Read idege EJE ỌNYỊỊLA 11 Bible Online

EJE ỌNYỊỊLA 11 - idege bible

EJE ỌNYỊỊLA 11

¹M̀ dahịhile Amkpaa kọ ka chẹwụ kem. Lẹẹlẹ, ányị tị́ du ká byim ya, “Bà kwẹẹkwẹẹ ka ọgbọdọ lala ọchịnụ,

²chajị alọkwọ chụ eda nyaa da u-uhye, ị ya ịcha kụ eda kị ka da bwu ẹpwụ nya ukpowu kaka chị alabwẹla ọnyịịla lẹ.

³Ụka ká alabwẹla onyobyi-í bịrị ọhọhọ ọnyị myị ọnyị ịnyị, ịyẹ alabwẹla ọnyịịla-à tị́ ka jụ họ myị?”

⁴Amkpaa juwa u-ube ịgọgọ nyamwụ. Ẹchị-adịrahụ nya Amkpaa ji epwoohe. Ọ yẹ angịnyị ehe wuu, ọ jẹ ang myị ang ọlẹ kịị họ.

⁵Amkpaa kaa wụla alabwẹla ọnyịịla bala alabwẹla onyobyi yẹ rige-rige. Alabwẹla onyobyi wọọ ẹjẹ ọọ-la imajẹ nyaa.

⁶Ọ ka do awụrụ-ila bala ẹlẹlẹ-ila, bala ẹlẹlẹ-ila ịlịgọm-ịgọm i-nyi oru ọtịpyọ kụrụ alabwẹla onyobyi. Ọ ka kpa igbachịwụ ọ-chị ila pwuu yaa akama

⁷Amkpaa ri ọlabwẹla ọnyịịla. Ang ọnyịịla ọhọhọ họ́ọọ. Angị họ ang ọnyịịla ka yọọ lẹhị nya ịlaa.