Read idege IJobu 32 Bible Online

IJobu 32 - idege bible

IJobu 32

¹Chajị nyọlẹ ká iJobu ya ẹla chị ẹta-eji lụmẹ nya ọ ri ọjẹ ká eje nya ang ọtịpyọ ọhẹ á woo ẹ-ẹpwụ ọkịlẹtụ nyamwụ ka lẹ ọọwa họ ká aligu nyamwụ angị ịta ịịlẹ tụ ọnụ nyaa pịrị kem, angị ịwa ri Elifasị bala iBilidadị bala iSofa.

²Ma Elihu ọnyị nya ịBarakẹlụ ọngịnyị nya alepweji nya iBusi ọlẹ kọ ri alụma nya ịRam, wụ ẹjẹ la agbama wuru pwuu jahị da iJobu nya ịlẹhị-ịlẹhị. Chajị ịlẹhị iJobu ya eje rụ ịlọmwụ kọ ọwa mwẹẹkpẹ ri ọlabwẹla ọnyịịla gụ Ohe Oluhye lẹ. Obyi Ohe yẹkẹẹ, Ela nyam hagụ ịnyang chajị ahụ a họ ẹta ọtịpyọ lẹ.

³Agbama nya Ẹlihu wuru pwuu lala ila jahị da aligu nya iJobu angịnyị angị ịta ịwẹ chajị nyọlẹ kị ye ẹla ọhẹ-lọhẹ ka wẹ iJobu ka, ká ịtị ya eje woo nyọka chịkpẹẹ ha ọngịnyị e-ehe ka jẹẹ kpụ Ohe abyị myị kaka, ọlẹ ká aligu ya iJobu á jẹ ẹla gbuu kpụ ịjẹ wọọ ẹla ka a du lẹ.

⁴Chajị nyọlẹ ká Ehihu ri onyjwo gụ angị ịkịla wuu lẹ, ọ godayị gbee ká ọng myị ọng ya ẹla kpá wuu ene ká ọwa ya.

⁵Ụka ká Ehihu yẹ ká alẹng angị ịta ịlẹ á ye ẹlẹhẹhẹ ka kpong-kpong kaka lẹ, agbama nyamwụ a wuru kowu kowu lẹlẹ.

⁶Ẹlihu ọnyị ọlẹng nya ịBarakẹlụ olepweji nya iBusi dọmwụ nya ọ-wẹ iJobu ẹla lẹ, Ị-ịjẹ ẹla tọ ọngọ ọpyịhị ka. “Anụ yẹ mẹẹ, am a ri onyjwo nyanụ wuu ẹpwụ nya ọmama lẹlẹ, anụ tị ri angị gbahị lẹ, chajị nya ọọwa a du kọ lam uhuhi nya ọ ya irya nyam dodehe jenu lẹ.

⁷Ọọwa lẹ mbyi ịlọm yẹkẹẹ, anụ angịgbahị a ya ẹla mẹ, chajị kanụ mẹ ẹla ọjẹjẹ nyanụ jẹ angịkịla mẹ.

⁸Ma tụbwọ ka aalẹ olegu nya Ohe Agụgụ ọlẹ kọ ọ kụ ẹpwụ nya ọngịnyị ọlẹ kọ da ọhụ jwoo a kaa ya ẹla ọjẹjẹ kpori-kpori ha ọngịnyị ehe lẹ. Olegu yẹkẹẹ, olegu ịgọgọ nya Ohe Agụgụ ọlẹ kọ kụ ẹpwụ nya ọngịnyị a kaa da ọhụ nya Ohe Agụgụ jwoo lẹ.

⁹Angịnyị á kaa jẹ ẹla chajị nya ọ nwa ka-a ri angịgbahị, ka lee ọjẹ ang ọlẹ kọ pwoo ku ka.

¹⁰Chajị nya ọọwa lẹ m yẹkẹẹ, anụ ke ụrụ lam mẹ: Kam ya irya nyam jenu ang ọlẹ kam jẹ mẹ.

¹¹“Yẹ mẹẹ, m godayị ke ụrụ gbe ọ ka wo ẹla ọjẹjẹ nyanụ anụ aligu nya iJobu angị ịta ịwẹ ụka kanụ wẹẹ me ịmahị nya ala ịlẹ kanụ ka ya.

¹²M ke ụrụ dụmwọọ kam ka wo jaabwọ kanụ ka da ịwẹẹ ta iJobu u, ka byoo yẹkẹẹ, ala ịwẹ ká wẹ ya á hiigu ka, Lee ọngọlẹ ọ ka wọọ ẹla bwu ẹpwarịrị nyanụ, anụ wọọ ka.

¹³Anụ pịrị ịlọnụ ju, ịwa nyị la ẹla ọjẹjẹ lẹ, Ohe Oluhye nyị tị wẹ iJobu ẹla mẹ, anụ-ụ́ họọ myị kaka.

¹⁴Anụ iJobu a wẹẹ ya ẹla ta lẹ, am koo, am-ḿ tị ka wọọ lala anụ ka.

¹⁵“Ahị haa bwuu, ị́ ye ẹla ya kaka, ẹla gwaa myị gbanggbang lẹ.

¹⁶M ka chajị nyori ịịwa a ye ẹlẹhẹ ka ya kaka, kị hụ ujii godayị laaalẹ chịng lẹ m ka myịmyị-ị̀ godayị tata ene kam ka ya ẹla tang kaka.

¹⁷M ka wẹ ụpa nya ẹla ọlẹ kọ ri oloye nyam am, M tị ka ya ẹla ọlẹ kọ ri irya nyam dodehe gede-gede.

¹⁸M la iru nya ala lụmẹ myị ẹpwụ nyam kam ka ya, lẹ am ka ya ala ịịwa ta ẹpwụ nyam myị kaka.

¹⁹Ala juwa wụ jụm-jụm ẹpwụ nyam lala ere onyeewe ọlẹ kị ya ju ekpem nya ugba nya ịyo, Ori ka iwe a hi ham m ka ya ka tụbwọọ aalẹ, ẹpwụ nyam juwa ka bene laa hụrụ lẹ.

²⁰M̀ ka ya ẹla chajị ká ịnyịrọ ka dam chaa, anụ bà kam wẹ ẹla mẹ.

²¹Ḿ ka ya ẹla chị oku ju ọngọhẹ datị ka, ḿ ká ya ẹla mwụ ọngọhẹ ju kọ la ịlọmwụ kwiti-kwiti ka.

²²Ḿ jẹ jaabwọ kịị mpa ọnụ mwụ ọngịnyị ju ka, ḿ họ ịnyị Ohe Oluhye ya ang gum oji da ka ọka.