Read idege EJE ỌNYỊỊLA 52 Bible Online

EJE ỌNYỊỊLA 52 - idege bible

EJE ỌNYỊỊLA 52

¹Hyẹ̀ẹ́ẹ̀ẹ̀! À họ ẹla-ogu lẹ-ẹ́, ká juwa chị ọgọm ju ang onyobyi ọlẹ ká họ? Ọnahị nya Ohe Oluhye tị ju ọdahịhile ụka wuu.

²Ahyu! Obyi nya ang onyobyi ọ-ka họ angịnyị ā kaa me lẹ, Ẹlẹlẹ nyang liri weri-weri lala iju, juwa me ịnịịkịla ịhyẹ ba ịkịla u-uhye.

³Ang onyobyi hang gụ ọnyịịla, ọnọọkịla hang gụ ẹla-ịlẹhị oyaya.

⁴Ẹla o-gu angịnyị kụcha-kụcha à kaa hang lẹ, ahụ ọlọnọọkịla!

⁵Ohe Oluhye ka kpang nọnọ gbe oyi myị oyi, ọ ka wung pyẹẹ́ hung da kpehe hi ẹpwa nyang. Ọ ka hung latẹ-latẹ daarụ hi ijalehe.

⁶Alabwẹla ọnyịịla ka yẹ ẹlẹwẹ, ejiri ka waa, ị ka hụlọ ẹhụ jung, ị ka bying yẹkẹẹ,

⁷“Anụ yẹ-ẹ̀ wẹ mẹ oo! Ọngọ myị hu Ohe Oluhye nya ẹga ọkpịbaa nyamwụ ka, kọ dahịhile ụdụ nya ịlọmwụ, kọ juwa byẹjẹ kịlahị-ịlahị ẹ-ẹpwụ nya imajẹ nyamwụ aalẹ, ẹbyị ọlẹ kọ ka họ ọngọlịnyị à wẹ lẹlẹ.”

⁸Am tị lala ọmwụ nya okoji nya olivu ọlẹ kọ juwa nwà ju jwọọjwọọ ẹ-ẹpwa nya Ohe Oluhye, m̀ dahịhile ọháha o-gbu enyi-ka nyamwụ gbe oyi myị oyi.

⁹Ohe Oluhye ee, m̀ ka jing obe gbe oyi myị oyi, chajị nya ang ọlẹ ká họ. M̀ ka yang dodehe ẹ-ẹga nya angịnyị nyang, chajị à hiigu. Eje Ọnyịịla nya iDevidi ọdatị-datị ọlẹ ri nya olegbeju nya angị mwu eje.