Read idege INEHEMAYA 7 Bible Online

INEHEMAYA 7 - idege bible

INEHEMAYA 7

¹Ụka ohyẹẹkpẹ, ị me ugulọ dagaga ju wuu kpá bala ọ-ya ekpileku ku ogirigba ịlụwa. Ị chụ angịgbeji bala angị mwu eje bala ala iLivayị ịkịla, ya ụkụrwọ nya ọngọngọọng jwaa ụ-ụbwọ.

²Ụka ọọwa, m̀ chụ ịHanani ọnyịnam ọlẹng bala ịHananiya kọ ri olegbeju ẹga ọ-chị ajẹ ju kị ka kpẹhị rịrị epweji nya iJerusalẹm. ỊHananiya ayịdang ri ọngọ ju ọdahịhile. Ọngọ ju uhi nya Ohe Oluhye lala ọwa-á ji ka.

³Ọọwa, m̄ byaa yẹkẹẹ, “Anụ tụụbwọ hi ogirigba ilepweji nya iJerusalẹm da dodo ụka ọhẹ-lọhẹ ka gbee pwụ ụka ká ẹnụ ka rịrị ọ-ọchangịrị ene. Angịgbeji-í juwa ji, ị ka taa ku, jwaa odo. Anụ-ụ̀ chụ ala iJerusalẹm ịhyẹ kị ka gbeji ẹ-ẹga datị-datị bala ọ-ka kụ keee juwa gbe oye nya ẹpwa nyaa ịnyịnyị mẹ.”

⁴Epweji nya iJerusalẹm ri ọtụka, ju ẹpwụ gbamgbam. Angị kụ ụwa tị la wure-wure. Ẹpwa ịmanyị-ịmanyị à juwa leng-leng-leng lẹ.

⁵Ụka ọọwa, Ohe Oluhye jum irya nyọka wụrụ alụma bala ịbagọ tụ alegbeju nyaa wuu guru, chajị nyọka wula ọdaju nya ego nya ugbiyegu nyaa yẹ. Ọọwa, m̄ yẹ ụpwụ ọlẹ kị da ẹnyị nya angị nyà bwu ọnyọhị nya ọgbanyẹ-ọgbanyẹ lẹlẹ. Ẹla ọlẹ kị da ụ-ụwa à lẹẹ lẹ:

⁶Ọlẹ ri ẹnyị nya ala iJuu ịlẹ kị nyà bwu ọnyọhị oriri ị-ịBabịlọn wẹ epweji nya ịlaa datị-datị i-iJerusalẹm bala iJuda. Ị-ịBabịlọn alugbiyegu nyaa-à kụ bwu ụka-ụka ká iNebukadinesa Adịrahụ waa kpa rụ ka ụwa lala alagba lẹ.

⁷Alegbeju ịlẹ kị kpaa kụ ịlahị nya ọnyanya ri iSerubabẹlụ bala iJechuwa bala iNehemaya bala Asariya bala ịRaamiya bala ịNahamanị bala oModekayị bala iBilichan bala iMisipẹrẹtị bala iBigivayị bala iNehum bala ịBaana.

⁸Ẹnyị nya ogang datị-datị nya ala Isirẹlụ bala ịnọmba nya angịlẹ kị nyà bwu ụwa-à lẹẹ lẹ: alogang nya ịParochi la angị ụnọ imiiye da ohu da angị iwo irwiye kụrụ imiiye (2,172),

⁹Alogang nya iChefatiya la angị ohu ịta da angị iwo irwiye kụrụ imiiye (372),

¹⁰Alogang nya Ara la angị ohu ịrwọnyẹ da angị iwo ịrụ kụrụ imiiye (652),

¹¹Alogang nya ịPahatị-imowabụ ịlẹ kị ri anyị ịtụma nya ịJechuwa bala iJowabụ la angị ụnọ imiiye ohu ineku da angị iwo kụrụ ineku (2,818),

¹²Alogang nya Elam la angị ụnọ ookpokpo da ohu imiiye da angị iwo ịrụ kụrụ ine (1,254).

¹³Alogang nya ịSatu la angị ohu ineku da iwo ine kụrụ ịrụ (845),

¹⁴Alogang nya ịSakayị la angị ohu irwiye da iwo ịrwọnyẹ (760),

¹⁵Alogang nya ịBinuwi la ang ohu ịrwọnyẹ da angị iwo ine kụrụ ineku (648),

¹⁶Alogang nya iBebayị la angị ohu ịrwọnyẹ da angị iwo imiiye kụrụ ineku (628),

¹⁷Alogang nya Asigadị la angị ụnọ imiiye da ohu ịta da angị iwo imiiye kụrụ imiiye (2,322),

¹⁸Alogang nya Adonikam la angị ohu ịrwọnyẹ da iwo ịrwọnyẹ kụrụ angị irwiye (667),

