Read idege EJE ỌNYỊỊLA 5 Bible Online

EJE ỌNYỊỊLA 5 - idege bible

EJE ỌNYỊỊLA 5

¹Amkpaa ee, ke ụrụ la ẹla ọlẹ kam wẹẹ ya, ká wo eru nya ọjụjụ ọlẹ kam wẹẹ mwu.

²Ahụ adịrahụ bala Ohe Oluhye nyam ee, ke ụrụ lida ojeje bịlẹ ụbwọ ọdada nyam, ahụ kpangga m̄ wẹẹ raabwọ ha lẹ.

³A kaa wo omyi nya abwọ ọrịrị nyam lụtụrụ, lụka nya ẹnụ o-kpehe kpụ m̀ kaa bịlẹng ang, juwa ya ẹhị rịrị pịlẹ̀ẹẹ gbeng ká ka wẹm.

⁴Ang onyobyi ọhọhọ-ọ́ hang ahụ Ohe Oluhye ka. Ang onyobyi ọhẹ-lọhẹ-ẹ̀ nọ ẹpwa bang ka.

⁵Alọbọọchẹ-ẹ́ẹ̀ myịng ẹ-ẹchị ka, Angị họ ang onyobyi wuu kaa wụng ẹjẹ.

⁶A kaa ta alọnọọkịla wuu ayịreji. Angị kaa pịrị angịnyị ju bala angị nwụ angịnyị wung ẹjẹ lụmẹ.

⁷Ajị nya ọháha ọtụka nyang tị lẹ, m̀ ka jụ wẹ ẹpwa nyang myị, m̀ ka jẹ-ẹ̀ gbịgba u-Ube Ịgọgọ nyang myị, juwa hirikpẹ lihi ojuju.

⁸Amkpaa ee, chuhuu kpam ẹ-ẹpwụ nya ang ọnyịịla ọhọhọ, ká aluji nyam ā kụrụm ka. Họ ka ụgbẹyị nyang a la pẹẹpẹẹ ham, kam dịrọọ kpụrụrụ.

⁹Aluji nyam ịwẹ lẹ, ẹla nya ịlẹhị á ji ọnụ nyaa kpong-kpong ka. Imajẹ ji ẹpwụ ọkịlẹtụ nyaa lụmẹ. Ẹla ọlọnụ nyaa nyi oru pwuu lala iworu, Ịị kpa ọnụ mwụ angịnyị ju lọnọọkịla omeme.

¹⁰Ohe Oluhye ee, ya eje waa ká yaa akama u-uhye nya ang onyobyi nyaa. Họ ká obyi onyobyi nyaa-ā taa ata ju ẹbyị. Kwaa hi ẹga nya ịlọng ọọ-la iru nya ọ-họ tịpyọ bala egbeju-ọngịrị ọlala jahị dang.

¹¹Myị ká angị wẹ ka kpịbaa ẹ-ẹga nyang ā chị ọkẹkẹnị, kị juwa mwu eje nya ọkẹkẹnị ụka wuu. Chẹwụ ke angịlẹ kị la ọháha ẹ-ẹga nyang.

¹²Ahụ Amkpaa kaa wahị kụrụ alabwẹla ọnyịịla. A kaa ya ọnahị nyang dagaga jwaa lala ọkụmada. Eje Ọnyịịla nya iDevidi