Read idege EJE ỌNYỊỊLA 28 Bible Online

EJE ỌNYỊỊLA 28 - idege bible

EJE ỌNYỊỊLA 28

¹Amkpaa ee, ahụ m̄ wẹẹ wụrụ lẹ— ahụ ọngọ ma uya yẹm dada. Ke ụrụ la ida ojeje nyam, ó-ri ịnyị ka aalẹ, m̀ ri ọngọhẹ nya alejegu lẹ.

²Ke ụrụ wo ida ojeje nyam ụka kam bịlẹ ụbwọ ọdada, ụka kam hu abwọ nyam hwaa yahị da ube ịgọgọ nyang.

³Ā tam ayịreji jula alabwẹla onyobyi koo— jula alọkwọ ị ya ẹla gẹnẹ-gẹnẹ ká imajẹ tị myị̀ ọkịlẹtụ nyaa.

⁴Yaa akama opwokwaa, jaabwọ ka ang onyobyi ọhọhọ nyaa la. Nwaa uri nya ang ịlẹ kị họ, Uri opwokwaa a ka nwaa lẹ.

⁵Ụkụrwọ nya Amkpaa-á ryaa ẹla ka, ụkụrwọ ẹbyẹbyị ịlẹ kọ họ. Ọ ka yaa akama, taa ayịreji gbe oyi myị oyi.

⁶Anụ gwogbo ha Amkpaa, ọ wo ida o-je bịlẹ ụbwọ ọdada nyam lẹ.

⁷Amkpaa chẹwụ kem, dẹwụ yẹm dada. M̀ dahị hiloo. Ọ dam ụbwọ, m̀ chị ọkẹkẹnị. M̀ mwu eje gwogbo họọ.

⁸Amkpaa chẹwụ ke angịnyị nyamwụ, dẹwụ yaa dada. Ọwa-à ri ẹga ọkpịbaa ọchịda nya adịrahụ ọlẹ kọ chụ lẹ.

⁹Amkpaa, chị angịnyị nyang da, ká kụrụ angịlẹ kị ri ịnyang. Ri ọngọgbegbe nyaa, ká kpẹhị rịraa gbe oyi myị oyi. Eje Ọnyịịla nya iDevidi