¹⁹Alogang nya iBigivayị la angị ụnọ imiiye da angị iwo ịrwọnyẹ kụrụ irwiye (2,067),

²⁰Alogang nya Adin la angị ohu ịrwọnyẹ da iwo ịrụ kụrụ ịrụ (655),

²¹Alogang nya Atẹẹ kị ri anyị ịtụma nya iHesekaya la angị iwo ihikichu kụrụ ineku (98),

²²Alogang nya ịHachum la angị ohu ịta da iwo imiiye kụrụ ineku (328),

²³Alogang nya iBesayị la angị ohu ịta da aiwo imiiye kụrụ ine (324),

²⁴Alogang nya ịHarifu la angị ohu da angị iwo kụrụ imiiye (112),

²⁵Alogang nya iGibyọn la angị iwo ihikichu kụrụ ịrụ (95).

²⁶Ẹnyị nya angị nyà ká adaa igogo anyị kụ epweji ịdatị-datị ịlẹ à lẹẹ lẹ: Ala ịBẹtịlẹhẹm bala iNetofa la angị ohu da iwo ineku kụrụ ineku (188),

²⁷Ala Anatotu la angị ohu da iwo imiiye kụrụ ineku (128),

²⁸Ala ịBẹtị-asamavẹtị la angị iwo ine kụrụ imiiye,

²⁹Ala iKiriyatị-ịjarim bala ala iKefira tụ ala iBiyerotu la angị ohu irwiye da iwo ine kụrụ ịta (743),

³⁰Ala ịRama bala ala ịGẹba la angị ohu ịrwọnyẹ da iwo imiiye kụrụ ookpokpo (621),

³¹Ala iMikimachị la angị ohu da iwo imiiye kụrụ ịta (123),

³²Ala ịBetẹlụ bala ala Ayị la angị ohu da iwo imiiye kụrụ ịta (123),

³³Ala iNebo ọkịla la angị iwo ịrụ kụrụ imiiye (52),

³⁴Alala Elam ọkịla la angị ụnọ ookpokpo da ohu imiiye da iwo ịrụ kụrụ ine (1,254),

³⁵Ala ịHarim la angị ohu ịta da iwo imiiye (320),

³⁶Ala iJeriko la angị ohu ịta da iwo ine kụrụ ịrụ (345),

³⁷Ala ịLọọdụ bala ala ịHadidi bala ala Ono la angị ohu irwiye da iwo imiiye kụrụ ookpokpo (721),

³⁸Ala iSenaa la angị ụnọ ịta da ohu ihikichu da angị iwo ịta (3,930).

³⁹Ẹnyị nya alogang nya angịkiliya ịlẹ kị nyà-à lẹẹ lẹ: Alogang nya iJedaya kị ri anyị ịtụma nya iJechuwa la angị ohu ihikichu da iwo irwiye kụrụ ịtụ (973),

⁴⁰Alogang nya Imẹẹ la angị ụnọ ookpokpo da iwo ịrụ kụrụ imiiye (1052),

⁴¹Alogang nya ịPachuu la angị ụnọ ookpokpo da ohu imiiye da iwo ine kụrụ irwiye (1,247),

⁴²Alogang nya ịHarim la angị ụnọ ookpokpo da iwo kụrụ irwiye (1,017),

⁴³Alogang nya ala iLivayị ịlẹ kị nyà-à lẹẹ lẹ: Alogang nya iJechuwa bala ịKadimyẹlụ ịlẹ kị ri anyị ịtụma nya iHodaviya la angị iwo irwiye da angị ine (74).

⁴⁴Alogang nya Asafụ la angị ohu da iwo ine kụrụ ineku (148),

⁴⁵Alogang nya angịgbeji ilube ịgọgọ ịlẹ kị ri anyị ịtụma nya ịChalum bala Atẹẹ bala ịTalụmọn bala Akubu bala ịHatita bala iChobayị la angị ohu da iwo ịta kụrụ ineku (138).

⁴⁶Alogang nya alụkụrwọ ilube ịgọgọ ịlẹ kị nyà-à ri alogang nya iSiha bala ịHachufa bala ịTabawotu

⁴⁷bala alogang nya iKerọsị bala iSiya bala ịPadọn

⁴⁸bala alogang nya iLebana bala ịHagaba bala ịChalụmayị

⁴⁹bala alogang nya ịHanan bala iGidẹlụ bala ịGahaa

⁵⁰iReya bala iResin bala iNekoda

⁵¹bala alogang nya ịGasam bala Usa bala iPasiya

⁵²bala alogang nya iBesayị bala iMewunim bala iNefusim

⁵³bala alogang nya ịBakịbuku bala ịHakufa bala ịHaahu

⁵⁴bala alogang nya ịBasilutu bala iMehida bala ịHaacha

⁵⁵bala alogang nya ịBaakọsị bala iSisẹra bala ịTẹma

⁵⁶bala alogang nya iNesaya bala ịHatifa.

