Read idege EJE ỌNYỊỊLA 20 Bible Online

EJE ỌNYỊỊLA 20 - idege bible

EJE ỌNYỊỊLA 20

¹Amkpaa ā wẹng abwọ ọrịrị nyang ụka ká ji ẹpwụ nya akama. Ohe Oluhye nya iJekọbụ ā gbeng!

²Kọ dang ụbwọ bwu ube ịgọgọ nyamwụ, kọ dang ụbwọ bwu ọgbọdọ nya ịSayọn.

³Kọ ye ọhaha ịlẹ wuu ká kpa wọọ, ká iya wuu ilẹ ká kịla họọ ā họ́ọ.

⁴Kọ ya ang ịlẹ ká tịtọ wuu hang, kọ họ ká họ ang ịlẹ ká la i-irya nyang wuu cheju.

⁵Ahị ka chị ọkẹkẹnị nya ọ-kụrụ aluji nyang, bala ọ-ya ụya ị-ịlahị nya Ohe Oluhye nyahị. Amkpaa ā ya ang myị ang ịlẹ ká bịlẹ wuu hang mẹ.

⁶M̀ jẹ ugbẹnyị lẹ, Amkpaa kaa da adịrahụ ọlẹ kọ chụ ụbwọ, ọọ wẹ abwọ ọrịrị nyamwụ bwu epwoohe ọlịgọgọ. Ọ ya ọkụrụ-kụrụ ịtụka họọ bwula ọngịrị nyamwụ.

⁷Angịhyẹ dahịhile ang ịrụnyẹ ị-kpa dẹwụ nyaa, angịkịla dahịhile anyịrẹ nyaa, ahị tị dahịhile ọngịrị nya Amkpaa Ohe Oluhye nyahị.

⁸Angị ịlịịwẹ-ẹ́ ka kụrụ myị ka, ahị tị ka wuleji godayị giri-giri.

⁹Amkpaa ee, ya ọkụrụ-kụrụ ha adịrahụ, dahị ụbwọ ụka kahị ji ẹpwụ nya akama. Eje Ọnyịịla nya iDevidi ọlẹ kọ da ha olegbeju nya aleje