Read idege EJE ỌNYỊỊLA 43 Bible Online

EJE ỌNYỊỊLA 43 - idege bible

EJE ỌNYỊỊLA 43

¹Ohe Oluhye ee, ma uya yẹm dada, ká chị oku ham ẹ-ẹpwụ nya eje ọlẹ kam kpa ta angị jẹng ka ịwẹ. Gbam kpehe bwu ẹpwụtụbwọ nya alọnọọkịla, bala angị họ ang onyobyi.

²Ohe Oluhye ee, ahụ à ri ẹga ọkpịbaa nyam lẹ. Ịyẹ tị́ du ka nyẹẹkpẹ dam-m̀? Ịyẹ tị du kam kịnyaa juwa yalakpa ẹ-ẹpwụ nya akama, ẹ-ẹpwụ nya uhila nya ọkwọ bwu ẹga nya aluji nyam?

³Ya ahịgboo bala ẹla-ịlẹhị nyang du wam, kị kpam ụgbẹyị, kị kpam tịrẹkpẹ ka ịSayọn, ọgbọdọ ọlịgọgọ nyang ẹga ọlẹ ká kụ.

⁴Ụka ọọwa, m ka kele ka ogidi nya Ohe Oluhye. Ohe Oluhye ọlẹ kọ ri ọkẹkẹnị bala okpunyi nyam. M̀ ka gwogbo hang la ogum, ahụ Ohe Oluhye, Ohe Oluhye nyam.

⁵Ịyẹ tị du kam bwọ ayiiji ịnyị mẹ? Ịyẹ tị du kam wụ ẹjẹ ịnyị? M̀ ka ya ẹhị ọrịrịị-rịrị nyam nịrọ Ohe Oluhye, kam ka juwa myịmyị-ị̀ gwogbo họọ ọwa ọngọchịmda bala Ohe Oluhye nyam! Eje Ọnyịịla ọlẹ ri nya anyị ịtụma nya iKora bala olegbeju nya angị mwu eje