Read idege IJobu 25 Bible Online

IJobu 25 - idege bible

IJobu 25

¹Ụka ọọwa Bildadị ọ la epweji nya Suwa a wẹ yẹkẹẹ,

²“Ohe Oluhye ri olegbeju ọlẹ kọ myị la ọngịrị, Ọ chịla ká angịnyị wuu ka ju uhi nyamwụ, Ọ họ ká okpunyi juwa epwoohe.”

³Ala ịsọja nyamwụ ju iru lụmẹ gbee ọlẹ ká ọngọngọhẹ á ka jẹẹ waa kpá myị ka, Ẹgẹgẹhẹ jam odehe ọlẹ ká ahịgboo nya Ohe Oluhye chị pwụ ka-a?

⁴“Anyị ọngịnyị ehe ká ọnyang kpụ ẹpwụ ma a tị ka jẹẹ ri ọlaabwẹla ọnyịịla ị-ịlahị nya Ohe myị-ị?” “Anyị ọngịnyị ehe a tị ka jẹẹ la cheri-cheri ị-ịlahị nya Ohe Oluhye myị ẹnẹnẹhẹ?”

⁵“Anụ yẹ kpá wẹ, ahịgboo nya ọya á dọmwụ la pwru peru ị-ịlahị nyamwụ ka, lee ịdịchụ ọdọmwụ la cheri-cheri kpwọ ku ịlahị nyamwụ ka lẹẹ wẹẹ.”

⁶“Ka kpịla ọngịnyị ehe kọ lala ugbunjuju ọlẹpwụ nya ohuku kọ ju ẹta ka ju ụbwọ ka, Ịịyẹ ọngịnyị ehe tị ri lee ịyẹ ọ tị kpụ ẹ-ẹga ká Ohe Oluhye ji?”