Read idege EJE ỌNYỊỊLA 138 Bible Online

EJE ỌNYỊỊLA 138 - idege bible

EJE ỌNYỊỊLA 138

¹Amkpaa ee, m̀ ka jing obe lọkịlẹtụ nyam wuu, m̀ ka mwu eje gwogbo hang ị-ịlahị nya ijiga.

²M̀ hirikpẹẹ yahị da ka Ube Ịgọgọ nyang juwa ji ẹnyị nyang obe, chajị nya ọháha o-gbu enyi-ka bala ọkpẹẹkpẹẹ ọlala nyang, à mẹjẹ ya ẹnyị nyang bala ẹla nyang nyị lụmẹ gụ ang myị ang ịkịla wuu.

³À myị ẹkọ nyam ụka kam wụrụng, à ya ọngịrị onyeewe jum du kam ju ugbodu.

⁴Amkpaa ee, ịdịrịhụ nya odehe wuu ka gwogbo hang, chajị ịwa wuu wo ọnụ ịlẹ ka myị wuu.

⁵Ị ka mwu eje rụ ang ịlẹ ká họ, bala ụmụmẹ ọtụka nyang.

⁶À la uhye gidogboo kpá odu ịnyị, à kaa kpẹhị ju ọngọ kpa ịlọmwụ ka eji, à tịị kpa ẹhị dịrẹ ọlọbọọchẹ bwu ẹga ọlụrụ hwẹ̀ẹẹ.

⁷Ụka ká akama-á dagaga jum à kaa gbe ọhịhị nyam, à jahị da aluji nyam i-ju agbama ịwẹ, à chịm da bwula ọngịrị nyang.

⁸Amkpaa ka họ ang ịlẹ kọ me obyi chajị nya ọhịhị nyam, Amkpaa ee, ọháha o-gbu enyi-ka nyang juwa gbe oyi myị oyi, Ā nyẹẹkpẹ da ụkụrwọ ọlẹ ká họ ka. Eje Ọnyịịla nya iDevidi ọlẹ ri nya olegbeju nya angị mwu eje