ bala aanaa-à ri alegbeju nya eje omwumwu ọ-kpa ji obe lẹ.

⁹ỊBakibukiya bala Uno bala ala iLivayị aanaa ịkịla kaa godayị jahị daa nyọka myị eje taa.

¹⁰IJechuwa ri adịda nya iJoyakim ọlẹ kọ ma Eliyachibu adịda nya iJoyada.

¹¹iJoyada ri adịda nya iJonatan ọlẹ kọ ma ịJaduwa.

¹²Lụka ọlẹ ká iJoyakim ri Olegbeju Okiliya, angịlẹ kị ri alegbeju nya ogang datị-datị nya angịkiliya ri iMeraya kọ ri olegbeju nya ogan nya iSeraya. ỊHananiya ri olegbeju nya ọgang nya iJeremaya.

¹³IMechulam ri olegbeju nya ogang nya Ẹsịra, iJehohanan ri olegbeju nya ogang nya Amariya.

¹⁴IJonatan ri olegbeju nya ogang nya ịMaluku, iJosẹfụ ri olegbeju nya ogang nya iChebaniya.

¹⁵Adina ri olegbeju nya ogang nya ịHarim, iHelikayị ri olegbeju nya ogang nya iMerayotu.

¹⁶ỊSẹkaraya ri olegbeju nya ogang nya Ido, iMechulam ri olegbeju nya ogang nya iGinetọn.

¹⁷ISikiri ri olegbeju nya ogang nya Abija, ọngọhẹ[5] ri olegbeju nya ogang nya iMiniyamin, iPilitayị ri olegbeju nya ogang nya iMowadiya.

¹⁸ỊChamụwa ri olegbeju nya ogang nya iBiliga, iJehonatan ri olegbeju nya ogang nya ịChemaya.

¹⁹ỊMatẹnayị ri olegbeju nya ogang nya iJoyaribu, Usi ri olegbeju nya ogang nya ịJẹdaya.

²⁰ỊKalayị ri olegbeju nya ogang nya ịSalu, Ẹbẹẹ ri olegbeju nya ogang nya Amọkụ.

²¹ỊHachabiya ri olegbeju nya ogang nya iHilikaya, iNetanẹlụ ri olegbeju nya ogang nya iJedaya.

²²Lụka nya oyi nya Eliyachibu bala iJoyada bala iJohanan bala ịJaduwa kị ri alegbeju ikiliya, ị da ẹnyị nya alegbeju nya ugbiyegu nya angịkiliya tụ ịnya alegbeju nya ugbiyegu nya iLivayị ju. Ị da ẹnyị ịịwa ju gbee da ka ụka kị́ ịDarịyọsị ri adịrahụ ọtụka nya ala iPechiya.

²³Ị da ẹnyị nya alegbeju nya ugbiyegu nya ala iLivayị wuu ụ-ụpwụ nya Ego gbee da ka ụka nya iJonatan ọnyị ọtụma nya Eliyachibu olegbeju okiliya.

²⁴Alegbeju nya ala iLivayị ri ịHachabiya bala iCherebiya bala iJechuwa ọnyị nya ịKadimyẹlụ. Ịwa bala aliko nyaa godayị jahị da ala iLivayị ịkịla ịlẹ kị chụ kụ ebwebweebwo juwa gwogbo ha Ohe Oluhye hi ọnụ ha awụlẹ jaabwọ ká iDevidi Adịrahụ ọngịnyị nya Ohe Oluhye mẹjẹ neeji.

²⁵ỊMataniya bala ịBakibukiya bala Obadiya bala iMechulam bala ịTalụmọn bala Akubu ri angị gbe ebe ị-ya ang guru ị-ba ọnang nya Ube Ịgọgọ ba.

²⁶Angịwẹ wuu họ ụkụrwọ lụka nya iJoyakim ọnyị nya ọlẹ ká adamwụ ọgbahị ri iJosadakị bala lụka nya iNehemaya ịgọvụnọ bala lụka nya Ẹsịra ọngọkiliya to tị ri ọngọ mẹ Ehile nya iMosisi jẹ ịnyịnyị.

²⁷Ụka kị juwa ka chị ịgọgọ ju ugulọ nya iJerusalẹm, ị kpa ala iLivayị bwam-bwale nya ẹga kị kụ wuu wẹ iJerusalẹm wẹ ọhụhụ ọọwa. Ị ka juwa ọ-ọhụhụ nya ọkẹkẹnị ọwẹ nyọka mwu eje nya obe ojiji bala ọ-ka du ịchẹchẹ bala ogum̀ bala ẹnwụ.

²⁸Ala iLivayị ịlẹ kị ri angị mwu eje wẹ kaka jịra bwu ẹga kị kụ dagaga ju iJerusalẹm bala epweji ịdagaga ju iNetofa

²⁹bala ịBẹtịgiligalụ bala ịGẹba bala Asimavẹtị. Angị mwu eje ịwẹ lẹẹ nwụ epweji nya ịlaa dagaga ju iJerusalẹm.

³⁰Angịkiliya da ịlọ nya ọcharị-charị hụ ịlaa bala alụma bala igirigba bala ugulọ nya epweji.

³¹Ụka ọọwa, m̄ kpa alegbeju nya ala iJuda kele ka uhye nya ugulọ lẹ, m̄ yaa kpẹhị rịrị iru nya ebwo imiiye ịlẹ kị ka chẹwụ dagaga ju epweji juwa ji Ohe Oluhye obe lẹlẹ. Ebwo ọhẹ chẹwụ ka edii yahị da ka Ogirigba nya Ọtụwụụ.