⁵⁷Ẹnyị nya alogang nya anchẹ nya iSolomọn ịlẹ kị nyà ri alogang nya iSotayị bala iSofẹrẹtị bala iPerida

⁵⁸bala alogang nya ịJaala bala ịDaakọn bala iGidẹlụ

⁵⁹bala alogang nya iChefatiya bala ịHatili bala iPokẹrẹtị-ịhasebayim bala Amọn.

⁶⁰Ọtụchawụlẹ nya anyị ịtụma nya alụkụrwọ ilube ịgọgọ bala anchẹ nya iSolomọn ịlẹ kị nyà wuu la angị ohu ịta da iwo ihikichu kụrụ imiiye (392).

⁶¹Angịkịla ịhyẹ nyà bwu epweji nya iTeli-imẹla bala iTeli-ịhaacha bala iKerubu bala Adọn bala Imẹẹ ịnyịnyị. Angịwẹ-ẹ́ tị jẹ ọmwụ nya adaa igogo gbe nyọka mẹjẹ ya ị ri ala Isirẹlụ kpangga ka.

⁶²Ịwa ayịdang bwu ogang nya iDilaya bala iTobiya bala iNekoda. Iru ojuju nyaa wuu la angị ohu ịrwọnyẹ da angị iwo ịrụ kụrụ imiiye (652).

⁶³Angịkịla ịlẹ kị jẹ ọmwụ nya adaa igogo anyị gbe ka a lẹẹ lẹ: angịkiliya ịlẹ kị bwu ogang nya ịHobaya bala ịHakosi bala ịBaasilayị. ỊBaasilayị ọlẹ ya ịlọmwụ wụrụ adamwụ-ẹpwa iBasilayị ọla iGiliyadị ụka kọ ye ọnyị nyamwụ kpá.

⁶⁴Ị wụlayẹ kị ka yẹ ẹnyị nyaa ẹ-ẹpwụ nya apwụ nya ego nya ugbiyegu, ẹnyị nyaa-á tị juwa ka. Lẹẹlẹ, ị́ ya ẹga da haa nyọka ri angịkiliya kaka.

⁶⁵Ịgọvụnọ nya ala iJuu byaa ya nyị ri ang oriri ịlẹ kịị nyị ya kịla iya ha Ohe Oluhye ka gbee da ka ụka kịị nyị ka ye ọngọkiliya ọlẹ kọ ka jẹ-ẹ kpa Urim bala iTumim họ ụkụrwọ nyọka jẹ irya nya Ohe Oluhye ene.

⁶⁶Iru ojuju nya angịlẹ kị nyà wuu la angị ụnọ iwo ine da ụnọ imiiye da angị ohu ịta da iwo ịrwọnyẹ (42,360).

⁶⁷Angịkịla ịlẹ kị juwa ẹ-ẹpwụ nya ọwawa ọwẹ ka ri anchẹ nyaa anyang bala alẹng ịlẹ kị la angị ụnọ irwiye da ohu ịta da iwo ịta kụrụ irwiye (7,337). Ị la angị mwu eje anyang bala alẹng angị ohu imiiye da iwo ine kụrụ ịrụ (245) ịnyịnyị.

⁶⁸Anyịrẹ nyaa la ohu irwiye da iwo ịta kụrụ ịrwọnyẹ (736). Ágba nya anyịrẹ nyaa la ohu imiiye da iwo ine kụrụ ịrụ (245).

⁶⁹Ị la anyịrẹ-ịkamẹlụ ohu ine da iwo ịta kụrụ ịrụ (435) bala ibyiyó ụnọ ịrwọnyẹ da ohu irwiye da iwo imiiye (6,720).

⁷⁰Alegbeju nya ogang ịhyẹ ha ọhaha bwu irya nya ịlaa nyọka kpa nwụ̀ Ube nya Amkpaa me. Ịgọvụnọ ha okpoko onyoowuru ụnọ bala ịja nya okpoko ịgọm iwo ịrụ bala ịwụrụ ohu ịrụ da iwo ịta (530) nya angịkiliya.

⁷¹Alegbeju ịkịla ha okpoko ịgọm ụnọ iwo imiiye (20,000) bala okpoko onyoowuru ụnọ imiiye da ohu irwiye da iwo ịrụ (2,750) chajị nya ụkụrwọ ọwẹ.

⁷²Angị ihihi ịkịla wuu ha ọhaha lokpoko ịgọm ụnọ iwo imiiye (20,000) bala okpoko onyoowuruiwo ịrwọnyẹ kụrụ irwiye nya angịkiliya.

⁷³Ụka ọọwa, angịkiliya bala ala iLivayị bala angị mwu eje bala angịgbeji bala alụkụrwọ ilube ịgọgọ bala ala Isirẹlụ ihihi ịkịla wuu kụ e-epweji-epweji nya ịlaa.