Read idege EJE ỌNYỊỊLA 46 Bible Online

EJE ỌNYỊỊLA 46 - idege bible

EJE ỌNYỊỊLA 46

¹Ohe Oluhye à ri ẹga ọkpịbaa bala ọngịrị nyahị lẹ, ọọ juwa nyọka dụbwọ lụka nya akama.

²Lẹẹlẹ, áhị ka ju uhi ka. odehe-éè hụhụ jigi-jigi, lee ịgbọdọ-ọ́ chabwọ chị ju ka ihu,

³ihu ịtụka-á gu agbụ gu, juwa chị awụụ pwụtụ-pwụtụ, lee ikiti-í hụ hụ kpuka-kpuka ọọ-la ojigi-jigi ọlẹpwụ nya ihu, áhị ka ju uhi ka.

⁴Ihu ọhẹ juwa kọọ kpa ọkẹkẹnị ka epweji nya Ohe Oluhye nyahị, ẹpwa ọlịgọgọ ọlẹ ká Agụgụ ka.

⁵Ohe Oluhye juwa e-epweji ọọwa, ọ ka hụ kpiki ka, Ohe Oluhye ka dọọ ụbwọ lewu-ụtụrụ.

⁶Alẹpwụma datị-datị dapwụ hụ amẹ, ịpyị lụmẹ-lụmẹ ya ọmwụ da cheji, Ohe Oluhye kpụ ịkata, ọpyị wulo hụrụ.

⁷Amkpaa Agụgụ jam tahị, Ohe Oluhye nya iJekọbụ à ri ẹga ọkpịbaa nyahị lẹ.

⁸Anụ kẹwẹ ka yẹ oo! Anụ wẹ ka yẹ ang ọlẹ ká Amkpaa họ, ang i-wu ejiri ọ họ am̀ odehe lẹ!

⁹Ọ họ ẹwụ ọdada olodehe kpụba gu onwu gu ọba, ọ mwụ eda bala awangga wuu eku, chị akụmada ịla hụrụ.

¹⁰Ohe Oluhye juwa yẹkẹẹ, “Anụ ba táaa kanụ jẹ mẹ, am a ri Ohe Oluhye lẹ, M ri adịrahụ nya ẹpwụma wuu, m ri adịrahụ nya odehe wuu.”

¹¹Amkpaa Agụgụ jam tahị, Ohe Oluhye nya iJekọbụ à ri ẹga ọkpịbaa nyahị lẹ. Eje Ọnyịịla nya anyị ịtụma nya iKora.