Read idege EJE ỌNYỊỊLA 137 Bible Online

EJE ỌNYỊỊLA 137 - idege bible

EJE ỌNYỊỊLA 137

¹Ụka kahị hụ ọ-ọnụ nya ihu ịla ịBabịlọn, ahị jida nyọlẹ kahị kpịtịya nya ịSayọn.

²Ahị ya ịgum̀ nyahị pịlẹ ang a-abwọ nya abegu ịlọnaabwọ.

³Angị wuhi kpa rụ byihi ahị nyị mwu eje, angị yẹhị ụhị ịwẹ kpahị hu utungguru nyọka mwu eje nya ọkẹkẹnị jwaa. Ị byihi yẹkẹẹ, “Anụ mwu eje nya ịSayọn ọhẹ jehi chẹẹ kahị wo wẹẹ.”

⁴Anụ yẹ kpá wẹẹ, ányị ahị tị́ ka jẹ-ẹ̀ mwu eje rụ Amkpaa ọ-ọpyị ọlẹ kahị ri angga-āà?

⁵IJerusalẹm ee, ó-ri kam deeri nyang aalẹ, ụbwọ upwuriri nyam ā tịtị deeri jaabwọ kọọ bwu du ogum̀ ịnyịnyị.

⁶Ó-ri kam kpịtịya nyang, hung ahụ iJerusalẹm nya ang ọ-kpa ọkẹkẹnị wam gụgụ wuu ka aalẹ, ẹlẹlẹ nyam ā chị ịja wu ichina chajị kam jẹ mwu eje ka!

⁷Amkpaa ee, kpịtịya nya ang ọlẹ ká ala Ẹdọm họ ẹnụ ká aluji kụrụ iJerusalẹm wẹẹ. Ị du aluji juhi ẹnụ ọọwa yẹkẹẹ, “Anụ tụrụ epweji ọwẹ! Anụ tụrwọọ beji kpalị-kpalị!”

⁸ỊBabịlọn ee, à ri enyi gu obyi lẹ! angịlẹ kị ka nwụ̀ng uri tịrẹkpẹ nya ang onyobyi ịlẹ ká họhị-ị̀ wẹẹ, angịịwa ka pyẹ̀ẹẹ!

⁹Angị ka goonu anyị nwụ nmẹẹnmẹẹ u-uhye nya ajwọ, angịịwa ka pyẹ̀ẹẹ! Eje Ọnyịịla nya iDevidi