Read idege EJE ỌNYỊỊLA 110 Bible Online

EJE ỌNYỊỊLA 110 - idege bible

EJE ỌNYỊỊLA 110

¹Amkpaa byi ayịbam yẹkẹẹ, “Hụhụ u-upwuriri nyam ẹga olihi-ihi lẹẹ wẹẹ, kam họ ka kụrụ aluji nyang chẹẹchẹẹ.”

²Amkpaa ka pyẹ ọngịrị nya ọpyị ọkpakpa nyang maaa bwu ịSayọn. A ka ri Adịrahụ nya aluji nyang.

³Ẹnụ ká ka yụbwọ gu aluji nyang, angịnyị nyang ka myịng ẹrụ bwu ọkịlẹtụ nyaa. Ikolobya nyang ka wẹ ka tọng ẹ-ẹpwụ nya ahịgboo nya ọngịrị nyang wuu juwa hụ́ lala amwụ nya ọhyẹnụ-ụnụtụrụ.

⁴Amkpaa nwa iro yẹkẹẹ, “A ka ri ọngọkiliya gbe oyi myị oyi lọgụ-ọgụ nya iMelikisẹdẹkị.” Ọ́ tị ka pyị ọnụ hyọọ kaka.

⁵Ọngọlahị ji upwuriri nyang, ẹnụ kọ ju agbama, ọ ka kpa iru nya ịdịrịhụ ịkịla nọnọ.

⁶Ọ ka yẹ ụma ịkịla akama, nwụ egu nyaa yịrị ẹga yịrị. Ọ ka kụrụ ịdịrịhụ ilodehe wuu.

⁷Adịrahụ ka chị enyi nwa bwu ọ̀bá ọlọnụ ụgbẹyị, ye ọngịrị onyeewe myị. Bwula ịwẹ wuu à du ká adịrahụ ka kụrụ lẹ.