³²Ọọwa, iHochaya bala ẹhya alegbeju nya ala iJuda ịkịla à chẹwụ taa da lẹlẹ. Alegbeju ịịwa ri

³³Asariya bala Ẹsịra bala iMechulam bala

³⁴iJuda bala iBenjamịn bala iChemayị bala iJeremaya

³⁵bala angịkiliya ịhyẹ ịlẹ kịị chị ẹkụrwẹ ká ẹnyị nyaa ri ịSẹkaraya ọnyị nya iJonatan ọlẹ ká adamwụ ọgbahị ri iChemaya. Ẹnyị nya adamwụ igogo ịkịla ri ịMataniya bala iMikaya bala ịSakuu kị bwu ogang nya Asafụ.

³⁶Aanịna nya ịSẹkaraya ịlẹ kị taa da ri iChemaya bala Asarẹlụ bala iMilalayị bala iGilalayị bala ịMaayị bala iNetanẹlụ bala iJuda bala ịHanani. Ịwa wuu kpa ang i-du ayịlọ ịlala ịnya iDevidi Adịrahụ ọngịnyị nya Ohe Oluhye. Ẹsịra ọngọ mẹ Ehile jẹ à kpa ogu ọwẹ jilahị lẹ.

³⁷Ụka kị pwụ Ogirigba nya Ụgbụ nya Enyi, i wule apatẹ ịlẹ kị chị kele ka Epweji nya iDevidi. Ị jẹ kpoye nya ẹpwa nya iDevidi lẹ, ị yoko myọọ kele kaka ju ka Ogirigba nya Enyi koye nya ọmwẹnụ-ụtụrụ lẹlẹ.

³⁸Ebwo oheeye nya angị juwa ji Ohe Oluhye obe jẹ yahị da ka ụpụpịla. M̀ taa da bala ẹhya ohihi nya angịnyị juwa jẹ dagaga ju ugulọ. Ahị jẹ gbee kahị kpoye nya Ube Oluhye nya Utiyo lalaala ka pwụ Ugulọ Ọgbamgbam.

³⁹Ahị kpoye kele ka Ogirigba nya Ifurem bala Ogirigba nya iJechana bala Ogirigba nya Iyenyi bala Ube Oluhye nya ịHananẹlụ bala Ube Oluhye nya Angị Ohu kele kaka pwụ Ogirigba nya Ịkpịlọ. Ọọwa, ahị ya ẹdịyẹ nyahị cheji Ogirigba nya Angịgbeji lẹlẹ.

⁴⁰Ebwo imimiiye ịwẹ kị wẹ ji Ohe Oluhye obe jẹ kaka pwụ ẹga nya Ube nya Amkpaa. Am bala alegbeju ịlẹ kị juwa tam jẹ kaka pwụ ụwa ịnyịnyị

⁴¹bala angịkiliya ịlẹ kị juwa chị ẹkụrwẹ ká ẹnyị nyaa ri Eliyakim bala ịMaaseya bala iMiniyamin bala iMikaya bala Eliyonayị bala ịSẹkaraya bala ịHananiya.

⁴²Angị mwu eje ịlẹ kị juwa ịnyịnyị ri ịMaaseya bala iChemaya bala Eliyesa bala Usi iJehohanan bala ịMalụkija bala Elam bala Ẹsẹẹ. IJesirahiya-à ri olegbeju juwa kpaa mwu eje ọtụka-ọtụka lẹ.

⁴³Ẹnụtụrụ ọọwa, ị kịla lụmẹ-lụmẹ. Ọng myị ọng wuu chị ọkẹkẹnị, chajị Ohe Oluhye họ ká ọkịlẹtụ kpaa nyịị. Anyang bala anjwo juwa ẹ-ẹpwụ nya ọhụhụ nya ọkẹkẹnị ọwẹ ịnyịnyị. Angịnyị wo iru nya ọkẹkẹnị ọchịchị nyaa ọwẹ pwụ ẹga ọhwẹ̀ẹẹ.

⁴⁴Ẹnụ ọọwa, ị chụ alẹng ịlẹ kị ka kpẹhị rịrị ẹpwang ịlẹ kị ri ẹga ọ-yang guru ẹga kịị ya ọhaha guru bala ọhaha nya ang-ẹrụ inyeewe bala ịnya ebwo ookpokpo ẹ-ẹpwụ nya iwo. Angịịwa ri angị ka tụ ang-ẹrụ ịwẹ guru bwu ẹrụ datị-datị ha angịkiliya bala ala iLivayị jaabwọ ká ehile ya, chajị ụkụrwọ nya angịkiliya bala ala iLivayị kpụ ala iJuda wuu ịpyọ.

⁴⁵Ị họ ụkụrwọ nya ọhọhọ nya ọcharị-charị ọlala bala ụkụrwọ ịkịla jaabwọ ká Ohe Oluhye ya. Angị mwu eje bala angịgbeji họ ụkụrwọ nyaa ịnyịnyị jaabwọ ká ehile nya iDevidi bala iSolomọn ọnyị nyamwụ ya nyị họ.

⁴⁶Lụka ogbalẹ-gbalẹ nya oyi nya iDevidi Adịrahụ bala Asafụ ọ ri ọhọhọ nyọkaa chụ alegbeju ịkpẹhị rịrị eje omwumwu gwogbo bala o-ji Ohe Oluhye obe.

⁴⁷Ọlẹẹlẹẹ kọ ri ụka nya iSerubabẹlụ bala iNehemaya wẹẹ, ala Isirẹlụ kaa kpa ang oriri nya ahyẹẹnụ ọnyị myị ọnyị wẹ angị mwu eje bala angịgbeji ilube ịgọgọ. Ịị hu ebwo ọdatị-datị ha ala iLivayị. Ọọwa, ala iLivayị à tịtị kaa ya ebwo ọlẹ kị hunọ nya angịkiliya anyị ịtụma nya Erọn haa lẹlẹ.