Read idege EJE ỌNYỊỊLA 23 Bible Online

EJE ỌNYỊỊLA 23 - idege bible

EJE ỌNYỊỊLA 23

¹Amkpaa ri ọngọgbem lala ọngọgbikpịlọ. Lẹẹlẹ, m̀ la ang ịlẹ wuu kam tịtọ.

²Ọ họ kam mwụ ịnyọ ẹ-ẹga ọnyịịla lala ịkpịlọ ẹ-ẹga ká amẹ ilekpo ji, bala ọ-kpam kaka nwa enyi ẹ-ẹga ká enyi-í yẹ ọhụ́ụ ka.

³Ọ chị ọngịrị nyam ahị. Ọ kpam bwu ụgbẹyị ọnyịịla chajị ká ẹnyị nyamwụ ka la ogbo.

⁴Odehe nyam-ḿ chowu chị kpịlẹẹ lala am nyaa juwa ka gbu, ḿ ka chị uko nya ịngịngịhyẹ ka, chajị à jam tam. Ọgọdọ nyang ọ-kpa gbem lala ịkpịlọ bala ọkụta nyang ọ-tụ́m yi kaa kpụm ẹjẹ.

⁵À ya ang oriri ham, la aluji nyam juwa kpẹhị nya ịlaa yẹ. À dam ọwụraba họm ụga yẹẹyẹẹ[3], à ya ere ham nwa wu ẹpwụ wu ẹpwụ.

⁶M̀ jẹ myị̀myị ká ka la ọháha ẹ-ẹga nyam bala ọ-họm ọnahị ká hụ tam lọhịhị nyam wuu. Ẹ-ẹpwa nyang ̄ ka ri ẹpwa nyam lụka nya ọhịhị nyam wuu lẹlẹ.