Read idege EJE ỌNYỊỊLA 112 Bible Online

EJE ỌNYỊỊLA 112 - idege bible

EJE ỌNYỊỊLA 112

¹Anụ gwogbo ha Amkpaa! Ọngọlẹ kọ ju ihi nya Amkpaa, kọ kaa ba ehile nyamwụ jẹ wẹẹ, ọngọọwa ka pyẹ̀ẹẹ.

²Anyị nya ọngọ ọnyịịla ọọwa ka la ọngịrị ọtụka ọ-ọpyị nyaa, ị ka pyẹ̀ẹẹ.

³Ugbiyegu nyamwụ ka kpụ ụdụ chakụ-chakụ, Ị ka kpịtịya nya ang ọnyịịla ọhọhọ nyamwụ gbe oyi myị oyi.

⁴Ó-ri ẹpwụ nya ukpowu ri, ahịgboo ka hụ́ ha ọngịnyị ọnyịịla, ee, ahịgboo ka hụ́ họọ ọwa ọngọ kaa yẹ ahyẹẹrwẹrwa, họ ọnahị bala ọ-la kpẹẹkpẹẹ.

⁵Okpunyi kaa ji ha ọlọnahị ọlẹ kọ myị-ị̀ ya ang kpịla angịnyị, kọọ da ọhị nyamwụ ẹ-ẹpwụ nya ẹla nyị ịlẹhị.

⁶Ịngịngịhyẹ-ẹ́ kaa wụ ọngịnyị ọnyịịla ugbe ka, ị ka kpịtịya nyamwụ pyịyọọ.

⁷Oja ọ-byị ụrụ-ụ́ụ̀ chọọ uko ka, ọkịlẹtụ nyamwụ godayị kpọọọ, ọ dahịhile Amkpaa.

⁸Ọ la ahị ọdahile, ọọ ju uhi ka. Ọọ godayị pwụ ọbaba yẹ jaabwọ ká Ohe Oluhye kụrụ aluji nyamwụ họọ.

⁹Ọọ ya ang ga pwụụpwụụ ha angị la ọbaba, ọnahị ọhọhọ nyamwụ ka juwa pyịyọọ. Ọ ka lọngịrị la, ọ ka lihi.

¹⁰Angịnyị inyibyi-í yẹ ọlịịwẹ, ị kaa wọ̀ ẹhị ọ̀mẹ, juwa yọyị imajẹ-imajẹ. Ị ta ayịreji, Ẹhị ọrịrịị-rịrị nyaa ri ododu.