Read idege EJE ỌNYỊỊLA 16 Bible Online

EJE ỌNYỊỊLA 16 - idege bible

EJE ỌNYỊỊLA 16

¹Chẹwụ kem mẹ, Ohe Oluhye, chajị m̀ dahịhileng.

²M̀ byi Amkpaa yẹkẹẹ, “Ahụ a ri Ọngọlam lẹ. Ang ịnyịịla ịlẹ kam la wuu bwu ẹga nyang.”

³Angị la ịgọgọ ilodehe ọlẹ ri angị la ihi-ihi. Ịlẹ ká ang ọ-kpụm ịpyọ gụ wuu ri ọ-ka ju ogu taa.

⁴Angị ba ihye ịkịla jẹ kpa iru nya akama wẹ ịlaa. Ḿ ka kịla iya ha ihye ịwẹ taa ka. Ḿ ka raabwọ ha ihye ịwẹ ka ịnyịnyị.

⁵Amkpaa ee, Ahụ a ri ang ọlẹ kam la wuu lẹ. À kaa ya ang ọlẹ kọ bam ham. Ijuju nyam ji ụbwọ nyang.

⁶Ang-ahị nyang la ẹbyẹbyị lụmẹ ẹ-ẹga nyam. Ị ham lụmẹ.

⁷M̀ kaa gwogbo ha Amkpaa, chajị ọ kaa kpam la ọmẹjẹ. Lepwodu, ọkịlẹtụ nyam kaa chịm eje-obyi.

⁸M̀ kaa kpịtịya ụka wuu nya ijata ojiji nya Amkpaa. Ọ jum chwẹẹ, ịngịngịhyẹ-ẹ́ ka hụm kpiki myị ka.

⁹Ọ myịm lẹhị, m̀ chị ọkẹkẹnị. M̀ la ẹwụ ọ-chị ke lẹ.

¹⁰Á pẹhim ga ha igu ka. M̀ kaa myị ẹrụ hang kpẹẹkpẹẹ. Á ka myị ẹhị nyam-m̀ yẹ ejegu ka.

¹¹À ka mẹ ụgbẹyị nya ọhịhị jẹm. Ijata ojiji nyang ya ọkẹkẹnị ọlẹpwụ-lẹpwụ ham bala ọ-ya okpunyi ham gbe oyi myị oyi. Abwọ ọrịrị nya iDevidi