Read idege EJE ỌNYỊỊLA 4 Bible Online

EJE ỌNYỊỊLA 4 - idege bible

EJE ỌNYỊỊLA 4

¹Ohe Oluhye ọng chẹkpẹ jum ee, chuchuu, aa wẹm ụka kam be ẹkọ wụrụng. Aa dam ụbwọ ụka kam ji ẹpwụ nya akama, yẹm ahyẹrwẹrwa, ka wo abwọ ọrịrị nyam.

²Anụ angịnyị ehe tị́ ka bịrịm ẹnyị tata ka ba anyị ene kọ ka nwanụ? Anyị anụ tị́ ka wu ang ododu bajẹ kaka ba, juwa teleko kekeeke nya ang o-ri ịnyịlẹhị ka-à?

³Anụ jẹ ka tụbwọ aalẹ, Amkpaa chụ ọngọ ri ọngịnyị ọnyịịla ha ịlọmwụ. Ọ kaa wo omyi nyam ụka kam be ẹkọ wụrwọọ.

⁴Á ju agbama ju, ọ kpang ka họ ang ọtịpyọ koo. Kụ irya ju ẹlẹwẹ lọnụ-ujiji lodu gbe ụtụrụ.

⁵Hu ang ọchịla-chịla kịla iya ha Amkpaa, ka dahịhile Amkpaa.

⁶Iru nya angịnyị kaa yẹkẹẹ, “Owo tị́ ka ya ang ọnyịịla tụụhị kpá lẹẹ mẹ?” Amkpaa ee, chuchuu yẹhị, ká họhị ọnahị.

⁷A ya ọkẹkẹnị ọtụka ham gụ ịnya angịlẹ ká ang-ẹrụ nyaa há, kị ye ang ri, ye ere nwa hiigu-hiigu.

⁸Ḿ hịnọnọ, m̀ nune lokpunyi, chajị ahụ Amkpaa ụbwọng à ri ọngọ kaa kpam ẹ-ẹpwụ nya okpunyi lẹ. Eje Ọnyịịla nya iDevidi