Read idege EJE ỌNYỊỊLA 130 Bible Online

EJE ỌNYỊỊLA 130 - idege bible

EJE ỌNYỊỊLA 130

¹Amkpaa ee, bwu ẹpwụ nya ụjẹ nya akama ọyẹyẹ nyam m̄ wẹẹ be ẹkọ wụrụng lẹ.

²Ọngọlahị ee, wo eko ọchịchị nyam mẹ-ẹ̀! Ya ụrụ nọ ha abwọ ọrịrị nyam mẹ!

³Amkpaa ee, aa gbe ẹla nya ọhọbịrị ju ọngịnyị ịnọ oowo à tị́ ka be myị lẹẹ ene-è?

⁴À tị kaa hịnyọhi hahị, chajị kahị ka jẹ-ẹ̀ ju uhi nyang.

⁵Amkpaa m̄ dakụ lẹẹ lẹlẹ, ọwa m̄ dakụ lẹ. m̀ dahịhile ẹla nyamwụ.

⁶M̀ ya ẹhị rịrị gbe Amkpaa dọmwụ gụ ọlẹ ká ọngọgbeji kaa kụ gbe ahị ọpyẹpyẹ wẹẹ— ee, gụ ọlẹ ká ọngọgbeji kaa kụ gbe ahị ọpyẹpyẹ wẹẹ.

⁷Anụ ala Isirẹlụ ee, anụ dahịhile Amkpaa mẹ, chajị ọháha nyamwụ-ụ́ụ̀ gbu enyi ka, ọchịda nyamwụ nwa ụga.

⁸Ọ ka chị ala Isirẹlụ da bwu ẹpwụ nya ịhọbịrị nyaa wuu. Eje nya iDevidi ọ-kpa gbịgba