Read idege EJE ỌNYỊỊLA 3 Bible Online

EJE ỌNYỊỊLA 3 - idege bible

EJE ỌNYỊỊLA 3

¹Eje Ọnyịịla nya iDevidi (ụka kọ rụnyẹ rụ hi Abụsalọm ọnyị nyamwụ) Amkpaa ee, aluji nyam chakpa ju iru! Angị wuleji tụm pyịpyị á kwẹhụ ka!

²Iru nya angịnyị juwa ya ẹla rụm yẹkẹẹ, “Ohe Oluhye-é ka dọọ ụbwọ ka.”

³Ma, ahụ Amkpaa tị ri ọkụmada o-kem hi ang ọtịpyọ. A kaka ya ọkụrụ-kụrụ ham họ kam lihi.

⁴M̀ kaa jida gboo bịlẹ ụbwọ ọdada nya Amkpaa, Ọọ wẹm bwu ọgbọdọ ọlịgọgọ nyamwụ.

⁵Ḿ kaa hịnọnọ nune kẹnẹng-ng, m̀ kaa chahị une lokpunyi, chajị Amkpaa kaa juwa gbem.

⁶Ḿ ju uhi nya ụnụnụụnọ nya aluji ịlẹ kị ba urwe dagaga jum kpong-kpong ka.

⁷Amkpaa ee, wuleji mẹ oo! Ohe Oluhye nyam ee, kẹwẹ ka chịm da mẹ. Be aluji nyam abaa ene! Mwụ ọngịrị nyaa eku!

⁸Ahụ Amkpaa-à kaa ya ọkụrụ-kụrụ ha ọngịnyị lẹ. Aa wahị kụrụ angịnyị nyang mẹ. Eje Ọnyịịla nya iDevidi