Read idege EJE ỌNYỊỊLA 1 Bible Online

EJE ỌNYỊỊLA 1 - idege bible

EJE ỌNYỊỊLA 1

¹Ànụ yẹ ọngọhẹ ọlẹ kọọ ba ọmẹjẹ nya angị họ ang onyobyi jẹ ka, kọọ ji ogu ta angị họ ang ọtịpyọ ka, kọọ yẹjula angị ya ẹhị da Ohe Oluhye bwee ka-á? Ịnya ọngọ lịnyị pyẹ̀ẹẹ họọ lẹ!

²Ọngọọwa kaa ba ehile ọlẹ ká Amkpaa da jẹ, juwa kpụ ịlọmwụ ịtịya nyamwụ ụka wuu.

³Ịnyamwụ há họọ lala okoji ọlọnụ nya ogo ọlẹ kọọ nwụ egbe lụka opwoku, ká apwụ nyamwụ kaa jú ụka wuu. Ịnyịnyị-ịnyịnyị ọngọọwa-à kaa kịlahị ẹ-ẹpwụ nya ang myị ang ọlẹ kọọ họ lẹ.

⁴Ịnya angị họ ang onyobyi-í tị lịnyị ka. Ị́ ju apyobwuna ka lala ewoo nya ang ịlẹ ká igbachịwụ kaa go hụrụ.

⁵Ị́ ka jẹ-ẹ̀ be hi eje ọlala nya Ohe Oluhye myị ka. Ị́ ka jẹ-ẹ̀ yẹjula angị họ ang ọnyịịla myị ka.

⁶Anụ tị́ jẹ lẹ, Amkpaa kaa gbe angị kaa họ ang ọnyịịla, angị họ ang onyobyi tị ka ta ayịreji.