Read idege EJE ỌNYỊỊLA 124 Bible Online

EJE ỌNYỊỊLA 124 - idege bible

EJE ỌNYỊỊLA 124

¹Ó-ri ká Amkpaa-á ji oye nyahị ka ịnọ bẹẹ? Ala Isirẹlụ ā ya ịịlẹ mẹ,

²“Ó-ri ká Amkpaa ji oye nyahị ka, ịnọ ụka ká aluji nyahị gba mịlaahị lẹẹ,

³ị̄ tị́ ka wuhi mile lahị-lahị ẹ-ẹpwụ nya ikẹjẹ awụrụ ọtụka nyaa lẹ.

⁴Ịnọ enyi ọmyị̀myị tị́ ka goohi kpa rụ lẹ, enyi tị́ ka biriihi hyẹkẹm lẹ,

⁵ịnọ ọhụ́ụ nya enyi nya agbama nya aluji tị́ ka yahị byi enyi lẹ.”

⁶Ogbo ā ri nya Amkpaa ọlẹ kọ ya iwe da aluji nyahị tahị ayịreji ka.

⁷Ahị be jaabwọ ká ọchịnụ kaa be bwu ẹpwụ nya ori nya ọmwụkpẹ, ọri chị eku lẹ, āhị be pwurem lẹẹ lẹlẹ!

⁸Ụbwọ ọdada nyahị bwu ẹga nya Amkpaa ọlẹ kọ họ uhye-ọgba bala odehe. Eje ọ-kpa gbịgba