Read idege EJE ỌNYỊỊLA 146 Bible Online

EJE ỌNYỊỊLA 146 - idege bible

EJE ỌNYỊỊLA 146

¹Anụ gwogbo ha Amkpaa! Am ịlọm ā gwogbo ha Amkpaa.

²M̀ ka gwogbo ha Amkpaa ẹ-ẹpwụ nya ọhịhị nyam wuu. M̀ ka mwu eje gwogbo ha Ohe Oluhye jaabwọ kam hị tata ka ba.

³Ā dahịhile ịdịrịhụ lee angịnyị ehe ị-ka chịng da myị ka lẹ ka.

⁴Angịnyị á gbu, ị kaa jwaa eji, obyi omeme nyaa wuu ri ịtakpi.

⁵Angịlẹ wuu ká Ohe Oluhye nya iJekọbụ ri ọngọdụbwọ nyaa, angịịwa ka pyẹ̀ẹẹ. Angị dahịhile Amkpaa Ohe Oluhye nyaa, angịịwa ka pyẹ̀ẹẹ ịnyịnyị.

⁶Ọwa-à họ uhye-ọgba bala odehe lẹ. Ọ họ ihu tụ ang ịlẹpwụ nyamwụ wuu, Amkpaa ri ọngọ họ ọnụ ọmyịmyị nyamwụ jịra pyịyọọ.

⁷Ọọ chị oku ha angịlẹ kị haa ri kịrọrọ. Ọ ya ang oriri ha alimyi, Amkpaa kaa gba alagba kpehe.

⁸Ọọ họ alidu yọyị, ọọ da angị chị mileji ụbwọ, ọọ la ọháha ẹ-ẹga nya angị họ ang ọnyịịla.

⁹Amkpaa kaa chẹwụ ke angga ịlọpyị nyahị, ọọ da ịhụ-egu bala anyị-egu ụbwọ, ọọ da obyi omeme nya angịnyị inyibyi yi.

¹⁰Amkpaa ri adịrahụ gbe oyi myị oyi. ỊSayọn ee, Ohe Oluhye nyang ka ri adịrahụ pyịyọọ. Anụ gwogbo ha Amkpaa!