Read idege EJE ỌNYỊỊLA 47 Bible Online

EJE ỌNYỊỊLA 47 - idege bible

EJE ỌNYỊỊLA 47

¹Anụ angịnyị wuu, anụ du abwọ, anụ da iwuru ha Ohe Oluhye leje ogboo nya ọkẹkẹnị.

²Amkpaa Agụgụ la uhi-uhi, ọ ri adịrahụ ọtụka nya odehe wuu le!

³Ọ kụrụ ẹpwụma ịkịla hahị, yaa ji ekpeleji nyahị.

⁴Ọ chụ ọpyị ọlẹ kahị ka la hahị, ahị a ri anyị ịcharị nya iJekobu, ọlẹ kọ họọ lẹ.

⁵Ohe Oluhye wule ka ẹchị nyamwụ, ụka kị juwa dakọ nya iwuru nya ọkẹkẹnị, iru nya ẹkụrwẹ ọchịchị juwa tá ụka ká Amkpaa wule ka uhye.

⁶Anụ mwu eje gwogbo ha Ohe Oluhye! Anụ mwu eje nya ogbo! Anụ mwu eje gwogbo ha adịrahụ nyahị! Anụ mwu eje nya ogbo!

⁷Ohe Oluhye à ri adịrahụ nya odehe wuu lẹ, anụ gwogbo họọ leje omwumwu.

⁸Ohe Oluhye hụ ẹ-ẹchị ọlịgọgọ nyamwụ, ọ ri adịrahụ nya ẹpwụma wuu.

⁹Alegbeju nya alẹpwụma datị-datị tụguru lala angịnyị nya Ohe Oluhye nya Ebiraham, chajị ịdịrịhụ ilodehe wuu ri nya Ohe Oluhye. Ọwa-à ri adịrahụ ọgụgụ wuu lẹ. Eje Ọnyịịla nya anyị ịtụma nya iKora.