Read idege EJE ỌNYỊỊLA 114 Bible Online

EJE ỌNYỊỊLA 114 - idege bible

EJE ỌNYỊỊLA 114

¹Ẹnụ ká ala Isirẹlụ rụ bwu Ijipiti— ọlẹ ká anyị nya iJekọbụ hẹbịlẹ bwu ọpyị ọlẹ kị ri angga,

²ọpyị nya iJuda yẹ ka ri ẹga kịị gbịgba ha Ohe Oluhye, Isirẹlụ ri ọpyị nya Ohe Oluhye.

³Ihu Oletungkohyo chẹhị yaa, ọ rụ hi eji deeji, Ihu ịJọdan go ba.

⁴Ịgbọdọ gba cheji kwàngkwang lala ịmwụ, ikiti gbajị chirom-chirom lala anyị-ịkpịlọ.

⁵Ihu ee, à tụtụm họ ịnyị wẹẹ-ẹ́? À tị́ rụnyẹ rụ họ ịyẹ? Ahụ ịJọdan, à tị́ kpụba lọmwụmwụ họ ịyẹ họ?

⁶Ya jem wẹẹ, ịgbọdọ, ányị tị́ nya ọ-gba cheji kwàngkwang-ǹg? Anụ ikiti tị bẹẹ? Ọ-gbajị chirom-chirom tị́ ri ányị?

⁷Odehe ee, hụ́ jigi-jigi ụka ká ọngọlahị ju chwẹẹ, i-ijata nya Ohe Oluhye nya iJekọbụ,

⁸ọlẹ kọọ yẹ ẹjwọ la ẹmwụ-enyi, ká enyi-ì dọbá gbụ̀ụ́gbụụ bwu ẹpwụ nya umenjiyo.