Read idege EJE ỌNYỊỊLA 136 Bible Online

EJE ỌNYỊỊLA 136 - idege bible

EJE ỌNYỊỊLA 136

¹Anụ ji Amkpaa obe, chajị ọ ri ọngọ ọnyịịla, ọháha o-gbu enyi-ka nyamwụ juwa gbe oyi myị oyi.

²Anụ gwogbo ha Ohe Oluhye ọ-gụ ijiga wuu, ọháha o-gbu enyi-ka nyamwụ juwa gbe oyi myị oyi.

³Anụ gwogbo ha Ayịbaba nya angị ri ayịbaba wuu, ọháha o-gbu enyi-ka nyamwụ juwa gbe oyi myị oyi.

⁴Ọwa kẹnẹ-kẹnẹ à họ ụkụrwọ ẹbyẹbyị ịtụka lẹ, ọháha o-gbu enyi-ka nyamwụ juwa gbe oyi myị oyi.

⁵Bwula ẹla ọjẹjẹ nyamwụ ọ họ uhye-ọgba lẹ, ọháha o-gbu enyi-ka nyamwụ juwa gbe oyi myị oyi.

⁶Ọwa-à họ ịpyị hu gẹgịlẹ rịrị u-uhye nya enyi ịtụka lẹ, ọháha o-gbu enyi-ka nyamwụ juwa gbe oyi myị oyi.

⁷Ọwa-à họ ẹnụ bala ọya lẹ, ọháha o-gbu enyi-ka nyamwụ juwa gbe oyi myị oyi.

⁸Ẹnụ ri ọ-ka kpẹhị rịrị ahị ọpyẹpyẹ, ọháha o-gbu enyi-ka nyamwụ juwa gbe oyi myị oyi.

⁹Ọya bala ịdịchụ ri ọ-ka kpẹhị rịrị odu ohihi, ọháha o-gbu enyi-ka nyamwụ juwa gbe oyi myị oyi.

¹⁰Ọwa-à nwụ anyị alẹng nya ọgbanyẹ nya ala Ijipiti lẹ, ọháha o-gbu enyi-ka nyamwụ juwa gbe oyi myị oyi.

¹¹Ọ kpa ala Isirẹlụ kpehe bwu Ijipiti, ọháha o-gbu enyi-ka nyamwụ juwa gbe oyi myị oyi.

¹²Ụbwọ ọnyọọngịrị bala ugburubwọ ọlọngịrị nyamwụ ọ-kpa họ ụkụrwọ ọwẹ lẹ, ọháha o-gbu enyi-ka nyamwụ juwa gbe oyi myị oyi.

¹³Ọ chị Ihu Oletungkohyo eku, ọháha o-gbu enyi-ka nyamwụ juwa gbe oyi myị oyi.

¹⁴Ọ kpa ala Isirẹlụ kpoye bwu ụwa, ọháha o-gbu enyi-ka nyamwụ juwa gbe oyi myị oyi.

¹⁵Ọ tị ya adịrahụ nya ala Ijipiti bala angịdẹwụ nyamwụ byi enyi, ọháha o-gbu enyi-ka nyamwụ juwa gbe oyi myị oyi.

¹⁶Ọ kpa angịnyị nyamwụ chịpwụrụ bwu ugbileji, ọháha o-gbu enyi-ka nyamwụ juwa gbe oyi myị oyi.

¹⁷Ọ nwụ ịdịrịhụ ịtụka, ọháha o-gbu enyi-ka nyamwụ juwa gbe oyi myị oyi.

¹⁸Ọ nwụ ịdịrịhụ ilehe, ọháha o-gbu enyi-ka nyamwụ juwa gbe oyi myị oyi.

¹⁹ISihọn adịrahụ nya ala Amọ, ọháha o-gbu enyi-ka nyamwụ juwa gbe oyi myị oyi;

²⁰bala Ọọgụ adịrahụ nya ala ịBachan, ọháha o-gbu enyi-ka nyamwụ juwa gbe oyi myị oyi;

²¹ọhu ịpyị nyaa ga ha angịnyị nyamwụ, ọháha o-gbu enyi-ka nyamwụ juwa gbe oyi myị oyi.

²²Ọ ya ha Isirẹlụ ọnchẹ nyamwụ, ọháha o-gbu enyi-ka nyamwụ juwa gbe oyi myị oyi.

²³Ọ kpịtịya nyahị ụka kahị ji ẹpwụ nya akama, ọháha o-gbu enyi-ka nyamwụ juwa gbe oyi myị oyi.

²⁴Ọ họ ahị la ịlọhị bwu ẹpwụtụbwọ nya aluji nyahị, ọháha o-gbu enyi-ka nyamwụ juwa gbe oyi myị oyi.

²⁵Ọọ ya ang oriri ha ang ọhịhị ọnyị myị ọnyị wuu, ọháha o-gbu enyi-ka nyamwụ juwa gbe oyi myị oyi.

²⁶Anụ ji Ohe Oluhye nya epwoohe obe ọhọhọ, ọháha o-gbu enyi-ka nyamwụ juwa gbe oyi myị oyi.