Read idege EJE ỌNYỊỊLA 13 Bible Online

EJE ỌNYỊỊLA 13 - idege bible

EJE ỌNYỊỊLA 13

¹Eje Ọnyịịla nya iDevidi ọlẹ kọ da ha olegbeju nya aleje. Amkpaa ee, Ányị ā tị́ ka kịnyaa la odeeri nyam tata ka ba-à? À ka deeri nyam gbe oyi myị oyi-í? Ányị a tị́ ka nyẹẹkpẹ dam tata ka ba-à?

²Ányị m̄ tị́ ka me imahị tata ka ba-à? Ọjụjụ tị́ ka myị ọkịlẹtụ nyam ẹnụ myị ẹnụ da ka ụka oyina? Oluji nyam tị́ ka kụrụm tata ka ba ányị?

³Chẹhị yẹm chẹẹ mẹ, Amkpaa Ohe Oluhye nyam, ká wẹm ọbịlẹ-bịlẹ nyam. Ya ọngịrị onyeewe ham, chajị kam gbu daarụ ka.

⁴Ó-ri ịnyị ka aalẹ, oluji nyam ka yẹkẹẹ, “M̀ kụrwọọ lẹ.” Angị tụm pyịpyị ka chị ọkẹkẹnị ju eji ọmịla-mịla nyam.

⁵M̀ dahịhile ọháha o-gbu enyi-ka nyang. M̀ chị ọkẹkẹnị chajị à ka chịm da.

⁶M̀ ka mwu eje hang ahụ Amkpaa chajị à họ ang ịnyịịla ham.