Read idege EJE ỌNYỊỊLA 12 Bible Online

EJE ỌNYỊỊLA 12 - idege bible

EJE ỌNYỊỊLA 12

¹Eje Ọnyịịla nya iDevidi ọlẹ kọ da ha olegbeju nya aleje. Ị ka du ẹnwụ ọlẹduru ineku[2] jwọọ. Amkpaa ee, dahị ụbwọ mẹ! Ọngịnyị ọnyịịla ọhẹ-lọhẹ-ẹ́ hi jam kaka, angị la kpẹẹkpẹẹ myị hi odehe lẹ.

²Ọng myị ọng me ọnọọkịla je ọngịnyị ọọnamwụ, juwa kpa ọnụ ọgẹnẹ-gẹnẹ da awụlẹ lụgbaa.

³Amkpaa ee, angị kpa ịnụ nyaa hu angịnyị utungguru tụ angị kpa alalẹ nyaa chị ọgọm, aa hwaa wuu abwọ la ọhọhọ ịịwa.

⁴Ịwa ayịdang yẹkẹẹ, “Ahị ka kpa ọnụ-ọnụ nya ịlọhị kụrụ myị. Ẹlẹlẹ nyahị tị́ ka ale? Oowo tị́ ka chịhị dee myị?”

⁵Ma, Amkpaa tị yẹkẹẹ, “M̀ ka wẹ kaka da ụbwọ ugbẹnyị lẹ, chajị ị juwa tụ alẹbyahị pyịpyị. Angị la angị daa ụbwọ ka juwa mwu eru. Ụbwọ ọdada ọlẹ kị tịtọ lụka ọtata, M̀ ka ya haa.”

⁶Ọnụ ịlẹ ká Amkpaa myị ju ọdahịhile. Ị ri ịlahịchịng lala okpoko onyoowuru ọlẹ kị hya utiyo kị ma hya ugbabwọ irwiye.

⁷Aa chẹwụ keehi mẹ, Amkpaa, keehi hi angịnyị inyibyi.

⁸Alabwẹla onyobyi pyebile yịrị ẹga yịrị, ọng myị ọng mịla oja nya ang-ang onyobyi ọhọhọ.