Read idege EJE ỌNYỊỊLA 29 Bible Online

EJE ỌNYỊỊLA 29 - idege bible

EJE ỌNYỊỊLA 29

¹Anụ alegu-ẹrụ, anụ gwogbo ha Amkpaa. Anụ gwogbo ha ụmụmẹ bala ọngịrị nyamwụ.

²Anụ gwogbo ha ẹnyị ọlụmẹ-ụmẹ nyamwụ. Gbịgba ha Amkpaa ọlịgọgọ ụka kọ chị ịlọmwụ ehe.

³Ị wo omyi nya Amkpaa pwụ uhye nya Ihu ịtụka. Ụmụmẹ nya Ohe Oluhye kpụ ịkata. Omyi nyamwụ ye myị u-uhye nya Ihu ịtụka.

⁴Omyị nya Amkpaa lọngịrị, ọ la ụmụmẹ.

⁵Omyi nya Amkpaa tụrụ ekeji isida, isida ịla iLibanọn.

⁶Ọ họ ka iLibanọn gbajị lala ọnyị nya ẹna.

⁷Omyi nya Amkpaa chị ila mànya-mànya lala apya.

⁸Omyi nyamwụ hụ́ ugbileji jigi-jigi, Amkpaa hụ́ ugbileji nya ịKadẹchị jigi-jigi.

⁹Omyi nya Amkpaa pyị ekeji nya ooku anyoko, ọ wo ekeji apwụ hụrụ kẹnị-kẹnị, angị juwa u-Ube nyamwụ juwa da iwuru ya, “Ụmụmẹ ā ri nya Ohe Oluhye!”

¹⁰Amkpaa ri olegbeju nya ihu ịtụka, ọ ri adịrahụ gbe oyi myị oyi.

¹¹Amkpaa ju angịnyị nyamwụ ọngịrị, ọ kpa okpunyi wahị kụrụ angịnyị nyamwụ. Eje Ọnyịịla nya iDevidi. Eje ọlụka nya abwọ ọ-rị chị ịgọgọ ju Ube nya Ohe Oluhye