Read idege EJE ỌNYỊỊLA 26 Bible Online

EJE ỌNYỊỊLA 26 - idege bible

EJE ỌNYỊỊLA 26

¹Amkpaa ee, wụm abyị, chajị m̀ kaa họ ang ọlẹ kọ pwoku. M̀ dahịhileng la ọ-tụ ẹta kẹkpẹ ka.

²Amkpaa ee, wụlam yẹ ká mam yẹ. Dẹhị wụla ọkịlẹtụ bala irya imeme nyam.

³Ọháha o-gbu enyi-ka nyang à kaa kpam ụgbẹyị lẹ. M̀ kaa hịhị ẹ-ẹpwụ nya ihi o-jung ju.

⁴Ḿm̀ ji ogu ta aluguru-ẹla ka. Ḿ bá ịngịhyẹ bá la ta alahị imiiye ka.

⁵Ogu nya alabwẹla onyobyị wụm ẹjẹ, m̀ kaa cheji báa.

⁶Amkpaa ee, m̀ hụ́ abwọ nyam cheri-cheri nyọka mẹjẹ ya m̀ la charị-charị. M̀ jam chị ẹwụ dagaga ju ogidi nyang juwa gbịgba hang.

⁷M̀ mwu eje nya obe ojiji juwa ya ụkụrwọ ẹbyẹbyị ịlẹ ká họ.

⁸Amkpaa, ẹpwa ọlẹ ká kụ hám, ẹga ká ụmụmẹ nyang ji.

⁹Ā tam ayịreji jula alọhọbịrị koo, ā tị yẹm akama ọlala ịnya angị nwụ angịnyị ka.

¹⁰Ị kaa họ ang onyobyi ụka wuu, ị kaa kụ nyọka ye okpoko ochikiriju.

¹¹Am lẹẹ lẹ, m̀ kaa họ ang opwoku. Yẹm ahyẹẹrwẹrwa ká chịm da.

¹²M̀ jam lokpunyi lẹ. M̀ gwogbo ha Amkpaa ẹ-ẹpwarịrị nya ọjịra-jịra nya angịnyị nyamwụ. Eje Ọnyịịla nya iDevidi