Read idege EJE ỌNYỊỊLA 21 Bible Online

EJE ỌNYỊỊLA 21 - idege bible

EJE ỌNYỊỊLA 21

¹Amkpaa ee, adịrahụ chị ọkẹkẹnị, chajị à ya ọngịrị họọ. Ọ chị ọkẹkẹnị ọtụka-ọtụka, chajị a ya ọkụrụ-kụrụ họọ.

²À họ ang ọlẹ kọ bọ́ọ ọ-ọkịlẹtụ họọ lẹ, à họ ọbaba nyamwụ họọ.

³À kpa ahị ọwawa lụmẹ-lụmẹ wọọ, ya okpo-adịrahụ nya okpoko ịgọm kụrwọọ.

⁴Ọ bịlẹ ọhịhị à ya họọ, ọhịhị o-gbe oyi myị oyi.

⁵Ụmụmẹ nyamwụ rị ọtụka, chajị à dọọ ụbwọ. À họ ọ kpụ ẹhị bala ọ-la ihi-ihi.

⁶Ahị ọwawa nyang juwa tọọ gbe oyi myị oyi. Ijata ojiji nyang ya ọkẹkẹnị họọ.

⁷Adịrahụ dahịhile Amkpaa Agụgụ. Ajị nya ọháha o-gbu enyi-ka nya Amkpaa lẹ, ọ ka kụ lokpunyi pyịyọọ.

⁸Adịrahụ ka wu aluji nyammwụ wuu, tụ ọng myị ọng kọ bọ́ọ ẹtẹ.

⁹Ọ ka taa ayịreji lala ila owuruu-wuru ụka kọ hi ehe. Amkpaa ka waa mile ẹ-ẹpwụ nya agbama nyamwụ, ila ka rwaa wuu.

¹⁰Ọnyị ọtụma nyaa ọhẹ-lọhẹ á ka be ka, adịrahụ ka nwaa wuu.

¹¹Ị me obyi onyobyi jwọọ, ị kụ irya nya imajẹ ọhọhọ, ị́ tị ka họọ myị ka.

¹²Ọ ka daa ịcha, ọ ka họ kị ka rụnyẹ rụ.

¹³Amkpaa ee, ahị gwogbo hang chajị nya ọngịrị ọtụka nyang! Ahị mwu eje juwa mịla oja nya ọngịrị nyang. Eje Ọnyịịla nya iDevidi ọlẹ kọ da ha olegbeju nya aleje