Read idege EJE ỌNYỊỊLA 149 Bible Online

EJE ỌNYỊỊLA 149 - idege bible

EJE ỌNYỊỊLA 149

¹Anụ gwogbo ha Amkpaa! Anụ mwu eje onyeewe ha Amkpaa, anụ mwu eje gwogbo họọ ọ-ọjịra-jịra nya angịnyị ịkpẹẹkpẹẹ nyamwụ!

²Anụ ala Isirẹlụ, anụ chị ọkẹkẹnị ju ọngọ họnụ, ala ịSayọn ee, anụ chị ọkẹkẹnị ju adịrahụ nyanụ!

³Anụ gwogbo họọ lewo ọchịchị, anụ mwu eje gwogbo họọ lịchẹchẹ bala ogum̀.

⁴Amkpaa chị ọkẹkẹnị ta angịnyị nyamwụ, ọọ ya ọkụrụ-kụrụ ha angị la dụmwọọ.

⁵Angịnyị nyamwụ wuu ā chị ọkẹkẹnị chajị nya ọkụrụ-kụrụ ọlẹ kị la, kị juwa mwu eje nya ọkẹkẹnị lodu-odu gbee ká ahị ā pyẹ.

⁶Ị kpa ọnụ nyaa mwu eje gwogbo ha Ohe Oluhye, kị kpa oge iweri-weri ịlahị imiiye a-abwọ nyaa,

⁷kị kụrụ alẹpwụma datị-datị chẹẹchẹẹ kwiwa, kị yẹ angịnyị ịlụwa wuu akama.

⁸Ị ka ju ịdịrịhụ nyaa agba, ju ịbagọ nyaa agba iloje-oje.

⁹Ị ka ya alụma ịkịla wuu akama jaabwọ ká Ohe Oluhye da nọ. Ọwẹ à ri ihi ọtụka ọlẹ ká angịnyị nya Ohe Oluhye la lẹlẹ, Anụ gwogbo ha Amkpaa!